Aposel 2:46 - Yesus Aqa Anjam Bole

^46-47 Naŋgi bati gaigai naŋgo areqalo qujaitosib sosibqa Juda naŋgo atra tal miligiq dia korooqnsib louoqneb. Naŋgo segi segi talq dia dego korooqnsibqa bem gentosib uyoqneb. Naŋgi kalil arebolebole ti lawo na sosibqa Qotei aqa ñam soqtoqnsib koba na iŋgi uyoqneb. Degyeqnabqa tamo kalil naŋgi Yesus aqa tamo uŋgasari naŋgo kumbra di unoqnsibqa naŋgi qa tulaŋ areboleboleinjroqnej. Bati gaigai tamo uŋgasari qudei naŋgi are bulyeqnab Tamo Koba Qotei na naŋgi eleŋeqnaqa naŋgi boqnsib tamo nami Yesus qa naŋgo areqalo siŋgilateb qaji naŋgo miligiq aioqnsib koba na soqneb.

Aposel 2:46 Iomraidhean Croise

Matyu 6:22

Osiqa Yesus a olo anjam endegsi minjrej, “Ino ŋamdamu di ino jejamu qa puloŋ bul. Deqa ino ŋamdamu boleqas ino jejamu kalil suwaŋesqas.

Luk 11:41

Deqa iŋgi iŋgi kalil nuŋgo are miligiq di unu qaji di niŋgi eleŋosib tamo iŋgi iŋgi saiqoji unub qaji naŋgi enjroqniye. Niŋgi kumbra degyibqa nuŋgo iŋgi iŋgi kalil milalesqas.

Luk 24:30

Sosib awoosib iŋgi uyoqnsib Yesus a bem osiq Qotei pailyosiqa bem giŋgeŋyosiqa naŋgi aiyel anainjrej.

Luk 24:53

Aisib dia bati gaigai atra tal miligiq giloqnsibqa Qotei aqa ñam soqtoqneb.

Aposel 16:34

Onaqa tonto tal taqato tamo a na naŋgi aiyel joqsiqa aqa talq dia warum bei miligiq gilsib iŋgi anainjrej. A ti tamo uŋgasari kalil a ombla tal qujaiq di soqneb qaji naŋgi ti tulaŋ areboleboleinjrej. Di kiyaqa? Naŋgi are bulyosib Qotei qa naŋgo areqalo siŋgilateb deqa.

Aposel 2:42

Tamo uŋgasari Yesus qa naŋgo areqalo siŋgilateb qaji naŋgi bati gaigai Yesus aqa aŋgro 12-pela naŋgo anjam quoqnsib dauryoqneb. Naŋgi bati gaigai are qujaitoqnsib bem gentosib uyoqnsibqa Qotei pailyosib soqneb.

Aposel 20:7

Onaqa Juda naŋgo yori bati koboonaqa qolo iga na Kristen naŋgi koroinjrsimqa naŋgi koba na bem gentosim uyem. Bem uyeqnamqa Pol na Qotei aqa anjam minjroqnej. A anjam olekoba mareqnaq qolo jigeej. Di kiyaqa? Nebeamqa a naŋgi uratnjrsim aiqajqa deqa.

Aposel 3:1

Bati gaigai bilaq seŋ keliŋteqnaqa Juda tamo uŋgasari naŋgi atra tal miligiq giloqnsib dia Qotei pailyoqneb. Ariya pailyo bati bei Pita wo Jon wo naŋgi aiyel pailyqa marsib atra tal miligiq gileqnabqa tamo bei ai miligiq na siŋga qandamo ŋambabej qaji a atra tal siraŋme jojomq di awesoqnej. Bati gaigai aqa was naŋgi a qoboiyosib boqnsib atra tal aqa siraŋme jojomq dia ateqnabqa awooqnsiqa tamo uŋgasari atra tal miligiq gileqnabqa silali qa ŋilnjroqnej. Siraŋme di aqa ñam Siraŋme Boledamu.

