Aposel 26:8 - Yesus Aqa Anjam Bole

⁸ Niŋgi qudei endegsib are qaleqnub kio, ‘Qotei na tamo naŋgi subq na tigeltnjrqasai?’ Niŋgi kiyaqa degsib are qaleqnub? Nuŋgo areqalo di bolesai.

Aposel 26:8 Iomraidhean Croise

Luk 1:37

Qotei a kumbra kalil yqa kere. Kumbra bei a yqa keresai di saiqoji.”

Luk 18:27

Onaqa Yesus na kamba minjrej, “Tamo naŋgi segi ŋambile sqa keresai. Ariya Qotei a kumbra kalil yqa kere.”

Aposel 23:6

Ariya Juda tamo kokba awoeleŋesoqneb qaji naŋgo ambleq dia Sadyusi tamo ti Farisi tamo ti soqneb. Onaqa Pol a degsi qalieosiqa leleŋosiq minjrej, “O ijo was niŋgi quiye. E Farisi tamo. Ijo abu a dego Farisi tamo. Deqa e endegsi are qalonum. Tamo kalil moreŋo qaji naŋgi mondoŋ olo subq na tigelqab. Anjam deqa e ijo areqalo tulaŋ siŋgilatejunum. Anjam deqa qujai naŋgi na e ojsib agi nuŋgo ŋamdamuq di tigeltbonub.”

Aposel 25:19

Naŋgi naŋgo Qotei louqa kumbra deqa segi ŋiriŋosibqa Pol aqa jejamuq di anjam qamoqneb. Pol a maroqnej, ‘Tamo bei aqa ñam Yesus a moisiq olo subq na tigelej.’ Deqa ti naŋgi ŋiriŋosibqa Pol aqa jejamuq di anjam laŋa qamoqneb.

1 Korin 15:34

Deqa niŋgi nanari kumbra uratosib areqalo bole ti sosib olo une yoqnaib. Niŋgi quiye. Nuŋgo ambleq di tamo qudei naŋgi Qotei qalieosaiunub. Niŋgi deqa jemaiŋgwajqa deqa e anjam di niŋgi merŋgonum.

Filipai 3:21

Yesus aqa segi siŋgila na a na iŋgi iŋgi kalil eleŋosim aqa segi sorgomq di atim sqas. Aqa siŋgila dena a na gago jejamu bulyetgimqa gago jejamu di Yesus aqa jejamu bulosim so bole gaigai sqas. Gago jejamu di agi bini gulube ti jaqatiŋ ti unu.