Aposel 24:14 - Yesus Aqa Anjam Bole

¹⁴ “Ijo une qujai agiende. E Yesus aqa gam dauryeqnum. Juda tamo kokba naŋgi mareqnub, ‘Gam di bolesai. Gam dena tamo uŋgasari naŋgi ŋiriŋoqnsib poeleŋeqnub.’ Gam di qujai e dauryoqnsimqa gago moma naŋgo Qotei qa louoqnsimqa Moses aqa dal anjam ti Qotei aqa medabu o tamo naŋgo anjam nami neŋgreŋyeb qaji deqa ti ijo areqalo siŋgilatejunum.

Aposel 24:14 Iomraidhean Croise

Matyu 10:32

Osiqa Yesus a olo anjam endegsi minjrej, “Tamo naŋgi ijo ñam tamo uŋgasari naŋgo ulatamuq dia mareqnub qaji mondoŋ e kamba ijo Abu laŋ qureq di unu qaji aqa ulatamuq dia naŋgo ñam dego marqai.

Matyu 22:40

Ni dal anjam aiyel di dauryqam di ni Moses aqa dal anjam ti Qotei aqa medabu o qaji tamo naŋgo anjam ti kalil keretsim dauryqam.”

Matyu 7:12

“Kumbra kalil tamo uŋgasari naŋgi na niŋgi eŋgwajqa arearetŋgwo qaji kumbra di niŋgi na olo naŋgi enjroqniye. Niŋgi kumbra di dauryqab di niŋgi Moses aqa dal anjam ti Qotei aqa medabu o qaji tamo naŋgo anjam ti kalil keretsib dauryqab.”

Luk 1:70

Anjam di Qotei na nami aqa segi medabu o qaji tamo naŋgi minjreqnaqa naŋgi qusib palontoqneb.

Luk 16:16

“Nami Qotei aqa dal anjam ti Qotei aqa medabu o qaji tamo naŋgo anjam ti maroqneb dena bosi bosiq Jon aqa bati brantej. Jon aqa bati brantej dena bosiq agi bini tamo naŋgi sawa sawa kalilq dia Qotei aqa anjam bole palontosib mareqnub. Tamo kalil naŋgi Qotei na taqatnjrsim naŋgo Mandor Koba sqajqa deqa are qaloqnsib areqalo di tulaŋ siŋgilatejunub.

Luk 16:29

Onaqa Abraham na minjej, ‘Ino was naŋgi Moses aqa dal anjam qalieonub. Naŋgi Qotei aqa medabu o qaji tamo naŋgo anjam dego qalieonub. Naŋgi anjam di dauryqab di kere.’

Luk 24:27

Yesus a naŋgi degsi minjrsiqa a segi qa anjam kalil nami neŋgreŋyeleŋeb qaji di sainjrsiq Moses aqaq dena utru atsiq gilsiq Qotei aqa medabu o qaji tamo naŋgo anjam kalil nami a qa neŋgreŋyeleŋeb qaji di geregere plaltosiq minjroqnej.

Luk 24:44

Uysiqa minjrej, “Nami e niŋgi koba na sosimqa bati deqa e niŋgi endegsim merŋgem, ‘Dal anjam kalil Moses na nami e qa neŋgreŋyej qaji di aqa damu brantqas. Anjam kalil Qotei aqa medabu o tamo naŋgi nami e qa neŋgreŋyeleŋeb qaji di aqa damu dego brantqas. Anjam kalil louqa buk miligiq di nami e qa neŋgreŋyeb qaji di dego aqa damu brantqas.’ E nami niŋgi degsi merŋgem.”

Jon 1:45

Ariya Filip a mati olo aisiqa Nataniel itosiq minjej, “Ni au. Iga tamo a qa nami Moses a dal anjam neŋgreŋyej qaji a unonum. Qotei aqa medabu o qaji tamo naŋgi dego a qa osib neŋgreŋyeleŋeb. Tamo di Yesus Nasaret qure qaji. A Josep aqa ŋiri.”

Aposel 10:43

O was qu, Qotei aqa medabu o qaji tamo kalil naŋgi nami Yesus qa endegsib maroqneb, ‘Qotei na tamo kalil Kristus qa naŋgo areqalo siŋgilateqnub qaji aqa ñam na naŋgo une kobotetnjrqas.’”

Aposel 15:5

Naŋgi kalil qusibqa tamo qudei nami Farisi naŋgo ambleq di soqneb qaji naŋgi tigelosib mareb, “Sawa bei bei qaji tamo naŋgi Yesus qa naŋgo areqalo siŋgilatqa osib muluŋ dego unsib Moses aqa dal anjam dauryoqnqab di kere. Naŋgi Yesus qa naŋgo areqalo laŋa siŋgilatqab di keresai.”

