Aposel 2:18 - Yesus Aqa Anjam Bole

¹⁸ Bati deqa e na ijo Mondor qariŋyitqa ijo wau tamo ti ijo wau uŋa ti naŋgoq aisim siŋgila enjroqnimqa naŋgi ijo medabu osib ijo anjam maroqnqab.

Aposel 2:18 Iomraidhean Croise

Luk 12:45

Ariya wau tamo di a tamo uge qamu a endegsi are qalqas, ‘Ijo tamo koba a urur bqasai.’ Degsi are qalsimqa wau tamo ti uŋgasari ti naŋgi laŋa laŋa kumbaiŋnjroqnqas. Osim laŋa iŋgi koba uyoqnsim sqas. Wain koba dego uyoqnsim nanarioqnqas.

Aposel 2:17

‘Qotei a marqo, “Diŋo bati jojomamqa e na ijo Mondor qariŋyitqa tamo uŋgasari kalil naŋgoq aiqas. Aisim nuŋgo aŋgro mel ti nuŋgo aŋgro sebiŋ ti naŋgi siŋgila enjrimqa naŋgi ijo medabu osib ijo anjam maroqnqab. Nuŋgo aŋgro wala naŋgi ti nuŋgo tamo bole bole naŋgi ti areqalo waqtetnjroqnitqa ŋeiobilqeioqnsibqa ijo kumbra gargekoba unoqnqab.

Aposel 2:19

Laŋ goge dia e na maŋwa gargekoba yoqnqai. Mandamq dia dego maŋwa gargekoba yoqnqai. Leŋ ti ŋamyuo ti qurem koba ti qariŋyit mandamq aiqas.

Aposel 21:10

Bati qudei iga Sisaria qureq di sonamqa Qotei aqa medabu o qaji tamo bei aqa ñam Agabus a Judia sawaq dena walwelosiq gagoq bej.

Galesia 3:28

Deqa niŋgi endegsib maraib, “E Juda qaji” o “E Grik tamo” o “E kaŋgal tamo” o “E kaŋgal tamo sai.” o “E tamo” o “E uŋa”. Niŋgi degsib maraib. Niŋgi Kristus Yesus beteryejunub deqa niŋgi kalil tamo qujai bul unub.

Kolosi 3:11

Iga so bunujq di unum deqa iga kalil kerekere unum. Deqa iga gago was naŋgi endegsi minjroqnqasai, “Ni Grik qaji” o “Ni Juda qaji” o “Ni muluŋ aio qaji” o “Ni muluŋ aiosai qaji” o “Ni yauŋ tamo” o “Ni yambaŋ tamo” o “Ni kaŋgal tamo” o “Ni tamo laŋaj”. Iga gago was naŋgi degsi minjroqnqasai. Di kiyaqa? Kristus a segi qujai unu. A gago kalil qa Tamo Koba.