Aposel 20:16 - Yesus Aqa Anjam Bole

¹⁶ Pol na iga endegsi mergej, “Iga Efesus qure buŋyosim urur Jerusalem aiqom. Aisim di soqnimqa Juda naŋgo iŋgi meli bunuj otoro bati ñam Pentikos di brantim unqom. E Esia sawaq endia bati olekoba sqasai.” Pol a na iga degsi mergej.

Aposel 20:16 Iomraidhean Croise

Aposel 12:13

Onaqa Pita a tal meq di brantosiqa siraŋmeq di tigelosiq kindokindoŋosiq maeqnaqa wau uŋa bei aqa ñam Roda a bosiqa siraŋ waqtqa osiqa Pita aqa kakoro qusiq tulaŋ areboleboleiyej. Onaqa a siraŋ waqtqa uratosiqa olo urur ti warum miligiq gilsiqa naŋgi minjrej, “Pita bqo agi tal meq di tigelejunu!”

Aposel 16:6

Bati bei Pol na Sailas na Timoti na naŋgi qalub walwelosib Frigia sawa ti Galesia sawa ti dia Qotei aqa anjam mare mare giloqneb. Naŋgi nami Esia sawaq dia Yesus aqa anjam marqa laqnabqa Qotei aqa Mondor na naŋgi saidnjrej.

Aposel 18:19

Tiryosib mandamq aisib Pol a Juda naŋgo Qotei tal miligiq gilsiqa naŋgi Qotei aqa anjam plaltosiq minjroqnej. Onaqa naŋgi Pol aqa anjam qusib minjeb, “Ni bati qudei iga koba na endi sqom.” Minjnabqa a na naŋgi saidnjrsiqa gilqa osiqa minjrej, “Qotei na odbimqa bunuqna e nuŋgoq olo bqai.” Degsi minjrsiqa a qobuŋ gogetosiq gilej. A Prisila wo Akwila wo naŋgi Efesus qureq di uratnjrnaq soqneb.

Aposel 19:1

Apolos a Korin qureq di sonaqa Pol a Esia sawa yambaŋ naŋgo qure qureq na walweloqnej. A walwelosi aisiq Efesus qureq di brantosiqa tamo qudei Yesus dauryoqneb qaji naŋgi sonab itnjrsiqa endegsi nenemnjrej, “Nami niŋgi Yesus qa nuŋgo areqalo siŋgilatosib bati deqa Qotei aqa Mondor eb e?” Onaqa naŋgi na saideb, “Eo. Iga Qotei aqa Mondor osai. Qotei aqa Mondor unu kio sai kio di iga nami quosaioqnem.”

Aposel 19:21

Bati bei Qotei aqa Mondor na Pol areqalo yonaqa a endegsi marej, “E Masedonia sawa ti Akaia sawa ti dia walweloqnsiyqa dena aisiy Jerusalem qureq di brantqai.” Osiqa marej, “Di koboamqa e Jerusalem uratosiy gilsiy Rom qure dego unqai.”

Aposel 2:1

Onaqa Juda naŋgo yori bati koba ñam Pentikos di brantej. Juda naŋgo moma naŋgi nami iŋgi meli bunuj otoreleŋeb deqa are qalqajqa yori bati brantonaqa Yesus aqa tamo uŋgasari kalil naŋgi tal qujaiq di koroosib sonabqa laŋ goge dena jagwa koba anjam ato bulosiq tal naŋgi awesoqneb qaji deq aiej. Aisiq tal keretej.

Aposel 20:13

Ariya iga Pol uratosim qobuŋ bei gogetosim aisim Asos qureq di tiryem. Di kiyaqa? Pol a nami iga endegsi mergej, “Niŋgi namooiye. E bunuqna siŋga na walwelosiy aisiy Asos qureq dia niŋgi itŋgwai. Osiy dena niŋgi koba na qobuŋ gogetosim aiqom.” Pol a iga degsi mergej. Deqa iga namo qobuŋ na aisim Asos qureq di tiryosim Pol qa tariŋoqnem.

Aposel 20:22

Deqa niŋgi quiye. Bini Qotei aqa Mondor na ijo are tigeltetbqoqa e Jerusalem qureq aieqnum. Dia kumbra kie ijoq di brantqas di e qaliesai.

Aposel 20:4

A degsi are qalsiqa tigelosiq aiqa osiqa tamo qudei naŋgi joqsiqa koba na aieb. Tamo di naŋgo ñam agi marqai. Bei Sopater. A Pirus aqa ŋiri. A Beria qure qaji. Tesalonaika tamo aiyel Aristarkus wo Sekundus wo naŋgi dego Pol koba na aieb. Bei Gaius. A Derbe qure qaji. Bei Timoti. Esia qaji tamo aiyel Tikikus wo Trofimas wo naŋgi dego Pol koba na aieb. Tamo naŋgi di Pol na joqsiqa koba na Masedonia sawaq aieb. Aisib dia iga Pol qu uratgosib namo aisib Troas qureq di branteb. Brantosib dia iga qa tariŋoqneb.

Aposel 20:6

Ariya Juda naŋgo bem tiyosai qaji uyqa bati koboonaqa iga Filipai qureq dia qobuŋ bei gogetosim qobuŋ na aisim bati 5-pela koboonaqa Troas qureq di tiryem. Tiryosim dia tamo naŋgi iga qa tariŋoqneb qaji naŋgi itnjrsimqa bati 7-pela naŋgi koba na soqnem.

Aposel 21:4

Qure dia iga na Kristen tamo qudei naŋgi itnjrsimqa bati 7-pela naŋgi koba na soqnem. Sonamqa Qotei aqa Mondor na anjam ubtosiqa naŋgi endegsi minjrej, “Pol a Jerusalem dia gulube koba itqas.” Degsi minjrnaq qusibqa Pol minjoqneb, “Ni Jerusalem aiaim.” Onaqa Pol a kamba minjroqnej, “Sai. E Jerusalem aiqai.”

Aposel 24:17

“Ariya e sawa bei beiq dia wauosim laqnamqa wausau qudei koboonaqa agi Jerusalem aiem. Yesus aqa tamo uŋgasari sawa bei beiq di so qaji naŋgi na silali koroiyosib ebnabqa osi aisim Juda naŋgi mam soqneb deqa enjrem. Silali qudei osi aisim Qotei dego atraiyem.

1 Korin 16:8

Ariya e mati Efesus qureq endi soqnit Juda naŋgo yori bati koba ñam Pentikos di brantqas.