Aposel 2:22 - Yesus Aqa Anjam Bole

²² “Deqa Israel tamo uŋgasari, niŋgi ijo anjam endi quiye. Niŋgi qalie, Qotei na Yesus Nasaret qaji a qariŋyonaq mandamq aisiqa kumbra gargekoba nuŋgo ambleq di yoqnej. Kumbra yeqnaqa niŋgi unoqnsib maroqneb, ‘Bole, Qotei na Yesus qariŋyonaq bej.’

Aposel 2:22 Iomraidhean Croise

Matyu 12:28

Ariya e Qotei aqa Mondor aqa siŋgila na mondor uge naŋgi winjrqai di niŋgi unsib poiŋgwas, ‘Bole, Qotei na iga taqatgosiq gago Mandor Koba unu.’ Niŋgi degsi poiŋgwas.

Matyu 2:23

Onaqa Josep a Qotei aqa anjam di dauryosiqa Galili sawaq gilej. Gilsiq qure bei aqa ñam Nasaret di soqnej. A di soqnej deqa anjam bei Qotei aqa medabu o tamo qudei naŋgi nami maroqneb qaji di aqa damu brantej. Naŋgi endegsib maroqneb, “Naŋgi a qa maroqnqab, ‘A Nasaret tamo.’”

Matyu 9:8

Onaqa tamo uŋgasari kalil naŋgi Yesus aqa siŋgila di unsibqa naŋgi tulaŋ ulaosib Qotei aqa ñam soqteb. Di kiyaqa? Qotei na siŋgila kobaquja Yesus yej deqa.

Luk 11:20

Ariya Qotei na e aqaryaibimqa e mondor uge naŋgi winjrqai di niŋgi endegsi poiŋgwas, ‘Bole, Qotei a gago Mandor Koba sosim iga taqatgwajqa bati brantqo.’

Luk 18:37

Onaqa naŋgi na minjeb, “Yesus Nasaret qaji a aieqnu. Deqa iga a dauryosim aieqnum.”

Luk 24:18

Onaqa bei aqa ñam Kliopas a na kamba Yesus minjej, “Tamo gargekoba naŋgi Jerusalem qureq endi unub. Ariya ni segi qujai kio kumbra di brantej ni qaliesai?”

Jon 1:45

Ariya Filip a mati olo aisiqa Nataniel itosiq minjej, “Ni au. Iga tamo a qa nami Moses a dal anjam neŋgreŋyej qaji a unonum. Qotei aqa medabu o qaji tamo naŋgi dego a qa osib neŋgreŋyeleŋeb. Tamo di Yesus Nasaret qure qaji. A Josep aqa ŋiri.”

Jon 10:37

“E ijo Abu aqa wau yosaiotqa niŋgi ijo anjam quetbaib.

Jon 11:47

Sainjrnab qusibqa atra tamo kokba ti Juda tamo kokba ti metnjrnab naŋgo areq bosib koba na koroosib mareb, “Iga kierqom? Yesus a maŋwa gargekoba yeleŋeqnu.

Jon 12:17

Lasarus a moisiq subq di sonaqa tamo uŋgasari gargekoba naŋgi Yesus ombla sosib a Lasarus metosiq subq na tigeltonaq uneb. Unsib deqa anjam mare mare laqneb.

Jon 15:24

E wau bunuj tamo bei na nami yosaioqnej qaji di naŋgo ambleq di yosai qamu naŋgi une saiqoji qamu. Ariya e naŋgo ambleq di wau bunuj yeqnamqa naŋgi unoqneb. Deqa naŋgi na aqo ijo Abu wo jeutgeqnub.

Jon 19:19

Onaqa Pailat a ŋam sarqei bei osiqa quraq di anjam endegsi neŋgreŋyej, “Yesus Nasaret qaji a Juda naŋgo Mandor Koba.” Degsi neŋgreŋyosiq ŋam sarqei di osi gilsiqa qaja tamo naŋgi enjrnaqa naŋgi na osib Yesus aqa ŋamburbas mutu gogeq di qameb.

Jon 3:2

A qolo Yesus aqa areq bosiqa minjej, “O Qalie Tamo Koba, iga qalieonum, Qotei na ni qariŋmej deqa ni bosim gago qalie tamo unum. Qotei a tamo bei ombla sqasai di a maŋwa ni yeqnum qaji di babtqa keresai.”

Jon 4:48

Onaqa Yesus na qaja tamo di minjej, “Nuŋgo segi ŋamdamu na ijo maŋwa bei unqasai di niŋgi e qa nuŋgo areqalo siŋgilatqasai.”

Jon 5:36

“Ariya anjam e palonteqnum qaji dena Jon tulaŋ buŋyejunu. Wau kalil ijo Abu na e yosiy kobotqajqa ebej qaji wau dena Jon aqa wau tulaŋ buŋyejunu. E wau di yeqnum deqa tamo uŋgasari naŋgi unoqnsib endegsi poinjreqnu, ijo Abu na e qariŋbonaq bem.

Jon 6:14

Tamo uŋgasari kalil naŋgi Yesus aqa maŋwa di unsib deqa maroqneb, “Bole, Qotei aqa medabu o tamo nami Qotei na qariŋyim bqajqa marej qaji agi a di.”

Jon 6:27

Jejamu qa iŋgi a koboqas. Niŋgi iŋgi deqa wauaib. Iŋgi gaigai sqas qaji deqa niŋgi wauoiye. Iŋgi dena niŋgi ŋambile gaigai sqab. Ŋambile gaigai sqajqa iŋgi di e Tamo Aŋgro na niŋgi anaiŋgwai. Ijo Abu Qotei na e giltbej deqa e na iŋgi di anaiŋgwai.”

