Aposel 27:11 - Yesus Aqa Anjam Bole

¹¹ Pol a na naŋgi degsi minjrnaqa qobuŋ kuñi ojo tamo wo qobuŋ aqa abu wo naŋgi aiyel na Pol aqa anjam di gotraŋyosib gilqa mareb. Julius a dego Pol aqa anjam gotraŋyosiqa naŋgo aiyel anjam dauryej.

Aposel 27:11 Iomraidhean Croise

Aposel 27:21

Bati gargekoba tamo qobuŋq di wauo qaji naŋgi iŋgi uyosai. Deqa Pol a naŋgo ambleq di tigelosiqa minjrej, “O wau tamo niŋgi quiye. E nami merŋgem, niŋgi Krit nui uratosib gilaib. Niŋgi ijo anjam di dauryosai deqa agi iga gulube koba itonum. Niŋgi uniye. Qobuŋ aqa iŋgi iŋgi gargekoba loumeleŋqo.

Hibru 11:7

Noa a dego Qotei qa aqa areqalo siŋgilatej. Deqa Qotei na minjej, “E bunuqna awa qariŋyit bosim mandam kalil keretqas. Deqa ni qobuŋ qujai gereiyime.” Ariya Noa a Qotei aqa anjam di aqa damu unosaisosiqa a Qotei aqa anjam di dauryosiqa aqa uŋa ti aqa aŋgro ti naŋgi padalaib deqa qobuŋ qujai gereiyej. A Qotei qa aqa areqalo siŋgilatej deqa a na tamo uŋgasari kalil mandamq di soqneb qaji naŋgo kumbra uge ubtsiq minjroqnej. A Qotei qa aqa areqalo siŋgilatosiq qobuŋ gereiyej deqa Qotei na a tamo bole une saiqoji qa minjej. Agi Qotei na tamo kalil a qa naŋgo areqalo siŋgilateqnub qaji naŋgi tamo bole une saiqoji qa minjreqnu.

Jems 3:4

Niŋgi qobuŋ uniye. Qobuŋ a tulaŋ kobaquja. Ariya aqa kuñi tulaŋ kiñala. Ariya jagwa koba tigelosiq qobuŋ tutqa laqnaqa qobuŋ aqa abu na kuñi ojoqnsiq tingiteqnaq qobuŋ a dauryoqnsiq gileqnu.

Uli Anjam 18:17

Deqa bati qujai qa ino silali ti wala ti kalil agi saiekritonub.’ Naŋgi degsib Babilon minjoqnqab. “Qobuŋ ojo tamo kalil naŋgi ti tamo qobuŋ na sawa sawaq di laqnub qaji naŋgi ti tamo qobuŋq di waueqnub qaji naŋgi ti tamo yuwalq dena silali eqnub qaji naŋgi dego Babilon qure koqyosibqa isaq di tigelesqab.