Aposel 25:2 - Yesus Aqa Anjam Bole

^2-3 Aisiq di sonaqa atra tamo kokba ti Juda tamo bole bole ti naŋgi bosib Festus aqa ulatamuq dia tigelosib Pol aqa jejamuq di olo anjam qamoqneb. Osib Festus minjeb, “Ni na anjam qariŋyosim ino qaja tamo naŋgi endegsim minjre, ‘Niŋgi Sisaria qureq dena Pol osib Jerusalem osib boiye.’ Minjrimqa gago are boleqas.” Naŋgi degsib Festus minjeb. Di kiyaqa? Naŋgi nami anjam endegsib qoseb. Qaja tamo naŋgi na Pol osi boqnibqa gamq dia naŋgi Pol qalsib moiotqab.

Aposel 25:2 Iomraidhean Croise

Aposel 24:1

Bati 5-pela koboonaqa Juda naŋgo atra tamo gate Ananaias a ti Juda tamo kokba qudei ti Juda naŋgo anjam taqyo tamo bei aqa ñam Tertulus a ti Sisaria qureq aieb. Aisib Rom naŋgo tamo koba Feliks aqa ulatamuq dia tigelosibqa Pol aqa jejamuq di anjam qamoqneb.

Aposel 25:15

Deqa e Jerusalem di sonamqa Juda tamo kokba ti Juda tamo bole bole ti naŋgi na Pol aqa jejamuq di anjam qamsib endegsib merbeb, ‘Ni mare, “Pol a une ti.” Osim ni na ino qaja tamo naŋgi minjrimqa naŋgi Pol qalib moiem.’

Aposel 25:24

Onaqa Festus na Agripa minjej, “O Mandor Koba Agripa, Pol agi osi bonub. Ni unime. Niŋgi kalil koroonub qaji endi niŋgi dego Pol uniye. E Jerusalem qureq di sonamqa Juda tamo uŋgasari kalil naŋgi Pol aqa jejamuq di anjam gargekoba qameleŋoqnsib murqumyoqnsib endegsib merboqneb, ‘Ni Pol qalim moiem. A olo mandamq endi saiq.’ Bosib Sisaria qureq endia dego Pol aqa jejamuq di anjam qamoqnsib e degsib merboqneb.

Aposel 28:17

Pol a di sosiqa bati qalub koboonaqa a na Juda tamo kokba Rom dia soqneb qaji naŋgi metnjrnaqa bosib aqa areq di koroonab minjrej, “O ijo was niŋgi quiye. Jerusalem dia Juda tamo kokba naŋgi e laŋa ojsib tonto talq waibeb. Naŋgi ijo une bei unosai. E Juda gago kumbra bei ugeugeiyosaioqnem. Gago moma naŋgo dal anjam dego gotraŋyosaioqnem. Juda tamo kokba naŋgi e laŋa ojsib Rom naŋgo baŋq di ateb.

1 Tesalonaika 2:16

Osib iga na sawa bei bei qaji tamo uŋgasari naŋgi Qotei aqa anjam minjrqajqa gam getentetgeqnub. Sawa bei bei qaji tamo naŋgi Qotei na eleŋaim deqa maroqnsib gam getentetgeqnub. Deqa naŋgi bati gaigai naŋgo segi une tulaŋ kobaqujateqnub. Naŋgo kumbra dena Qotei aqa minjiŋ bosiq naŋgoq di unu.