Aposel 24:25 - Yesus Aqa Anjam Bole

²⁵ Kumbra bole bole dauryoqnqajqa deqa ti gago segi segi so geregere taqatoqnqajqa deqa ti Feliks minjnaq quej. Mondoŋ Qotei na tamo uŋgasari naŋgo une qa peginjrqajqa deqa ti Pol na Feliks minjnaq quej. Qusiqa ulaosiq Pol minjej, “Ni mati aisim ino warumq di soqne. Bunuqna e bati atsiy olo ni metmit bosim anjam di merbqam.”

Aposel 24:25 Iomraidhean Croise

Matyu 22:5

“Onaqa naŋgi gilsib tamo naŋgi di minjreb, ‘Niŋgi boiye.’ Minjrnabqa naŋgi kalil bqa asginjrej. Asginjrej deqa bei a ulaŋosiqa aqa iŋgi wauq gilej. Bei a ulaŋosiq aqa silali wauq gilej.

Jon 16:8

Bosim mandam endeqa tamo uŋgasari naŋgo une babtoqnim naŋgi poinjroqnqas. Kumbra bole qa utru di dego a na osornjroqnim naŋgi qalieoqnqab. Qotei a mondoŋ tamo uŋgasari naŋgo une qa naŋgi peginjrqas. Kumbra di dego naŋgi qalieqajqa deqa Qotei aqa Mondor na naŋgi osornjroqnqas.

Aposel 10:42

Yesus a na nami iga endegsi mergej, ‘Niŋgi na tamo uŋgasari naŋgi e qa endegsib minjroqniye, “Yesus a segi qujai Qotei na giltej qaji. Deqa mondoŋ a na qujai tamo ŋambile unub qaji ti tamo nami moreŋeb qaji naŋgi ti naŋgo une qa peginjrsim naŋgi ŋamyuoq wainjrqas.” ’ Yesus a na nami iga degsi mergej.

Aposel 17:13

Onaqa Juda tamo uŋgasari Tesalonaika qureq di soqneb qaji naŋgi Pol a Beria qureq gilsiq dia dego Qotei aqa anjam maroqnej di qusibqa minjiŋ oqetnjrnaqa mareb, “Iga Pol qalqom.” Degsib marsibqa Beria qureq bosib dia tamo uŋgasari naŋgo are ugetetnjreb.

Aposel 17:2

Deqa Pol aqa kumbra gaigai yoqnej qaji di dauryosiqa Qotei tal miligiq gilej. Gilsiqa yori bati qalub qa Qotei aqa anjam nami neŋgreŋyeb qaji di plaltoqnsiqa Juda tamo uŋgasari naŋgi minjroqnej.

Aposel 17:32

Pol a Atens qureq dia tamo uŋgasari naŋgi anjam degsi minjrnaqa naŋgi Yesus subq na tigelej anjam di qusibqa naŋgi qudei Pol kikiyeb. Ariya naŋgi qudei na Pol minjeb, “Anjam di bunuqna ni na olo mergim iga quqwom.”

Aposel 2:37

Onaqa naŋgi Pita aqa anjam di qunabqa anjam dena naŋgo are qametnjrej. Deqa naŋgi na Yesus aqa aŋgro naŋgi Pita ombla minjreb, “O gago was niŋgi na mergiye. Iga kieronamqa Qotei na iga eleŋamqa iga padalqasai?”

Aposel 24:15

Mondoŋ Qotei na tamo bole ti tamo uge ti naŋgi olo subq na tigeltnjrqas. Qotei qujai deqa e ijo areqalo siŋgilatoqnsim subq na tigelo bati qa tariŋoqnsim unum. Juda tamo kokba naŋgi dego Qotei qa naŋgo areqalo siŋgilatoqnsib subq na tigelo bati qa tariŋoqnsib unub.

Aposel 24:26

Feliks a bati gargekoba Pol aqa anjam quqwajqa metoqnej. Aqa anjam quqwajqa deqa segi metosaioqnej. A endegsi are qaloqnej, “E Pol metitqa a bosim silali ebimqa e tonto talq dena a uratqajqa deqa kio merbqas?” Osiq deqa metoqnej.

