Aposel 19:9 - Yesus Aqa Anjam Bole

⁹ Degyeqnaqa Juda tamo uŋgasari qudei naŋgi Pol aqa anjam di qusibqa naŋgi a qa ugeosib aqa anjam dauryqa uratosib ŋambile gaigai sqajqa gam Yesus na nami iga osorgej qaji di qoreiyosib tamo uŋgasari naŋgi minjroqneb, “Yesus aqa gam di uge.” Deqa Pol a naŋgi uratnjrsiqa tamo uŋgasari Yesus qa naŋgo areqalo siŋgilateb qaji naŋgi segi joqsiqa tamo bei aqa ñam Tiranus aqa skul kobaq gileb. Gilsib dia Pol a bati gaigai Qotei aqa anjam plaltoqnsiq minjroqnej.

Aposel 19:9 Iomraidhean Croise

Matyu 15:14

Deqa niŋgi Farisi naŋgi qa are koba qalaib. Naŋgi tamo ŋam qandimo bul. Deqa naŋgi na tamo naŋgi gam osornjrqa keresai. Tamo ŋam qandimo bei na tamo ŋam qandimo bei aqa baŋ ojsim ombla walwelqab ombla maŋgalsib subq aiqab.”

Matyu 16:4

Tamo uŋgasari bini bati endeqa unub qaji naŋgo kumbra tulaŋ ugedamu. Naŋgi Qotei areiyosaieqnub. Naŋgi gaigai ijo maŋwa laŋa unqajqa metbeqnub. Deqa e na ijo maŋwa bei naŋgi osornjrqasai. Qotei aqa medabu o tamo Jona nami soqnej qaji aqa maŋwa segi osornjritqa naŋgi unqab.” Yesus a naŋgi degsi minjrsiqa uratnjrsiq gilej.

Matyu 26:55

Yesus a na aqa aŋgro di degsi minjsiqa olo qaja tamo naŋgi minjrej, “E leŋ ojo tamo deqa kio niŋgi sebru ti torom ti eleŋosib e ojqa bonub? E bati gaigai atra tal miligiq dia niŋgi koba na sosimqa tamo uŋgasari naŋgi Qotei aqa anjam minjroqnem bati deqa niŋgi yala baŋ waiysib e ojosai.

Jon 12:40

“Qotei a naŋgo ŋamdamu getentetnjrej. A naŋgo are miligi dego getentetnjrej. Deqa naŋgi naŋgo ŋamdamu na Qotei aqa kumbra bei unqa keresai. Naŋgi naŋgo are miligiq na Qotei aqa anjam dego poinjrqa keresai. Deqa naŋgi are bulyosib e qa bqa keresai. Deqa e na naŋgi olo boletnjrqasai.”

Aposel 11:26

Gilsiq Sol ŋamosiq itosiq ombla puluosib Antiok qureq olo aieb. Aisib dia wausau qujai Yesus aqa tamo uŋgasari naŋgi koba na wauoqneb. Wauoqnsibqa tamo uŋgasari tulaŋ gargekoba naŋgi Qotei aqa anjam minjroqneb. Antiok dia tamo uŋgasari Yesus dauryoqneb qaji naŋgo ñam Kristen wainjreb.

Aposel 14:4

Ariya Aikoniam qureq dia tamo uŋgasari naŋgi Pol wo Barnabas wo naŋgo anjam quoqnsib poeleŋeb. Qudei naŋgi Juda naŋgi daurnjreb. Qudei naŋgi Pol wo Barnabas wo naŋgi daurnjreb.

Aposel 17:4

Pol a na naŋgi anjam degsi minjreqnaqa Juda tamo uŋgasari qudei naŋgi aqa anjam di qusib poinjrnaqa Yesus qa naŋgo areqalo siŋgilatosib Pol wo Sailas wo naŋgi daurnjreb. Grik tamo uŋgasari gargekoba Qotei qa louoqneb qaji naŋgi ti uŋa kokba qudei ti naŋgi dego Yesus qa naŋgo areqalo siŋgilatosib Pol wo Sailas wo naŋgi daurnjreb.

