Aposel 27:1 - Yesus Aqa Anjam Bole

¹ Onaqa naŋgi iga qobuŋ gogetosim Itali sawaq gilqajqa anjam keretosib Pol tamo qudei ti tonto talq dena eleŋosib qaja tamo naŋgo gate bei aqa ñam Julius aqa baŋq di ateb. Julius a Rom qaji tamo.

Aposel 27:1 Iomraidhean Croise

Matyu 27:54

Ariya qaja tamo naŋgi ŋamburbasq dia Yesus taqatesoqneb qaji naŋgo gate koba ombla na mimiŋ dosiq mandam reŋgiŋyonaq meniŋ kokba paraparaeleŋonab unsibqa naŋgi tulaŋ ulaugetosib mareb, “Bole. Tamo endi a Qotei aqa Ŋiri.”

Luk 23:47

Onaqa qaja tamo naŋgo gate koba a Yesus degsi mondor titosiq moiej di unsiqa a Qotei aqa ñam soqtosiqa marej, “Bole, Yesus aqa jejamuq di une bei saiqoji.”

Luk 7:2

Dia Rom naŋgo qaja tamo gate bei soqnej. Aqa kaŋgal tamo bei a tulaŋ qalaqalaiyoqnej qaji di makobaiysiqa moiqa laqnej.

Aposel 10:1

Ariya Sisaria qureq dia tamo bei soqnej aqa ñam Kornilius. A Juda tamo sai. A Rom qaji tamo. A qaja tamo naŋgo gate. A na qaja tamo 100 naŋgi taqatnjroqnej. Aqa qaja tamo naŋgi Itali sawa qaji.

Aposel 10:22

Onaqa naŋgi na minjeb, “Qaja tamo gate aqa ñam Kornilius a tamo bolequja. A bati gaigai Qotei qa ulaoqnsiqa aqa anjam dauryeqnu. Juda tamo uŋgasari kalil naŋgi a qa mareqnub, ‘A tamo bolequja.’ Ni que. Ya bilaq Qotei aqa laŋ aŋgro bei Kornilius aqaq di brantosiq minjej, ‘Ni tamo qudei naŋgi qariŋnjrimqa aisib Pita minjib ino talq bosim anjam bei mermim quqwam.’”

Aposel 16:10

Pol a ŋeiobilqei degsi unej deqa iga tigelosim Masedonia sawaq aiem. Iga endegsi poigej, “Qotei na iga Masedonia sawaq dia tamo uŋgasari naŋgi Yesus aqa anjam minjrqajqa deqa metgwo.”

Aposel 18:2

Gilsiq dia Juda tamo bei aqa ñam Akwila itej. Akwila aqa qure utru Pontus. Nami yala naŋgi aqa ŋauqali Prisila wo Itali sawa uratosib Korin beb. Rom naŋgo mandor koba Sisar Klodius a marej, “Juda naŋgi Rom qureq endia sqasai. Kalil jaraiiye.” Deqa naŋgi aiyel Itali sawa uratosib Korin qureq beb. Bosib Korin qureq di sonabqa Pol a gilsiq naŋgi itnjrej.

Aposel 19:21

Bati bei Qotei aqa Mondor na Pol areqalo yonaqa a endegsi marej, “E Masedonia sawa ti Akaia sawa ti dia walweloqnsiyqa dena aisiy Jerusalem qureq di brantqai.” Osiqa marej, “Di koboamqa e Jerusalem uratosiy gilsiy Rom qure dego unqai.”

Aposel 21:32

A degsi qusiqa aqa qaja tamo qudei naŋgo gate naŋgi ti joqsiqa gurgur ti tamo uŋgasari naŋgo ambleq ainabqa unjrsibqa Pol qalqa urateb.

Aposel 22:26

Onaqa qaja tamo gate dena Pol aqa anjam di qusiqa a qaja tamo naŋgo gate koba aqa areq gilsiqa nenemyej, “Pol a Rom qaji tamo. Deqa ni a kieryqam?”

Aposel 23:11

Gilsib di sonab nebeosiq olo qoloonaqa Tamo Koba Yesus a bosiqa Pol aqa areq di tigelosiq minjej, “Ni are siŋgilatime. Ulaaim. Ni Jerusalem endia ijo anjam mare mare laqnum dego kere ni Rom aisim dia dego ijo anjam siŋgila na minjroqne.” Tamo Koba Yesus na Pol degsi minjej.

Aposel 23:17

Minjnaq qusiqa qaja tamo gate bei metonaq aqa areq bonaq minjej, “Ni aŋgro wala endi osim nuŋgo gate koba aqa areq osi aiimqa a na anjam bei minjqas.”

Aposel 24:23

Osiqa aqa qaja tamo gate bei minjej, “Ni na Pol osim tonto talq di waiysim taqatesoqne. A gulube bei yaim. Aqa was naŋgi a unqa bosib iŋgi iŋgi qa aqaryaiyqa maroqnibqa ni na saidnjraim.”

Aposel 25:12

Pol a na Festus degsi minjnaqa a warumq dena oqedosiqa aqa qaja tamo qudei naŋgi koba na anjam qairosib olo warum miligiq gilsiqa Pol minjej, “Ni Sisar aqa ulatamuq dia tigelqa maronum deqa e ni qariŋmitqa Sisar aqaq gilqam.”

Aposel 25:25

Ariya e Pol aqa jejamuq di une kobaquja bei unosai. Deqa e Pol laŋa moiotqa keresai. Ariya Pol na merbej, ‘E Mandor Koba Sisar aqa ulatamuq dia tigelqai. Yimqa a na ijo anjam qusim gereiyetbqas.’ Onaqa e na Pol minjem, ‘Di kere. E ni qariŋmitqa Rom qureq gilqam.’

Aposel 27:11

Pol a na naŋgi degsi minjrnaqa qobuŋ kuñi ojo tamo wo qobuŋ aqa abu wo naŋgi aiyel na Pol aqa anjam di gotraŋyosib gilqa mareb. Julius a dego Pol aqa anjam gotraŋyosiqa naŋgo aiyel anjam dauryej.

Aposel 27:43

Degsi marnabqa naŋgo gate Julius a are qalej, “Naŋgi Pol dego qalib moiaim deqa e na naŋgi saidnjrqai.” Degsi are qalsiqa naŋgi minjrej, “Tonto tamo naŋgi ñumaib.” Osiqa tamo qawaiŋo qalie naŋgi minjrej, “Niŋgi namo prugosib yuwalq aisib qawaiŋosib alile di patqab.”

Aposel 27:6

Dia Julius a Aleksandria qure naŋgo qobuŋ bei Itali sawaq gilqa laqnaqa unsiqa a na iga Pol qu tonto tamo naŋgi ti joqsiqa qobuŋ di gogetem.

Aposel 28:1

Iga kalil alile dia pateleŋonamqa nui di aqa ñam Malta degsi mergonab quem.

Aposel 28:16

Ariya iga naŋgi ti koba na aisim Rom qureq di brantem. Onaqa Rom naŋgo mandor koba Sisar a na aqa qaja tamo qudei naŋgi qariŋnjrnaqa bosib Pol osib aqa segi talq di atnab soqnej. Pol a ulaŋaim deqa qaja tamo qujai minjnab a na taqatesoqnej.

Hibru 13:24

Niŋgi na ijo kaiye anjam endi osib Kristen gate kalil naŋgi ti Qotei aqa tamo uŋgasari kalil naŋgi ti minjriye. Itali tamo qudei bosib endia unub qaji naŋgi na dego niŋgi kaiyeiŋgonub.