Aposel 26:28

Onaqa Agripa na Pol nenemyej, “Ni kiersi are qalonum? Ni endego e are bulyosiy Kristen tamo brantqajqa merbonum e?”

Aposel 9:6

Deqa ni tigelosim Damaskus qureq aie. Aisim dia tamo bei itqam. A na ni wau kie yqam di mermqas.”

Rom 12:1

Ariya was qu, Qotei a iga qa are tulaŋ boleiyosiq eleŋej deqa e niŋgi siŋgila na endegsi merŋgwai. Niŋgi nuŋgo segi jejamu osib Qotei atraiyiye. Osib deqa niŋgi ŋambile sosib Qotei aqa segi tamo uŋgasari tiŋtiŋ sqab. Deqa niŋgi kumbra Qotei a tulaŋ areareteqnu qaji di yoqniye. Niŋgi degyoqnqab di niŋgi Qotei aqa kumbra na bole louoqnqab.

Rom 14:12

Qotei aqa anjam degsi unu. Deqa iga qalieonum, iga segi segi kalil Qotei aqa ulatamuq di tigelosim gago kumbra kalil babtosim minjnam a quqwas.

1 Korin 4:5

Qotei na tamo naŋgo une qa peginjrqa bati brantosaiunu deqa niŋgi na tamo qudei naŋgi une ti qa minjraib. Niŋgi mati tariŋesoqnibqa mondoŋ Tamo Koba Yesus a bosimqa a segi na iŋgi iŋgi kalil ambruq di uliejunub qaji di suwaŋoq di atqas. Osim tamo kalil naŋgo areqalo dego boleq atqas. Yim bati deqa Qotei a gago segi segi kumbra geregere pegiyosim mergwas.

2 Korin 5:10

Di kiyaqa? Iga qalieonum, mondoŋ iga kalil Kristus aqa ulatamuq dia tigelimqa a na gago kumbra qa iga pegigwas. Iga mandamq endia kumbra bole kio kumbra uge kio yoqnem di a unsim awai segi segi egwas.

2 Korin 6:2

Agi Qotei aqa anjam bei nami endegsib neŋgreŋyeb unu, “E ni osiy boletmqajqa bati atem. Ariya bati di brantonaqa e ino pail qusim agi ni aqaryaimem.” O was qu, niŋgi quiye. Qotei na iga boletgwajqa bati agi bini brantqo. A na iga oqajqa bati agi bini qujai.

Galesia 3:22

Ariya degsi sosai. Agi Qotei aqa anjam bei nami endegsib neŋgreŋyeb unu, “Tamo uŋgasari kalil naŋgo une na naŋgi tonto talq di breinjrobuleqnu.” Qotei a nami anjam degsi marej. Di kiyaqa? Iga tamo uŋgasari Yesus Kristus qa gago areqalo siŋgilateqnum qaji iga na iŋgi bole bole Qotei a nami iga egwa marej qaji di olo oqajqa deqa.

Galesia 5:23

lawo na soqa, gago segi jejamu taqatosim areqalo namij dauryqa uratoqa. O was qu, iga kumbra bole deqaji yoqnqom di dal anjam na iga getentgwa keresai.

2 Timoti 4:1

Qotei wo Kristus Yesus wo naŋgo ŋamgalaq di e ni siŋgila na endegsi mermqai. Mondoŋ Kristus Yesus a laŋ qureq dena brantosim bati deqa a na tamo uŋgasari kalil ŋambile so qaji naŋgi ti tamo uŋgasari nami moreŋeb qaji naŋgi ti naŋgo kumbra qa peginjrqas. Osim a bati gaigai naŋgo Mandor Koba sqas.

Taitus 1:8

Tamo laŋaj naŋgi aqa meq beqnabqa oqnsiq geregereinjreqnu di ni unsim a gate ate. A kumbra bole bole dauryqajqa are qaloqnsiq areqalo bole ti unu di ni unsim a gate ate. A kumbra tiŋtiŋ ti Qotei aqa segi kumbra bole bole ti di dauryqajqa tulaŋ areareteqnu di ni unsim a gate ate. A aqa segi so geregere taqateqnu di ni unsim a gate ate.