Aposel 19:23

Bati deqa Efesus qureq dia tamo qudei naŋgi ŋambile gaigai sqajqa gam Tamo Koba Yesus na nami iga osorgej qaji deqa ŋiriŋkobaoqneb.

Aposel 19:30

Onaqa Pol a deqa qusiqa tamo uŋgasari naŋgo are latetnjrqa marsiqa naŋgo ambleq aiqa laqnaqa Kristen tamo uŋgasari naŋgi na saidyeb.

Aposel 20:31

Deqa niŋgi geregere ŋam atsib sosibqa ijo kumbra e bati gaigai nuŋgo ambleq di yoqnem qaji deqa are qalsib dauryoqniye. Agi wausau qalub e niŋgi koba na sosimqa niŋgi padalaib deqa qolo ti qanam ti Qotei aqa anjam niŋgi merŋgoqnsim akamoqnem. E wau di uratosaioqnem. Niŋgi ijo kumbra deqa geregere are qalsib dauryoqniye.

Aposel 22:4

Deqa e na tamo uŋgasari Yesus aqa gam dauryoqneb qaji naŋgi tulaŋ ugeugeinjroqnsim tontnjroqnsim tonto talq di breinjreqnam qaja tamo naŋgi na ñumeqnab moreŋoqneb.

Aposel 24:21

Bole, ijo anjam qujai endeqa naŋgi na ijo jejamuq di une qametbeb. E naŋgo ulatamuq dia tigelesosim leleŋosim endegsi minjrem, ‘Tamo kalil moreŋo qaji naŋgi mondoŋ olo subq na tigelqab. Anjam deqa qujai niŋgi na e ojsib ijo jejamuq di une qametbonub.’ O Tamo Koba Feliks, e naŋgo ulatamuq di tigelosim anjam degsi minjrem.” Pol a na Feliks degsi minjej.

Aposel 28:22

Deqa ni segi na ino anjam mergim iga quqwom. Iga qalieonum, sawa sawa kalilq dia tamo uŋgasari naŋgi Yesus aqa anjam bunuj di misiliŋyeqnub.” Juda tamo kokba naŋgi na Pol degsib minjeb.

Aposel 7:51

Stiven a anjam di kalil marekritosiq olo siŋgila na endegsi minjrej, “Niŋgi anjam gotraŋyo ani tamo. Nuŋgo are Qotei aqaq di sosai. Niŋgi sawa bei bei qaji tamo naŋgi bul. Sawa bei bei qaji tamo naŋgi Qotei qaliesai dego kere niŋgi dego Qotei qaliesai. Niŋgi Qotei aqa anjam quqwa urateqnub. Niŋgi bati gaigai Qotei aqa Mondor aqa anjam dego quqwa urateqnub. Nuŋgo moma naŋgi kumbra di yoqneb agi niŋgi na olo yeqnub.

Aposel 9:2

“Ni anjam bei neŋgreŋyosim ebimqa e anjam di osiy aisiy Damaskus qureq dia Juda tamo kokba naŋgi enjritqa naŋgi na anjam di sisiyosib e odbibqa tamo uŋgasari Damaskus qureq dia Yesus aqa gam dauryeqnub qaji naŋgi tontnjrsiy joqsiy Jerusalem bqai.”

Rom 11:7

Deqa iga kiersi marqom? Iga endegsi marqom. Israel naŋgi tamo bole une saiqoji sqajqa waukobaeqnab ugeinjroqnej. Ariya naŋgi qudei Qotei na aqa segi qa marsiq giltnjrej deqa naŋgi aqa ŋamgalaq di tamo bole une saiqoji unub. Ariya naŋgi qudei naŋgo areqalo geteŋnjrejunu.

