Aposel 27:2 - Yesus Aqa Anjam Bole

² Onaqa Julius a na iga Pol qu joqsiqa Adramitium qure naŋgo qobuŋ bei Esia sawaq gilqa laqnaqa gogetosim koba na gilem. Qobuŋ di yuwal qala qalaq na dauryosim qunduŋ kalil aiqa marnabqa iga gogetosim gilem. Tamo bei aqa ñam Aristarkus a iga koba na gilem. Aristarkus aqa qure utru Tesalonaika. Tesalonaika a Masedonia sawaq di unu.

Aposel 27:2 Iomraidhean Croise

Luk 8:22

Bati bei Yesus aqa aŋgro naŋgi ti qobuŋ bei gogetosibqa Yesus na minjrej, “Iga ya agu taqal beiq gilqom.” Degsi minjrnaqa naŋgi gileqnabqa Yesus a urŋamyonaqa qobuŋ miligiq di ŋeisiq qambumtej. Onaqa jagwa koba tigelosiq ya korkortosiqa qobuŋ qaloqnsiqa mormaŋ miligiq ainaqa ya maqonaqa qobuŋ padalqa laqnej.

Aposel 16:17

Iga Pol koba na aieqnamqa uŋa di a iga daurgoqnsiqa tulaŋ koba leleŋoqnsiqa maroqnej, “Tamo naŋgi di Tamo Koba Qotei aqa wau tamo. Qotei a niŋgi oqajqa gam di naŋgi na osorŋgeqnub.”

Aposel 17:1

Naŋgi gilsib Amfipolis qureq di brantosib dena walwelosib Apolonia qureq gileb. Dena tigelosib gilsib Tesalonaika qureq di branteb. Dia Juda naŋgo Qotei tal bei soqnej.

Aposel 19:19

Tamo uŋgasari gargekoba nami quñam qaloqneb qaji naŋgi bosib naŋgo quñam qalo qaji buk kalil koroiyoqnsibqa tamo uŋgasari naŋgo ulatamuq dia koiteleŋoqneb. Buk di nami tamo qudei naŋgoq dena silali na awaiyo qaji. Silali kalil sisiyeb 50,000 kina.

Aposel 19:29

Naŋgi anjam degsib mareqnabqa tamo uŋgasari kalil Efesus qureq di soqneb qaji naŋgi qusibqa naŋgi dego tulaŋ murqumyoqnsibqa Masedonia tamo aiyel Pol dauryosib beb qaji naŋgo ñam Gaius wo Aristarkus wo naŋgi ojsib giriŋnjrosib qure deqa gate kokba naŋgo ulatamuq dia tigeltnjrqa marsib gurgur ti koro sawaq joqsib gileb.

Aposel 2:9

Iga kalil qure bei bei qaji. Iga qudei Partia, Midia, Elam, Mesopotemia, Judia, Kapadosia, Pontus, Esia sawaq dena beleŋem.

Aposel 21:5

Ariya bati 7-pela koboonaqa iga Pol ombla na qure di uratosim qobuŋ gogetqa marsim alile aiem. Kristen tamo uŋgasari naŋgo aŋgro ti naŋgi na iga suweigosib alile aisim dia iga koba na siŋga pulutosim Qotei pailyem.

Aposel 28:10

Ariya nui deqaji tamo uŋgasari kalil naŋgi iga geregereigoqnsib kumbra tulaŋ boledamu egoqneb. Onaqa bunuqna iga nui di uratqa laqnamqa iŋgi iŋgi kalil iga saigeleŋej qaji di naŋgi na olo egeleŋonab gago iŋgi iŋgi kereej.

Aposel 28:12

Iga Malta nui uratosim qobuŋ na aisim Sirakyus qureq di tiryosimqa bati qalub di soqnem.

Aposel 28:16

Ariya iga naŋgi ti koba na aisim Rom qureq di brantem. Onaqa Rom naŋgo mandor koba Sisar a na aqa qaja tamo qudei naŋgi qariŋnjrnaqa bosib Pol osib aqa segi talq di atnab soqnej. Pol a ulaŋaim deqa qaja tamo qujai minjnab a na taqatesoqnej.

Aposel 28:2

Onaqa tamo uŋgasari nui dia soqneb qaji naŋgi kumbra tulaŋ boledamu ysibqa iga geregereigeb. Osib awa boqnej deqa iga yorgonaqa ŋam tuŋguyosib mergeb, “Niŋgi bosib ŋamyuo areq endi awooiye.” Onaqa iga ŋamyuo areq di awoonam jejamu kaŋkaŋgej.

Kolosi 4:10

Aqo Aristarkus wo ombla na tonto talq endi waigeb unum. A na niŋgi kaiyeiŋgwo. Mak a Barnabas aqa gagai. A dego niŋgi kaiyeiŋgwo. Mak a niŋgi qa bo degamqa niŋgi a osib gerege-reiyiye. Agi e nami a qa anjam neŋgreŋyosim niŋgi qa qariŋyem.

Filemon 1:24

Mak na Aristarkus na Demas na Luk na naŋgi qolqe dego ni kaiyeimonub. Naŋgi e koba na wau qujai.