Aposel 22:5 - Yesus Aqa Anjam Bole

⁵ Niŋgi na Juda tamo kokba ti atra tamo gate a ti naŋgi nenemnjribqa ijo kumbra deqa niŋgi saiŋgwab. Agi e na nami atra tamo gate a endegsi minjem, ‘Ni anjam bei neŋgreŋyosim ebimqa e anjam di Damaskus qureq osi aisiy Juda gate kokba Damaskus qureq di unub qaji naŋgi enjritqa sisiyosib odbibqa e na tamo uŋgasari Yesus qa naŋgo areqalo siŋgilateqnub qaji naŋgi ojeleŋosiy joqsiy bosiy Jerusalem endia tonto talq di breinjrqai.’ E degsim atra tamo gate minjem.

Aposel 22:5 Iomraidhean Croise

Luk 22:66

Onaqa nobqolo malu qameqnaq Juda gate kokba ti atra tamo kokba ti dal anjam qalie tamo naŋgi ti bosib koroonabqa qaja tamo naŋgi na Yesus osi bosib naŋgo ulatamuq dia tigeltonabqa Juda tamo kokba naŋgi na nenemyeb,

Aposel 1:15

Bati bei tamo uŋgasari 120 Yesus qa naŋgo areqalo siŋgilateb qaji naŋgi koroosib sonabqa Pita a naŋgo ambleq di tigelosiqa minjrej,

Aposel 13:26

“O ijo was niŋgi quiye. Qotei na iga Abraham aqa moma iga ti niŋgi sawa bei bei qaji tamo Qotei aqa sorgomq di unub qaji niŋgi ti oqajqa deqa marsiq Yesus aqa anjam qariŋyqo gagoq bqo.

Aposel 2:29

“O ijo was niŋgi quiye. E bole merŋgwai. Gago moma Devit a nami moinaqa subq ateb. Aqa sub agi bini unu iga gaigai uneqnum.

Aposel 22:1

“O ijo was niŋgi ijo abu ti e kamba anjam bei merŋgit quiye.”

Aposel 23:1

Onaqa Pol a Juda tamo kokba naŋgi koqnjrsiqa endegsi minjrej, “O ijo was niŋgi quiye. E nami Qotei aqa ŋamgalaq dia kumbra bole bole yoqnem agi bini yoqnsim unum. Deqa e are gulube saiqoji.”

Aposel 23:6

Ariya Juda tamo kokba awoeleŋesoqneb qaji naŋgo ambleq dia Sadyusi tamo ti Farisi tamo ti soqneb. Onaqa Pol a degsi qalieosiqa leleŋosiq minjrej, “O ijo was niŋgi quiye. E Farisi tamo. Ijo abu a dego Farisi tamo. Deqa e endegsi are qalonum. Tamo kalil moreŋo qaji naŋgi mondoŋ olo subq na tigelqab. Anjam deqa e ijo areqalo tulaŋ siŋgilatejunum. Anjam deqa qujai naŋgi na e ojsib agi nuŋgo ŋamdamuq di tigeltbonub.”

Aposel 26:10

E Jerusalem qureq dia kumbra uge di yoqnem. Agi atra tamo kokba naŋgi na e odbeqnabqa e na Qotei aqa tamo uŋgasari naŋgi ojeleŋoqnsim tonto talq di breinjroqnem. Juda tamo kokba naŋgi na naŋgi ñumsib moiotnjrqa mareqnabqa e dego naŋgi koba na areqalo qujaitosim maroqnem, ‘Naŋgi ñumsib moiotnjriye.’

Aposel 26:11

E bati gargekoba Juda naŋgo Qotei tal kalil miligiq giloqnsimqa dia Yesus aqa tamo uŋgasari naŋgi ojeleŋoqnsim ugeugeinjroqnem. E endegsi are qaloqnem, ‘E naŋgi jaqatiŋ koba enjritqa naŋgi ulaosib Yesus qoreiyosib aqa ñam misiliŋyqab.’ Degsim are qaloqnsim deqa naŋgi ugeugeinjroqnem. E naŋgi qa minjiŋ ani oqetbeqnaqa naŋgi daurnjroqnsimqa qure isa isaq giloqnsim dia naŋgi itnjroqnsim ugeugeinjroqnem.