Rom 9:18

Deqa was qu, iga endegsi qalieonum. Qotei a tamo bei qa are boleiyqa are soqnim a tamo deqa are boleiyqas. Ariya a tamo bei aqa areqalo getentqa are soqnim di a getentqas.

1 Korin 16:9

Qotei na gam waqtetbej deqa e qure endia waukobaoqnsim tamo uŋgasari gargekoba naŋgi are bulyetnjreqnum. Deqa e niŋgi qa urur bqasai. E mati endi sosiy wauoqnqai. E waueqnum deqa jeu tamo gargekoba naŋgi ijo wau tentetbqajqa laqnub.

1 Timoti 6:5

Osib naŋgi gaigai ŋiriŋ anjam koba mareleŋeqnub. Tamo deqaji naŋgi areqalo tulaŋ uge na laqnub. Naŋgi Qotei aqa anjam bole qaliesai bolesai. Deqa naŋgi endegsib are qaleqnub, “Iga Qotei aqa kumbra dauryqom dena iga ñoro koba ti sqom.” O Timoti, naŋgo anjam di gisaŋ.

2 Timoti 1:15

Ni qalie, tamo kalil Esia sawaq di unub qaji naŋgi e uratbosib jaraieb. Figelus wo Hermogenes wo naŋgi aiyel dego e uratbosib jaraieb.

2 Timoti 3:5

Naŋgi laŋa babaŋ na Qotei aqa kumbra dauryobulosib sqab. Qotei aqa kumbra bole di siŋgila ti unu. Ariya siŋgila di naŋgi poinjrqasai. O Timoti, ni na tamo naŋgi deqaji beternjraim. Torei uratnjrsim isaq gile.

2 Timoti 4:2

Deqa ni Kristus aqa anjam palontqajqa siŋgilaoqne. Yimqa tamo qudei naŋgi ino anjam quqwa arearetnjroqnqas. Ariya tamo qudei naŋgi ino anjam quqwa asginjroqnqas. Di uŋgum. Ni gaigai Kristus aqa anjam naŋgi siŋgila na minjroqne. Osim anjam dena naŋgo are qametnjroqnsim naŋgo areqalo tigeltetnjroqne. Yim naŋgi are bulyoqnsib Qotei aqa kumbra dauryoqnqab. Deqa ni gaigai kumbra lawo na naŋgi gereinjroqnsim Qotei aqa kumbra naŋgi osornjroqne.

Hibru 3:13

Bati gaigai iga mareqnum, “Bini bati endi”. Deqa niŋgi bati gaigai Qotei aqa tamo uŋgasari naŋgi anjam bole minjroqnsib naŋgo areqalo tigeltetnjroqniye. Nuŋgo ambleq di une aqa kumbra na tamo bei gisaŋyim aqa are miligi getento uge.

2 Pita 2:12

Tamo uge deqaji naŋgi wagme bul tulaŋ nanariosib laqnub. Naŋgi naŋgo segi jejamu aqa areqalo dauryeqnub. Naŋgi wagme juwaŋ bul. Anjam naŋgi poinjrosai qaji di naŋgi olo misiliŋyeqnub. Iga na wagme juwaŋ naŋgi ojeleŋoqnsim ñumeqnum dego kere mondoŋ Qotei na tamo uge naŋgi di ñumougetqas.

2 Pita 2:2

Tamo deqaji gargekoba naŋgi bosib kumbra uge uge dauryoqnqab. Yimqa tamo qudei naŋgi na naŋgi unjrsib naŋgi daurnjrsib Qotei aqa gam bole misiliŋyqab.

Jut 1:10

Ariya tamo uge naŋgi di tulaŋ diqoqnsib kumbra naŋgi poinjrosai qaji di olo misiliŋyeqnub. Naŋgi wagme juwaŋ bul tulaŋ nanariosib naŋgo segi jejamu qa areboleboleinjreqnaqa areqalo bole dauryqa urateqnub. Naŋgo kumbra deqa mondoŋ Qotei na naŋgi tulaŋ ñumougetqas.