Aposel 19:3 - Yesus Aqa Anjam Bole

³ Onaqa Pol na olo nenemnjrej, “Niŋgi anjam kie qusib yanso eb?” Onaqa naŋgi na minjeb, “Jon yansnjro qaji aqa anjam segi iga qusim dena yanso em.”

Aposel 19:3 Iomraidhean Croise

Matyu 28:19

Deqa niŋgi walwelosib sawa sawa kalil keretoqnsibqa tamo uŋgasari kalil naŋgi ijo anjam minjroqnsib laqniye. Minjroqnibqa naŋgi ijo anjam quoqnsib dauryoqnsibqa ijo segi aŋgro bole sqab. Deqa niŋgi na ijo Abu aqa ñam na ti e Qotei aqa Ŋiri ijo segi ñam na ti Qotei aqa Mondor Bole aqa ñam na ti naŋgi yansnjroqniye.

Luk 7:29

Yesus a na tamo uŋgasari naŋgi anjam degsi minjrnaqa takis o qaji tamo qudei naŋgi dego anjam di qusib mareb, “Bole. Qotei aqa kumbra kalil a na yeqnu qaji di bolequja.” Naŋgi degsib mareb. Di kiyaqa? Naŋgi nami are bulyonab Jon na yansnjrej deqa.

Aposel 18:25

Tamo qudei naŋgi na nami Tamo Koba Yesus aqa gam Apolos osoryeb. Deqa a siŋgila na Yesus aqa anjam plaltoqnsiqa tamo uŋgasari naŋgi minjroqnej. Ariya Yesus aqa ñam na tamo yansnjrqajqa kumbra di Apolos a qaliesai. Jon yansnjro qaji a na nami tamo uŋgasari naŋgi yansnjroqnej kumbra di segi Apolos a qalieej.

Aposel 8:16

Di kiyaqa? Bati deqa Qotei aqa Mondor naŋgoq aiosaisoqnej deqa. Naŋgi Tamo Koba Yesus aqa ñam na segi yanso eb.

1 Korin 12:13

Di kiyaqa? Qotei aqa Mondor a segi qujai na iga kalil eleŋosiqa turtgej deqa iga kalil tamo qujaionum. Iga Juda tamo ti Grik tamo ti kaŋgal tamo ti tamo laŋaj ti kalil Qotei aqa Mondor qujai di osim a ya jumbum bul uyoqnsim dena iga siŋgila eqnum.

Hibru 6:2

Anjam bei agi yanso oqajqa anjam. Anjam bei agi Kristen gate naŋgi na wau tamo naŋgi giltnjrqa maroqnsib naŋgo gateq di baŋ ateqnub. Anjam bei agi subq na tigelqajqa anjam. Anjam bei agi Qotei na tamo kalil naŋgo une qa naŋgi peginjrsimqa tamo qudei naŋgi ŋambile enjrimqa naŋgi so bole gaigai sqab. Ariya tamo qudei naŋgi Qotei na ŋamyuoq di breinjrim naŋgi dia gaigai sqab. O was qu, anjam di iga nami utruq na quoqnem. Ariya bini iga anjam dena prugosim olo Kristus aqa anjam qudei iga siŋgilatgwajqa qaji di dauryoqnqom.