Jon 7:31

Bati deqa tamo uŋgasari gargekoba naŋgi Yesus qa naŋgo areqalo siŋgilateb. Osib mareb, “Kristus a bosim Qotei aqa maŋwa gargekoba tamo endena babteqnu qaji di buŋyqa keresai.”

Jon 9:33

Qotei na Yesus qariŋyosai qamu a kumbra bole bei babtqa keresai.”

Aposel 13:16

Onaqa Pol a tigelosiqa aqa baŋ soqtosiqa tamo uŋgasari naŋgi anjam marqa getentnjrnaqa naŋgi kirionabqa endegsi minjrej, “O Israel tamo ti tamo kalil Qotei aqa sorgomq di unub qaji niŋgi ti ijo anjam endi quiye.

Aposel 14:27

Aisib Yesus aqa tamo uŋgasari naŋgi koroinjrsibqa naŋgi aiyel qure qureq dia laqnsibqa Qotei na naŋgi aqaryainjreqnaqa naŋgi kumbra kalil yoqneb qaji deqa naŋgi sainjroqneb. Sainjroqnsib endegsib minjroqneb, “Qotei na sawa bei bei qaji tamo naŋgi dego gam waqtetnjreqnaqa naŋgi are bulyoqnsib Yesus qa naŋgo areqalo siŋgilateqnub.”

Aposel 2:19

Laŋ goge dia e na maŋwa gargekoba yoqnqai. Mandamq dia dego maŋwa gargekoba yoqnqai. Leŋ ti ŋamyuo ti qurem koba ti qariŋyit mandamq aiqas.

Aposel 2:43

Qotei na Yesus aqa aŋgro 12-pela naŋgi siŋgila enjreqnaqa naŋgi maŋwa gargekoba yoqneb. Onaqa Yesus aqa tamo uŋgasari naŋgi kalil maŋwa di unoqnsib Qotei aqa ñam soqtoqneb.

Aposel 22:8

Onaqa e na kamba minjem, ‘O Tamo Koba, ni yai?’ Onaqa merbej, ‘E Yesus Nasaret qaji agi ni na ugeugeibeqnum qaji.’

Aposel 24:5

Iga tamo endi uneqnum, a tamo uge. A kumbra uge uge yoqnsi laqnsiqa Juda tamo uŋgasari sawa sawa kalilq di unub qaji naŋgo areqalo ugetetnjreqnaqa naŋgi ŋiriŋkobaoqnsibqa qoto tigelteqnub. A na tamo uŋgasari naŋgi joqoqnsiqa minjreqnu, ‘Niŋgi Nasaret tamo Yesus dauryiye.’

Aposel 26:26

Osiqa Agripa minjej, “O Mandor Koba Agripa, ijo anjam endi ni nami qalieosim soqnem. Deqa e ni mermqa ulaosai. Yesus aqa kumbra iga dauryeqnum qaji di iga uli na yosaioqnem. Iga gaigai boleq na yoqnem. Deqa ni kumbra deqa geregere qalieonum.

Aposel 26:9

“Bole, e segi nami Yesus Nasaret qaji aqa ñam ugeugeiyoqnsim jeutsi laqnem.

Aposel 3:12

Tamo uŋgasari naŋgi bosib koroeeqnab Pita a naŋgi unjrsiqa endegsi minjrej, “O Israel tamo uŋgasari, niŋgi kiyaqa aqo aiyel tamo di boletonum unsibqa are koba qaleqnub? Niŋgi kiyaqa aqo aiyel nigsibqa endegsib are qalonub, ‘Naŋgo segi siŋgila na ti kumbra bole na ti tamo di boletonubqa walwelqo?’ Niŋgi degsib are qalaib.

Aposel 3:6

Onaqa Pita na minjej, “E silali saiqoji. Ijo iŋgi bei unu di ni emqai. Yesus Kristus Nasaret qaji aqa ñam na e ni endegsi mermonum, ‘Ni tigelosim walwel.’”

Aposel 4:10

Deqa niŋgi ti Israel tamo uŋgasari kalil ti ijo anjam endi qusib poiŋgem. Yesus Kristus Nasaret qaji agi niŋgi na ŋamburbasq di qalnab Qotei na olo subq na tigeltej qaji aqa ñam na tamo endi aqa jejamu boleosiq nuŋgo ulatamuq endia tigelesonaq niŋgi unonub.

Aposel 5:35

Onaqa naŋgi gilnabqa Gamaliel a na Juda tamo kokba naŋgi minjrej, “O Israel tamo, niŋgi Yesus aqa aŋgro 12-pela naŋgi gulube enjrqa osibqa mati geregere are qaliye.

Aposel 6:14

Bati bei a endegsi marnaq iga quem, ‘Yesus Nasaret qaji a na atra tal endi niñaqyosim Moses aqa dal anjam iga nami egej qaji di dego kobotosim dal anjam bunuj egwas.’”

2 Korin 12:12

Agi e nuŋgo ambleq di sosimqa e maŋwa gargekoba babteqnam dena niŋgi qalieeb, Qotei na e qariŋbej. Agi e siŋgila na tigeloqnsim gulube qoboiyeqnam dena maŋwa ti wau siŋgila ti gargekoba nuŋgo ambleq di brantoqnej. Kumbra dena niŋgi osorŋgej, e Qotei aqa wau tamo bole.

Hibru 2:4

Qotei na maŋwa ti siŋgila ti babtoqnsiqa aqa segi areqalo dauryosiq aqa Mondor Bole aqa kumbra segi segi jeisiq tamo uŋgasari naŋgi enjroqnej. Kumbra dena naŋgi osornjrej, Qotei aqa Ŋiri aqa anjam di bole kalil.