Aposel 23:10 - Yesus Aqa Anjam Bole

¹⁰ Onaqa Sadyusi naŋgi anjam di qusibqa naŋgi tulaŋ ŋiriŋkobaosib Pol qalqajqa laqnabqa qaja tamo naŋgo gate koba a di unsiqa are qalej, “Naŋgi Pol ojsib aqa jejamu tulaŋ ugeugeiyqab.” A degsi are qalsiqa ulaosiq aqa qaja tamo naŋgi metnjrnaqa bosib Sadyusi naŋgo baŋq dena Pol yainjrsib naŋgo ŋeio talq olo osi gileb.

Aposel 23:10 Iomraidhean Croise

Aposel 21:37

Osi gilsib naŋgo ŋeio tal gogeq di atqa laqnabqa Pol a Grik anjam na qaja tamo naŋgo gate koba endegsi nenemyej, “E ni anjam bei mermqa kere e?” Onaqa minjej, “Ni Grik anjam qalie e?

Aposel 22:24

Onaqa qaja tamo naŋgo gate koba a Juda naŋgo kumbra di unsiqa aqa qaja tamo naŋgi minjrej, “Niŋgi Pol osib nuŋgo ŋeio tal miligiq osi gilsib bu toqoŋ na kumbaiŋyiye. Kumbaiŋyosib nenemyibqa aqa une kie qa kio tamo uŋgasari naŋgi murqumyoqnsib a qalib moiqajqa mareqnub di a na geregere mergimqa iga quqwom.”

Aposel 23:16

Ariya naŋgi anjam degsi keretonabqa Pol aqa nawi aqa ŋiri a naŋgo anjam di qusiqa tigeloqujatsiq qaja tamo naŋgo ŋeio talq gilsiqa anjam di Pol minjej.

Aposel 23:27

Tamo agi inoq osi bonub qaji aqa ñam Pol. Juda naŋgi na a ojsib moiotqa laqnabqa e na ijo qaja tamo naŋgi joqsim aisim naŋgo baŋq dena yainjrem. E qalieem, Pol a Rom qaji tamo. Deqa e na a aqaryaiyosim naŋgo baŋq dena yainjrem.

Aposel 23:28

Pol aqa une kie qa kio a moiotqa maroqneb di e qalieqa osimqa Pol osi gilsim Juda tamo kokba naŋgo ulatamuq dia tigeltem.

Aposel 23:32

Nebeonaqa qaja tamo siŋga na walwelo qaji naŋgi Antipatris qureq dena olo puluosib Jerusalem qureq gilsib naŋgo ŋeio talq di soqneb. Onaqa qaja tamo hos na walwelo qaji naŋgi segi Pol suweiyosib torei Sisaria qureq osi aieb.

2 Korin 11:26

Bati gargekoba e sawa isaq siŋga na walweloqnem. Ya koba doqnsiqa e ya na padaltbqa jojomoqnej. E gamq di walweleqnamqa bajiŋ tamo naŋgi gam getentoqnsibqa e lubqa laqneb. Juda tamo naŋgi ti sawa bei bei qaji tamo naŋgi ti dego e lubqa laqneb. Qure qureq dia, wadau sawaq dia, yuwalq dia dego e padalqa jojomoqnem. Gisaŋ Kristen naŋgi na dego e ugeugeibqa laqneb.

Jems 1:19

O ijo was bole, niŋgi ijo anjam endi geregere qalieosib soqniye. Niŋgi anjam bei marqa osib urur medabu waqtaib. Mati didaboqniye. Urur minjiŋ oqaiq.

Jems 3:14

Ariya niŋgi tamo qudei naŋgi qa laŋa are ugeiŋgim nuŋgo segi ñam soqtqa are qaloqnqab di niŋgi areqalo bole ti powo ti sqa keresai. Niŋgi nuŋgo kumbra uge deqa areboleboleiŋgaiq. Niŋgi areboleboleiŋgwas di niŋgi gisaŋ kumbra dauryosib Qotei aqa anjam bole olo ugetqab.