Aposel 2:30 - Yesus Aqa Anjam Bole

^30-31 Nami Qotei na Devit minjej, ‘Mondoŋ ino leŋ naŋgi paraosibqa dena tamo bei ŋambabqas. Amqa e na tamo di giltitqa ni mandor koba unum dego kere a kamba ino sawa osim Mandor Koba sqas.’ Qotei na nami Devit anjam degsi minjej. Osiqa aqa anjam di siŋgilatosiqa olo minjej, ‘E ijo anjam di uratqasai. E dauryqai.’ Devit a Qotei aqa medabu o qaji tamo bole. Deqa kumbra Qotei na mondoŋ yqas qaji di Devit a nami qalieej. Osiqa Kristus qa endegsi marej, ‘Bunuqna a subq na tigelqas.’ Osiqa marej, ‘Qotei na Kristus moio qureq di uratqasai. Aqa jejamu dego subq di uratim qusaqasai.’

Aposel 2:30 Iomraidhean Croise

Matyu 22:43

Onaqa Yesus na olo minjrej, “Devit a segi nami marej, ‘Kristus a ijo Tamo Koba.’ Agi Qotei aqa Mondor na Devit areqalo yonaqa endegsi marej,

Matyu 27:35

Onaqa qaja tamo naŋgi na Yesus osib ŋamburbasq di qameb. Qamsib Yesus aqa gara eleŋqa marsib gilteleŋeb. Gilteleŋosib meniŋ silali alaŋeb. Tamo yai aqa meniŋ na buŋnjrqas a na gara oqas. Degsib marsib meniŋ silali alaŋosib gara eleŋeb.

Mak 12:36

Ariya Devit a segi nami marej, ‘Kristus a ijo Tamo Koba dego.’ Agi Qotei aqa Mondor na Devit aqa medabu siŋgilatetonaqa endegsi marej, ‘Tamo Koba Qotei a na ijo Tamo Koba minjej, “Ni ijo baŋ woq endi awo. Awesoqnimqa e na ino jeu tamo kalil naŋgi eleŋosiy ino sorgomq di atitqa ni na naŋgi taqatnjroqnqam.” ’

Luk 24:44

Uysiqa minjrej, “Nami e niŋgi koba na sosimqa bati deqa e niŋgi endegsim merŋgem, ‘Dal anjam kalil Moses na nami e qa neŋgreŋyej qaji di aqa damu brantqas. Anjam kalil Qotei aqa medabu o tamo naŋgi nami e qa neŋgreŋyeleŋeb qaji di aqa damu dego brantqas. Anjam kalil louqa buk miligiq di nami e qa neŋgreŋyeb qaji di dego aqa damu brantqas.’ E nami niŋgi degsi merŋgem.”

Aposel 1:16

“O ijo was niŋgi quiye. Qotei aqa anjam bei nami neŋgreŋyeb qaji di aqa damu bini brantqo. Anjam di aqa damu Qotei a nami brantqa marej deqa bini brantqo. Anjam di Qotei aqa Mondor na Devit minjnaqa qusiqa neŋgreŋyonaq soqnej. A Judas qa neŋgreŋyej. Judas agi a na jeu tamo naŋgi gam osornjrnaqa Yesus ojeb.

Rom 1:3

Qotei aqa anjam bole di aqa segi Ŋiri aqa anjam. Aqa Ŋiri a tamo bulyosiqa Devit aqa leŋ dena ŋambabej.

Rom 15:12

Ariya Aisaia a dego Qotei aqa medabu osiq anjam bei endegsi marej, “Mondoŋ Devit aqa abu Jesi aqa leŋ dena mandor kobaquja bei brantqas. Brantosim a na sawa bei bei qaji tamo uŋgasari kalil naŋgi taqatnjresqas. A bosim naŋgi boletnjrqajqa deqa naŋgi a qa tariŋoqnsib sqab.”

2 Timoti 2:8

Ni gaigai Yesus Kristus qa are qaloqne. Yesus Kristus a moisiq olo subq na tigelej. A Mandor Koba Devit aqa leŋ. Aqa anjam bole agi e palontosim laqnum.

Hibru 1:1

Nami Qotei na gago moma utru naŋgi anjam minjroqnej. A gam endena naŋgi anjam minjroqnej. A na aqa medabu o qaji tamo naŋgi qariŋnjreqnaqa naŋgi giloqnsib gago moma utru naŋgi anjam minjroqneb. O bati gargekoba gago moma utru naŋgi anjam minjroqnsib soqneb.

Hibru 3:7

Iga Qotei aqa tamo uŋgasari unum deqa iga Qotei aqa Mondor Bole aqa anjam quoqnqom. Aqa anjam agiende, “Bini bati endi niŋgi Qotei aqa medabu quoqniye.

Hibru 4:7

Ariya bunuqna wausau gargekoba gilnaqa Qotei a Devit aqa medabuq na endegsi marej, “Bini bati endi niŋgi Qotei aqa medabu quoqniye. Niŋgi nuŋgo are miligi getentaib.” Devit aqa bati qa Qotei a marej, “Bini bati endi.” Anjam dena iga endegsi osorgwo, Qotei a ololo tamo uŋgasari naŋgi aqa aqarato sawa miligiq gilqajqa bati atej.

Hibru 6:17

Nami Qotei a anjam endegsi marej, “E na Abraham aqa leŋ naŋgi gereinjrqai.” Qotei aqa areqalo di a na olo bulyqa keresai. A iga degsi osorgwajqa deqa aqa anjam di olo siŋgilatej.

Hibru 7:21

Ariya Qotei na Yesus atra tamo atqa marsiq aqa anjam di olo siŋgilatonaqa Yesus a atra tamo brantej. Agi Qotei aqa anjam bei nami endegsib neŋgreŋyeb unu, “Tamo Koba Qotei a na nami Kristus endegsi minjej, ‘Ni bati gaigai atra tamo sqam.’ Osiqa aqa anjam di olo siŋgilatej. Deqa aqa anjam di a olo bunuqna uratqa keresai.”

2 Pita 1:21

Di kiyaqa? Naŋgo anjam maroqneb qaji di mandam tamo naŋgo areqalo na marosaioqneb. Mondor Bole a na naŋgo areqalo tigeltetnjreqnaqa naŋgi Qotei aqa medabu oqnsib anjam maroqneb.

Uli Anjam 17:14

Osib Kaja Du qa ŋiriŋosib qoto itqab. Amqa Kaja Du a qoto siŋgilaosimqa naŋgi ñumqas. Kaja Du a tamo kokba kalil naŋgo Tamo Koba. A mandor kokba kalil naŋgo Mandor Koba. Tamo kalil a ombla unub qaji naŋgi a ti qoto siŋgilaqab. Naŋgi di Kaja Du na metnjrsiq aqa segi tamo uŋgasari sqajqa giltnjrej qaji. Deqa naŋgi aqa anjam bole dauryeqnub.”

Uli Anjam 19:16

Kristus aqa gara olekobaqsi aqa qaloqsi ñam endegsib neŋgreŋyeb unu, “Mandor kokba kalil naŋgo Mandor Koba. Tamo kokba kalil naŋgo Tamo Koba.”