Aposel 24:18 - Yesus Aqa Anjam Bole

¹⁸ E atra tal miligiq gilsimqa une kobotqajqa kumbra Moses a nami marej qaji di dauryosim yem. Di koboonaqa e Qotei atraiyeqnamqa Juda tamo kokba naŋgi bosib e nubeb. E tamo uŋgasari gargekoba joqsim sonam naŋgi e nubosai. E qoto bei dego tigelteqnam nubosai.

Aposel 24:18 Iomraidhean Croise

Jon 18:21

Deqa ni kiyaqa e nenemkobaibeqnum? Tamo uŋgasari ijo anjam quoqneb qaji naŋgi segi nenemnjrimqa naŋgi segi na mermqab. E anjam minjroqnem qaji di naŋgi qalie. Naŋgi segi na mermqab.”

Aposel 2:9

Iga kalil qure bei bei qaji. Iga qudei Partia, Midia, Elam, Mesopotemia, Judia, Kapadosia, Pontus, Esia sawaq dena beleŋem.

Aposel 21:24

Deqa ni naŋgi joqsim atra tal miligiq gilsim une kobotqajqa kumbra Moses a nami marej qaji di naŋgi koba na dauryosib yiye. Osim wagme awaiyetnjrimqa naŋgi na Qotei atraiyosib naŋgo gate baŋga ti mejuŋgum ti joqwab. Ni degyimqa Juda tamo kalil naŋgi ni numsib endegsib qalieqab, ‘Bole, Pol a dego Moses aqa dal anjam dauryo qaji tamo. Anjam naŋgi a qa mareqnub qaji di bolesai.’ Naŋgi degsib qalieosib ni qa boleqab.

Aposel 24:12

E Jerusalem aisim di sosimqa e anjam na qotosaioqnem. Qoto tigeltosaioqnem dego. E qoto bei yeqnam Juda naŋgi na e nubosai. E atra talq dia, Juda naŋgo Qotei talq dia, qure ambleq dia dego lawo na soqnem. E kumbra uge bei yosaioqnem.

Aposel 26:21

Utru deqa Juda tamo kokba naŋgi na atra tal miligiq dia e nubsibqa bosib e ojeb. Osib mareb, ‘Iga Pol qalsim moiotqom.’

Aposel 6:9

Onaqa bati bei Juda tamo qudei naŋgi tigelosib Stiven ombla anjam na qotoqneb. Tamo naŋgi di Juda naŋgo Qotei tal beiq dia gaigai louoqneb. Naŋgi nami kaŋgal tamo sonabqa uratnjrnab laŋa soqneb deqa naŋgi Qotei tal dia louoqneb. Deqa Qotei tal di aqa ñam endegsib waiyeb, “Tamo Laŋaj Naŋgo Qotei Tal.” Tamo naŋgi di Stiven ombla anjam na qotoqneb. Naŋgi nami Sairini qure ti Aleksandria qure ti Silisia sawa ti Esia sawa dena ti beleŋeb.