Aposel 23:11 - Yesus Aqa Anjam Bole

¹¹ Gilsib di sonab nebeosiq olo qoloonaqa Tamo Koba Yesus a bosiqa Pol aqa areq di tigelosiq minjej, “Ni are siŋgilatime. Ulaaim. Ni Jerusalem endia ijo anjam mare mare laqnum dego kere ni Rom aisim dia dego ijo anjam siŋgila na minjroqne.” Tamo Koba Yesus na Pol degsi minjej.

Aposel 23:11 Iomraidhean Croise

Matyu 14:27

Onaqa Yesus na minjrej, “Nuŋgo are siŋgilatiye. Endi e beqnum. Ulaaib.”

Matyu 28:20

O ijo aŋgro, anjam kalil e nami niŋgi merŋgoqnem qaji di niŋgi walwelosib tamo uŋgasari naŋgi minjroqnsib laqniye. Laqnibqa naŋgi quoqnsib dauryoqnqab. Niŋgi segi sosib wauoqnqab edegaib. E bati gaigai niŋgi koba na wauoqnsiy sqai. Degsim soqnim soqnim diŋo bati brantqas.”

Matyu 9:2

Brantosib sonabqa tamo qudei naŋgi na tamo bei jejamu laiyej qaji a saperaq di atsib Yesus aqa areq osi beb. Onaqa Yesus a tamo naŋgi di naŋgo areqalo unej naŋgo areqalo qujai Yesus na tamo di boletqa kere. Degsi unsiq deqa tamo jejamu laiyej qaji di minjej, “O ijo aŋgro, ni areboleimeme. Ino une kalil e na kobotetmonum.”

Jon 14:18

E niŋgi mandum aŋgro bul uratŋgwasai. E niŋgi qa olo bqai.

Jon 16:33

Niŋgi na e beterbosib are lawo na sqajqa deqa e na anjam endi niŋgi merŋgonum. Niŋgi mandamq endia sosib niŋgi gulube koba oqnqab. Deqa uŋgum. Niŋgi are siŋgilatiye. E segi na mandam endeqa siŋgila kalil gotraŋyosim tigelejunum.”

Aposel 18:9

Bati bei qolo Qotei na Pol aqa areqalo waqtetonaqa a ŋeiobilqeiobulosiqa Tamo Koba Yesus unej. Unnaqa minjej, “O Pol, ni ulaaim. Ni qure endia sosimqa ino medabu waqtoqnsimqa boleq na ijo anjam mare mare laqne. Mequmaim.

Aposel 19:21

Bati bei Qotei aqa Mondor na Pol areqalo yonaqa a endegsi marej, “E Masedonia sawa ti Akaia sawa ti dia walweloqnsiyqa dena aisiy Jerusalem qureq di brantqai.” Osiqa marej, “Di koboamqa e Jerusalem uratosiy gilsiy Rom qure dego unqai.”

Aposel 2:25

Agi Devit a nami Yesus qa endegsi marej, ‘Ijo Tamo Koba a bati gaigai ijo ulatamuq di sonaq uneqnum. A ijo baŋ woq di unu deqa e padalqasai.

Aposel 20:22

Deqa niŋgi quiye. Bini Qotei aqa Mondor na ijo are tigeltetbqoqa e Jerusalem qureq aieqnum. Dia kumbra kie ijoq di brantqas di e qaliesai.

Aposel 22:15

Deqa ni Yesus aqa anjam mare mare laqnimqa tamo uŋgasari kalil naŋgi quoqnqab. Kumbra kalil ni unoqnqam qaji deqa ti anjam kalil ino dabkala na quoqnqam qaji deqa ti ni na tamo uŋgasari kalil naŋgi sainjroqnimqa quoqnqab.

1 Korin 9:1

Niŋgi ijo kumbra uniye. E kumbra kie yqa are sqas e yqai. Qotei na e qariŋbej deqa e aqa anjam marsim laqnum. E ijo segi ŋamdamu na gago Tamo Koba Yesus unem. E nuŋgo ambleq di Tamo Koba Yesus aqa wau ojem dena niŋgi are bulyosib Kristen tamo branteb. Niŋgi ijo kumbra deqa qaliesai kio?

Filipai 1:13

Deqa tonto tal taqato tamo naŋgi ti tonto tamo kalil ti naŋgi qalieonub, e Kristus Yesus aqa wau ojeqnum deqa jeu tamo naŋgi na e tonto talq endia waibeb unum.

2 Timoti 4:17

Ariya Tamo Koba Yesus a segi na e taqbosiqa siŋgila ebej. Deqa e anjam pegiyo tamo aqa ulatamuq dia tigelosimqa Yesus aqa anjam bole mareqnamqa sawa bei bei qaji tamo naŋgi quoqneb. Qotei na e aqaryaibosiqa bauŋ juwaŋ naŋgo medabuq dena e osiq taqal waibej.