Aposel 19:23

Bati deqa Efesus qureq dia tamo qudei naŋgi ŋambile gaigai sqajqa gam Tamo Koba Yesus na nami iga osorgej qaji deqa ŋiriŋkobaoqneb.

Aposel 19:9

Degyeqnaqa Juda tamo uŋgasari qudei naŋgi Pol aqa anjam di qusibqa naŋgi a qa ugeosib aqa anjam dauryqa uratosib ŋambile gaigai sqajqa gam Yesus na nami iga osorgej qaji di qoreiyosib tamo uŋgasari naŋgi minjroqneb, “Yesus aqa gam di uge.” Deqa Pol a naŋgi uratnjrsiqa tamo uŋgasari Yesus qa naŋgo areqalo siŋgilateb qaji naŋgi segi joqsiqa tamo bei aqa ñam Tiranus aqa skul kobaq gileb. Gilsib dia Pol a bati gaigai Qotei aqa anjam plaltoqnsiq minjroqnej.

Aposel 22:14

Onaqa Ananaias na olo merbej, ‘Gago moma naŋgo Qotei a na ni giltmqo. Ni aqa areqalo dauryosim Yesus unimqa a na ni anjam bei mermim quqwajqa deqa ni giltmqo. Yesus agi kumbra tiŋtiŋ yeqnu qaji tamo.

Aposel 24:22

Feliks a tamo uŋgasari Yesus aqa gam daurysib laqneb qaji naŋgo kumbra qalie. Deqa a na Juda tamo kokba naŋgi endegsi minjrej, “Nuŋgo anjam di mati soqnem. Qaja tamo naŋgo gate koba Lisias a bamqa niŋgi olo anjam di maribqa e qusiy gereiyqai.”

Aposel 24:5

Iga tamo endi uneqnum, a tamo uge. A kumbra uge uge yoqnsi laqnsiqa Juda tamo uŋgasari sawa sawa kalilq di unub qaji naŋgo areqalo ugetetnjreqnaqa naŋgi ŋiriŋkobaoqnsibqa qoto tigelteqnub. A na tamo uŋgasari naŋgi joqoqnsiqa minjreqnu, ‘Niŋgi Nasaret tamo Yesus dauryiye.’

Aposel 25:8

Onaqa Pol a kamba marej, “E Juda gago dal anjam bei gotraŋyosaieqnum. E gago atra tal qa anjam uge bei marosaieqnum. E Rom naŋgo mandor koba Sisar a dego kumbra uge bei yosaieqnum. Deqa e une saiqoji.”

Aposel 26:22

Ariya naŋgi degsib marsib e moiotbosai. Di kiyaqa? Qotei a nami e taqatboqnej agi bini e bole unum. Deqa bini e tamo kokba ti tamo laŋaj ti naŋgo ulatamuq endia tigelesosim Qotei aqa anjam palontosim minjreqnum. E anjam bei palontosaieqnum. Nami Qotei aqa medabu o tamo naŋgi Moses ombla na kumbra bunuqna branteleŋqas qaji di ubtsib neŋgreŋyoqneb. Anjam di segi e bini palonteqnum.

Aposel 26:27

O Mandor Koba Agripa, ni kiersi are qalonum? Qotei aqa medabu o tamo naŋgo anjam nami neŋgreŋyeb qaji di bole e? Od, e qalieonum, ni maronum, di bole.”

Aposel 26:4

“Juda tamo kokba kalil naŋgi ijo kumbra qa qalie unub. E aŋgro wala qa sosimqa e Judia sawaq dia kumbra kie yoqnem di naŋgi qalie. Bunuqna e Jerusalem qureq gilsim dia e kumbra kie yoqnem di dego naŋgi qalie.

Aposel 26:6

Bini e ino ulatamuq endia tigelejunum. Di kiyaqa? E ijo areqalo Qotei qa siŋgilatosim anjam a nami gago moma naŋgi minjrej qaji di aqa damu brantqajqa deqa e tariŋoqnsim unum. Utru deqa naŋgi na e tigeltbonub.

Aposel 28:22

Deqa ni segi na ino anjam mergim iga quqwom. Iga qalieonum, sawa sawa kalilq dia tamo uŋgasari naŋgi Yesus aqa anjam bunuj di misiliŋyeqnub.” Juda tamo kokba naŋgi na Pol degsib minjeb.

Aposel 28:23

Osib olo koroqajqa bati ateb. Onaqa koro bati brantonaqa Juda tamo kokba tulaŋ gargekoba naŋgi nobqolo bosib Pol aqa talq di koroeb. Koroonabqa Pol a naŋgo ambleq di tigelosiqa anjam utru atsiq anjam gargekoba naŋgi minjreqnaq gilsiq bilaqtej. Qotei a tamo uŋgasari naŋgo Mandor Koba sosiq naŋgi taqatnjreqnu anjam di aqa utru plaltosiqa minjroqnej. Moses aqa dal anjam dena ti Qotei aqa medabu o tamo naŋgo anjam nami neŋgreŋyeb qaji dena ti anjam mutu quja quja eleŋoqnsiqa naŋgo are qametnjrimqa naŋgi are bulyosib Yesus qa naŋgo areqalo siŋgilatqajqa deqa siŋgila na minjroqnej.