Hibru 12:21

Manaq dia naŋgi iŋgi iŋgi di unsib deqa naŋgi tulaŋ ulaugeteb. Moses a segi dego mana deqa ulaosiq marej, “E segi ulaugetosim tulaŋ ginda gindaŋeqnum.”

Hibru 3:13

Bati gaigai iga mareqnum, “Bini bati endi”. Deqa niŋgi bati gaigai Qotei aqa tamo uŋgasari naŋgi anjam bole minjroqnsib naŋgo areqalo tigeltetnjroqniye. Nuŋgo ambleq di une aqa kumbra na tamo bei gisaŋyim aqa are miligi getento uge.

Hibru 4:1

Ariya Qotei na iga dego mergej, “Niŋgi ijo aqarato sawa miligiq gilqab.” Deqa was qu, iga ulaqom. Nuŋgo ambleq di Qotei na tamo bei saidyim aqa aqarato sawa miligiq gilosaio uge.

Hibru 6:2

Anjam bei agi yanso oqajqa anjam. Anjam bei agi Kristen gate naŋgi na wau tamo naŋgi giltnjrqa maroqnsib naŋgo gateq di baŋ ateqnub. Anjam bei agi subq na tigelqajqa anjam. Anjam bei agi Qotei na tamo kalil naŋgo une qa naŋgi peginjrsimqa tamo qudei naŋgi ŋambile enjrimqa naŋgi so bole gaigai sqab. Ariya tamo qudei naŋgi Qotei na ŋamyuoq di breinjrim naŋgi dia gaigai sqab. O was qu, anjam di iga nami utruq na quoqnem. Ariya bini iga anjam dena prugosim olo Kristus aqa anjam qudei iga siŋgilatgwajqa qaji di dauryoqnqom.

Hibru 9:27

Iga qalie, tamo kalil naŋgi bati qujai qa moieqnub. Ariya mondoŋ tamo kalil naŋgi Qotei aqa ulatamuq di brantib a naŋgo une qa naŋgi peginjrqas.

Jems 2:19

Ni mareqnum, “Bole, Qotei a segi qujai unu.” Ni kere mareqnum. Ariya mondor uge naŋgi dego degsib maroqnsib Qotei ulaiyeqnub.

1 Pita 3:15

Niŋgi nuŋgo are miligiq di Kristus atsib sosibqa a segi qujai nuŋgo Tamo Koba degsib are qaloqniye. Yimqa tamo qudei naŋgi nuŋgo kumbra di unsib endegsib nenemŋgoqnqab, “Niŋgi iŋgi bole kie qa tariŋoqnsib deqa niŋgi tulaŋ areboleboleiŋgeqnu?” Degsib nenemŋgoqnibqa niŋgi na kamba olo naŋgi anjam minjrqajqa gam gereiysib soqniye. O was qu, niŋgi bati gaigai degyoqniye.

2 Pita 1:6

Osib dena niŋgi nuŋgo jejamu aqa kumbra geregere taqatesoqniye. Osib dena niŋgi gulube qoboiyoqnsib siŋgila na tigelesoqniye. Osib dena niŋgi Qotei aqa segi kumbra boleq di sosib walweloqniye.

1 Jon 3:10

Iga kiersi qalieqom, tamo di a Qotei aqa aŋgro? Tamo di a Satan aqa aŋgro? Iga endegsi qalieqom. Tamo naŋgi kumbra tiŋtiŋ yosaieqnub qaji naŋgi Qotei aqa aŋgro sai. Tamo naŋgi Qotei aqa aŋgro naŋgi qalaqalainjrosaieqnub qaji naŋgi dego Qotei aqa aŋgro sai.

1 Jon 3:7

O ijo aŋgro kalil, niŋgi geregere ŋam atoqniye. Tamo bei na bosim niŋgi gisaŋgo uge. Tamo a kumbra tiŋtiŋ dauryqas di a Qotei aqa ŋamgalaq di tamo tiŋtiŋo sqas. Kristus a tamo tiŋtiŋo unu dego kere.