Aposel 5:21

Onaqa naŋgi laŋ aŋgro aqa anjam di qusib dauryosib nobqolo malu qameqnaqa atra tal miligiq gilsib dia tigelosib tamo uŋgasari naŋgi Qotei aqa anjam palontosib minjroqneb. Ariya atra tamo gate aqa wau tamo ti naŋgi na Juda tamo kokba ti Israel tamo bole bole ti naŋgi metnjrnab bosib koroeb. Koroosib anjam keretosib naŋgo qaja tamo naŋgi minjreb, “Niŋgi aisib Yesus aqa aŋgro 12-pela naŋgi tonto talq dena joqsib boiye.”

Aposel 5:42

Naŋgi Yesus aqa anjam mare mare laqajqa uratosaioqneb. Naŋgi bati gaigai Yesus aqa anjam plaltoqnsib maroqneb. Atra tal miligiq dia, tamo uŋgasari naŋgo segi segi talq dia naŋgi anjam endegsib minjroqneb, “Yesus a bole Kristus Qotei na qariŋyej qaji.”

Rom 12:8

A na tamo qudei naŋgi aqa segi tamo uŋgasari naŋgo areqalo siŋgilatetnjrqajqa powo enjrej deqa naŋgi naŋgo areqalo geregere siŋgilatetnjroqnebe. A na tamo qudei naŋgi silali iŋgi iŋgi jeisib tamo uŋgasari iŋgi qa truqueqnub qaji naŋgi enjrqajqa powo enjrej deqa naŋgi silali iŋgi iŋgi koba koroiyosib jeisib enjroqnebe. A na tamo qudei naŋgi aqa wau taqatqajqa powo enjrej deqa naŋgi na wau di geregere taqatoqnebe. A na tamo qudei naŋgi aqa segi tamo uŋgasari naŋgi qa dulosib geregereinjrqajqa powo enjrej deqa naŋgi arebolebole na naŋgi geregereinjroqnebe.

1 Korin 10:16

Wain gambaŋ iga Qotei pailyosim uyeqnum qaji di iga Kristus aqa leŋ qa are qalsim deqa a ti korooqnsim uyeqnum. Bem iga giŋgeŋyosim uyeqnum qaji di iga Kristus aqa jejamu qa are qalsim deqa a ti korooqnsim uyeqnum.

2 Korin 1:12

O was qu, e ijo kumbra bei endeqa tulaŋ areboleboleibqo. Ijo are miligiq di e qalieonum, e kumbra bole tiŋtiŋ segi dauryoqnsim yeqnum. Kumbra Qotei na osorbej qaji di segi e dauryoqnsim yeqnum. E mandam tamo naŋgoq dena powo osim kumbra di yosaieqnum. Qotei a e qa are boleiyosiq kumbra di osorbej deqa e yeqnum. Deqa e tamo uŋgasari kalil naŋgo ambleq dia kumbra di yeqnum. Agi e nuŋgo ambleq di dego nami kumbra di tulaŋ koba yoqnem.

2 Korin 11:3

Ariya e amal uge Satan qa are qalsim deqa e niŋgi qa ulaonum. A gisaŋ ani tamo deqa a nami Iv gisaŋyonaqa a une atej. Une di niŋgi qa bosim nuŋgo areqalo ugetetŋgimqa niŋgi Kristus a segi qujai qalaqalaiyqajqa urataib deqa e niŋgi qa ulaonum.

Efesus 6:5

Ariya kaŋgal tamo niŋgi quiye. Niŋgi nuŋgo wau qa gate naŋgo sorgomq di geregere sosib naŋgi qa ulaoqniye. Niŋgi naŋgi qa ulaqasai di niŋgi naŋgo ŋamgalaq di kumbra uge yqab. Niŋgi Kristus aqa wau bole yeqnub dego kere niŋgi gaigai nuŋgo wau qa gate naŋgi qa wau bole yoqniye.

Kolosi 3:22

O kaŋgal tamo, niŋgi gaigai nuŋgo wau qa gate naŋgo anjam dauryoqniye. Niŋgi gisaŋosib nuŋgo wau qa gate naŋgo ŋamdamuq di laŋa wau bole yobulaib. Niŋgi Tamo Koba Kristus qa ulaosib deqa gaigai are bole na wau bole yoqniye.