Aposel 26:12

“O Mandor Koba Agripa, e wau degsi yeqnamqa bati bei atra tamo kokba naŋgi na e qariŋbonabqa Damaskus qureq aiem. E aieqnamqa qanam jige puloŋ siŋgila koba minjal ti laŋ goge dena ijoq ainaq unem. A tulaŋ koba riaŋosiqa tamo e ombla aioqnem qaji naŋgi ti iga suwantgej. Aqa riaŋ di seŋ ti keresai.

Aposel 28:17

Pol a di sosiqa bati qalub koboonaqa a na Juda tamo kokba Rom dia soqneb qaji naŋgi metnjrnaqa bosib aqa areq di koroonab minjrej, “O ijo was niŋgi quiye. Jerusalem dia Juda tamo kokba naŋgi e laŋa ojsib tonto talq waibeb. Naŋgi ijo une bei unosai. E Juda gago kumbra bei ugeugeiyosaioqnem. Gago moma naŋgo dal anjam dego gotraŋyosaioqnem. Juda tamo kokba naŋgi e laŋa ojsib Rom naŋgo baŋq di ateb.

Aposel 28:21

Onaqa naŋgi na Pol minjeb, “Judia sawa qaji tamo qudei naŋgi anjam bei ni qa neŋgreŋyosib gagoq qariŋyosai. Juda tamo bei na bosiq ni qa anjam uge bei mergosai.

Aposel 3:17

“O gago was niŋgi quiye. E qalieonum, niŋgi ti nuŋgo gate kokba ti Yesus Kristus qa poiŋgosai deqa a qaleb.

Aposel 4:5

Nebeonaqa Juda naŋgo gate kokba ti tamo bole bole ti dal anjam qalie tamo naŋgi ti bosib Jerusalem di koroeb.

Aposel 5:21

Onaqa naŋgi laŋ aŋgro aqa anjam di qusib dauryosib nobqolo malu qameqnaqa atra tal miligiq gilsib dia tigelosib tamo uŋgasari naŋgi Qotei aqa anjam palontosib minjroqneb. Ariya atra tamo gate aqa wau tamo ti naŋgi na Juda tamo kokba ti Israel tamo bole bole ti naŋgi metnjrnab bosib koroeb. Koroosib anjam keretosib naŋgo qaja tamo naŋgi minjreb, “Niŋgi aisib Yesus aqa aŋgro 12-pela naŋgi tonto talq dena joqsib boiye.”

Aposel 9:14

Deqa ni que. Atra tamo kokba naŋgi na Sol qariŋyonab Damaskus qure endeq bej. A qure endia tamo uŋgasari ino ñam qa loueqnub qaji naŋgi tontnjrsim joqsim Jerusalem gilqajqa deqa bej.”

Galesia 1:13

Niŋgi ijo kumbra uge e nami yoqnem qaji deqa quoqneb. Niŋgi qalie, e Juda naŋgo kumbra siŋgila na dauryoqnsim deqa e na Qotei aqa tamo uŋgasari naŋgi ugeugeinjroqnem. Osim e naŋgi torei padaltnjrqajqa siŋgila na wauoqnem.

Filipai 3:6

Osimqa e Qotei aqa wau ojqajqa tulaŋ siŋgilaoqnem. Deqa e na Kristen tamo uŋgasari naŋgi ugeugeinjroqnem. E dal anjam kalil dauryekritem deqa tamo kalil naŋgi e nuboqnsib ijo une bei babtosaioqneb.

1 Timoti 4:14

Nami Kristen gate naŋgi Qotei aqa ñam na ino gateq di naŋgo baŋ atnabqa Qotei na ni siŋgila emej. Onaqa bunuqna tamo bei na olo Qotei aqa medabu osiq ni qa anjam bei dego babtej. Deqa ni siŋgila di oqnsim wauqa asgimaiq.