Aposel 3:13

Abraham, Aisak, Jekop, gago moma kalil naŋgi ti naŋgo Qotei a na aqa wau tamo Yesus laŋ qureq osi oqsiq ñam kobaquja yej. Deqa Yesus aqa siŋgila na tamo di boleosiq walwelqo. Yesus qujai di niŋgi na osib jeu tamo naŋgo baŋq di ateb. Onaqa Pailat na Yesus osim tonto talq dena oqeq atqajqa merŋgonaqa niŋgi na saidosib urateb.

Aposel 5:30

Di bole, niŋgi na Yesus ŋamburbasq di qalnab moiej. Moinaqa gago moma naŋgo Qotei a na olo subq na tigeltej.

Aposel 9:2

“Ni anjam bei neŋgreŋyosim ebimqa e anjam di osiy aisiy Damaskus qureq dia Juda tamo kokba naŋgi enjritqa naŋgi na anjam di sisiyosib e odbibqa tamo uŋgasari Damaskus qureq dia Yesus aqa gam dauryeqnub qaji naŋgi tontnjrsiy joqsiy Jerusalem bqai.”

Rom 1:9

E ijo are miligi siŋgilatsim deqa e Qotei aqa wau ojoqnsim aqa Ŋiri aqa anjam bole palontosim laqnum. Qotei a segi qalie, bati gaigai e pailyqa oqnsim niŋgi qa are qaleqnum.

Rom 3:21

O was qu, iga tamo bole une saiqoji sqajqa gam bei unu. Iga dal anjam dauryoqnqom gam dena sai. Qotei na gam bei babtosiqa iga osorgej. Nami Moses a gam deqa marsiq dal anjamq di neŋgreŋyej unu. Qotei aqa medabu o qaji tamo kalil naŋgi dego gam deqa marsib anjam neŋgreŋyeb.

1 Korin 11:19

Di kiyaqa? E endegsi are qalonum. Niŋgi pupoabqa dena niŋgi poiŋgwas, nuŋgo ambleq di tamo yai naŋgi Qotei aqa kumbra bole tiŋtiŋ dauryeqnub.

Galesia 5:20

gisaŋ qotei qa louoqa, gumaniŋoqa, was bei jeutoqa, ŋiriŋoqa, was bei aqa iŋgi iŋgi qa maulyoqa, minjiŋ oqoqa, are ugeoqa, ino segi jejamu qa are qalsim anjam na qotoqa, was naŋgi potoaiyeltnjroqa,

2 Timoti 1:3

Ijo moma utru naŋgi nami kumbra tiŋtiŋ na Qotei aqa wau ojoqneb dego kere e bini kumbra qujai dena Qotei aqa wau ojeqnum. Ijo are miligiq di e qalieonum, e Qotei aqa ŋamgalaq di une bei saiqoji. E qolo ti qanam ti Qotei pailyoqnsim ni qa are qaloqnsim Qotei biŋiyeqnum.

Taitus 3:10

Tamo bei na Kristen tamo uŋgasari naŋgo areqalo ugetetnjrsim naŋgi segi seginjrimqa ni na tamo di minjimqa aqa kumbra di uratem. A na ni quetmosaiamqa ololo minje. Minjimqa olo quetmosaiamqa ni a uratosim torei qoreiye.

1 Pita 1:11

Kristus aqa Mondor a naŋgo are miligiq di sosiqa naŋgo medabuq na anjam endegsi babtosiq maroqnej, “Bunuqna Kristus a jaqatiŋ osim moiqas. Moisim olo subq na tigelosim laŋ qureq oqsim dia a ñam koba ti sqas.” O was qu, Qotei aqa medabu o qaji tamo naŋgi endegsib nenemoqneb, “Kristus a bati gembu bqas? Kumbra kie namoqna brantim Kristus a bunuqna bqas?”

Uli Anjam 19:10

Laŋ aŋgro na e degsi merbonaqa e aqa areq di siŋga pulutosim a biŋiyqa laqnamqa a na merbej, “Ni e biŋibaim! E ni bul. E ni ti tamo kalil Yesus aqa anjam qa naŋgo areqalo siŋgilateqnub qaji naŋgi ti iga koba na wau qujai. Iga kalil was. Deqa ni Qotei segi biŋi-yoqnime. Iga qalie, Qotei aqa Mondor a na qujai Qotei aqa medabu o qaji tamo naŋgi qariŋnjreqnaqa naŋgi Qotei aqa anjam marsib laqnub. Deqa naŋgi Yesus aqa ñam dego marsib laqnub.”