Aposel 2:5 - Yesus Aqa Anjam Bole

⁵ Bati deqa Juda tamo uŋgasari tulaŋ gargekoba naŋgi qure qure kalilq dena bosib Jerusalem di soqneb. Naŋgi kalil Qotei qa louoqneb qaji.

Aposel 2:5 Iomraidhean Croise

Matyu 24:14

Yim naŋgi sawa sawa kalil keretoqnsib Qotei a tamo uŋgasari naŋgo Mandor Koba sosiq naŋgi taqatnjreqnu anjam bole di mare mare laqnib tamo uŋgasari kalil naŋgi quoqnqab. Ariya bunuqna diŋo bati brantqas.”

Luk 17:24

Kola minjaleqnaqa laŋ kalil suwaŋeqnu. Dego kere e Tamo Aŋgro brantitqa tamo uŋgasari kalil naŋgi e nubqab.

Luk 2:25

Jerusalem dia tamo bei soqnej aqa ñam Simion. Aqa so tulaŋ boledamu. A Qotei aqa sorgomq di geregere sosiqa aqa dal anjam kalil dauryoqnej. Qotei aqa Mondor na a siŋgilatonaq soqnej. Qotei na Kristus qariŋyim bosim Israel tamo uŋgasari naŋgo are boletetnjrqajqa deqa Simion a are qalsiq tariŋosiq soqnej.

Luk 24:18

Onaqa bei aqa ñam Kliopas a na kamba Yesus minjej, “Tamo gargekoba naŋgi Jerusalem qureq endi unub. Ariya ni segi qujai kio kumbra di brantej ni qaliesai?”

Jon 12:20

Ariya tamo uŋgasari Qotei louqa marsib yori bati di unqajqa Jerusalem aieleŋeb qaji naŋgo ambleq di Grik tamo qudei soqneb.

Aposel 10:2

Kornilius a Qotei aqa kumbra dauryoqnej qaji. Deqa tamo uŋgasari kalil a ombla tal qujaiq di soqneb qaji naŋgi a ti bati gaigai Qotei aqa sorgomq di soqneb. Juda tamo uŋgasari naŋgi iŋgi iŋgi saiinjreqnaqa a naŋgi silali na aqaryainjroqnej. A bati gaigai Qotei pailyoqnej.

Aposel 10:7

Laŋ aŋgro dena Kornilius anjam degsi minjsiq olo ulaŋej. Onaqa Kornilius na aqa kaŋgal tamo aiyel metnjrnaqa aqa areq beb. Qaja tamo qujai dego metonaq aqa areq bej. Qaja tamo di a Qotei aqa kumbra dauryoqnej qaji. A bati gaigai Kornilius ombla sosiqa wauetoqnej.

Aposel 13:50

Onaqa Juda tamo qudei naŋgi Pol wo Barnabas wo naŋgo kumbra di unsibqa naŋgi tulaŋ minjiŋ oqetnjrnaqa uŋa kokba qudei Qotei qa louoqneb qaji naŋgi ti qure deqa gate kokba ti naŋgo are ugetetnjrnabqa naŋgi tigelosib Pol wo Barnabas wo naŋgi tulaŋ ugeugeinjrsib naŋgi aiyel qure dia sqajqa siŋgila na saidnjrsib naŋgi winjrnab gileb.

Aposel 2:1

Onaqa Juda naŋgo yori bati koba ñam Pentikos di brantej. Juda naŋgo moma naŋgi nami iŋgi meli bunuj otoreleŋeb deqa are qalqajqa yori bati brantonaqa Yesus aqa tamo uŋgasari kalil naŋgi tal qujaiq di koroosib sonabqa laŋ goge dena jagwa koba anjam ato bulosiq tal naŋgi awesoqneb qaji deq aiej. Aisiq tal keretej.

Aposel 22:12

“Damaskus qureq dia tamo bei soqnej aqa ñam Ananaias. A Qotei aqa dal anjam dauryo qaji tamo. Juda tamo uŋgasari kalil Damaskus qureq di soqneb qaji naŋgi a qa maroqneb, ‘A tamo bolequja.’

Aposel 8:27

Onaqa Filip a laŋ aŋgro aqa anjam di qusiqa tigelosiq gam deq aiej. Aisiq gam dena walweleqnaqa Itiopia tamo bei Qotei louqa Jerusalem aisiq dena puluosiq Itiopia sawaq olo gileqnaqa gamq di turej. Tamo di a tamo kobaquja. A Itiopia naŋgo mandor koba aqa ñoro taqato tamo. Mandor di aqa ñam Kandasi. Mandor di a uŋa. Aqa ñoro kalil silali ti tamo dena taqatoqnej.

Kolosi 1:23

Ariya une bei na niŋgi titŋgimqa Kristus aqa anjam bole niŋgi nami queb qaji di nuŋgo areqaloq di olo siŋgilatqa urataib deqa niŋgi nuŋgo areqalo Yesus qa bole siŋgilatoqnsib siŋgila na tigelesoqniye. E Pol. E Yesus aqa wau tamo deqa e anjam bole di tamo uŋgasari kalil mandamq endi unub qaji naŋgi minjroqnsim laqnum.