Aposel 26:24 - Yesus Aqa Anjam Bole

²⁴ Pol a anjam degsi marsiq gileqnaqa Festus na aqa anjam gentosiqa leleŋosiq minjej, “Pol, ni nanarionum. Ino qalie kobaquja dena ni tulaŋ nanaritmqo.”

Aposel 26:24 Iomraidhean Croise

Mak 3:21

Onaqa Yesus aqa was naŋgi aqa aniqali koba na degsi qusibqa tigelosib Yesus oqajqa marsib Nasaret qure uratosib qure Yesus soqnej qaji deq gileb. Naŋgi maroqneb, “Yesus a nanariqo kio?”

Jon 7:15

Onaqa Juda tamo kokba naŋgi Yesus aqa anjam di qusibqa naŋgi are koba qaloqnsib segi segi maroqneb, “Yesus a powo kobaquja di qabe na osiqa anjam mareqnu? A nami skul beiq gilosai.”

Jon 8:48

Onaqa Juda naŋgi Yesus aqa anjam di qusibqa minjeb, “Iga bole maronum, ni Samaria qaji tamo. Mondor uge inoq di unu.”

Jon 8:52

Onaqa Juda naŋgi na minjeb, “Endego iga qalieonum, mondor uge inoq di unu. Abraham a moiej. Qotei aqa medabu o qaji tamo kalil naŋgi dego moreŋekriteb. Ariya ni maronum, ‘Tamo bei na ijo anjam qusim dauryqas di a olo moiqa keresai.’

Aposel 17:32

Pol a Atens qureq dia tamo uŋgasari naŋgi anjam degsi minjrnaqa naŋgi Yesus subq na tigelej anjam di qusibqa naŋgi qudei Pol kikiyeb. Ariya naŋgi qudei na Pol minjeb, “Anjam di bunuqna ni na olo mergim iga quqwom.”

Aposel 22:1

“O ijo was niŋgi ijo abu ti e kamba anjam bei merŋgit quiye.”

Aposel 24:25

Kumbra bole bole dauryoqnqajqa deqa ti gago segi segi so geregere taqatoqnqajqa deqa ti Feliks minjnaq quej. Mondoŋ Qotei na tamo uŋgasari naŋgo une qa peginjrqajqa deqa ti Pol na Feliks minjnaq quej. Qusiqa ulaosiq Pol minjej, “Ni mati aisim ino warumq di soqne. Bunuqna e bati atsiy olo ni metmit bosim anjam di merbqam.”

Aposel 24:27

Wausau aiyel koboonaqa Feliks a Judia sawa taqato wau di uratonaqa tamo bei aqa ñam Porsius Festus a kamba Feliks aqa wau di osiqa Judia sawa taqatesoqnej. Onaqa Feliks a na Juda tamo kokba naŋgo are boletetnjrqajqa deqa a Pol tonto talq di uratonaq soqnej.

Aposel 26:11

E bati gargekoba Juda naŋgo Qotei tal kalil miligiq giloqnsimqa dia Yesus aqa tamo uŋgasari naŋgi ojeleŋoqnsim ugeugeinjroqnem. E endegsi are qaloqnem, ‘E naŋgi jaqatiŋ koba enjritqa naŋgi ulaosib Yesus qoreiyosib aqa ñam misiliŋyqab.’ Degsim are qaloqnsim deqa naŋgi ugeugeinjroqnem. E naŋgi qa minjiŋ ani oqetbeqnaqa naŋgi daurnjroqnsimqa qure isa isaq giloqnsim dia naŋgi itnjroqnsim ugeugeinjroqnem.

1 Korin 1:23

Ariya Kristus a ŋamburbasq di moiej anjam di iga palontsim laqnam Juda naŋgi quoqnsib gisaŋ qa mareqnub. Grik naŋgi dego anjam di quoqnsib nanari qa mareqnub.

1 Korin 4:10

Iga Kristus aqa ñam osi laqnum deqa iga nanari tamo bul unum. Ariya niŋgi Kristus aqa kumbra qa tulaŋ qalie unub. Iga siŋgila saiqoji unum. Ariya niŋgi siŋgila ti unub. Iga ñam saiqoji unum. Ariya niŋgi ñam ti unub.

2 Korin 5:13

Tamo deqaji naŋgi mareqnub, “Pol a nanari tamo.” O was qu, naŋgo anjam di boleamqa, uŋgum, iga Qotei aqa wau uratqasai. Iga ojoqnqom. Ariya iga areqalo bole ti sosim wauoqnqom dena niŋgi aqaryaiŋgwas.

2 Timoti 3:15

Ni qalie, nami ni aŋgro kiñala sosim bati deqa ni Qotei aqa anjam neŋgreŋq di so qaji di qalieosim bosi bosim agi qalieosim unum. Anjam dena ni areqalo bole emej. Deqa bati di ni Kristus Yesus qa ino areqalo siŋgilatonamqa Qotei na ni padalo sawaq dena ej.