Aposel 19:26 - Yesus Aqa Anjam Bole

²⁶ Ariya Pol a na gago wau endi ugeteqnu. Agi a gam endena ugeteqnu. A na tamo uŋgasari gargekoba naŋgi are tigeltetnjroqnsiqa minjreqnu, ‘Tamo naŋgi baŋ na qotei gereiyo qaji di qotei bolesai. Di qotei gisaŋ.’ Yeqnaqa naŋgi aqa anjam di dauryosib qotei Artemis qoreiyeqnub. Osib naŋgi Artemis aqa atra tal sulum dego awaiyqa urateqnub. Pol aqa kumbra di niŋgi uneqnub. Aqa anjam di dego niŋgi queqnub. Aqa kumbra di Efesus qureq endia segi yosai. Esia sawa keretoqnsiqa dia dego a kumbra di yeqnu.

Aposel 19:26 Iomraidhean Croise

Aposel 14:15

“O tamo uŋgasari, niŋgi kiyaqa kumbra endi yeqnub? Aqo aiyel mandam tamo, niŋgi ti kere. Aqo aiyel na Yesus Kristus aqa anjam bole niŋgi merŋgeqnum. Niŋgi are bulyosib qotei gisa gisaŋ endi torei uratosib Qotei ŋambile gaigai unu qaji a qa nuŋgo areqalo siŋgilatqajqa deqa aqo aiyel na Yesus Kristus aqa anjam bole niŋgi merŋgeqnum. Qotei agi a na laŋ ti mandam ti yuwal ti iŋgi iŋgi kalil ti gereiyej.

Aposel 17:29

Di bole. Iga Qotei aqa aŋgro. Deqa niŋgi quiye. Qotei a sulum bul sai. Tamo naŋgi gol na silva na meniŋ na ti sulum gereiyeqnub Qotei a dego sai. Tamo naŋgo segi baŋ na ti qalie na ti sulum gereiyeqnub. Qotei a sulum deqaji bul unu niŋgi degaib.

Aposel 18:19

Tiryosib mandamq aisib Pol a Juda naŋgo Qotei tal miligiq gilsiqa naŋgi Qotei aqa anjam plaltosiq minjroqnej. Onaqa naŋgi Pol aqa anjam qusib minjeb, “Ni bati qudei iga koba na endi sqom.” Minjnabqa a na naŋgi saidnjrsiqa gilqa osiqa minjrej, “Qotei na odbimqa bunuqna e nuŋgoq olo bqai.” Degsi minjrsiqa a qobuŋ gogetosiq gilej. A Prisila wo Akwila wo naŋgi Efesus qureq di uratnjrnaq soqneb.

Aposel 19:1

Apolos a Korin qureq di sonaqa Pol a Esia sawa yambaŋ naŋgo qure qureq na walweloqnej. A walwelosi aisiq Efesus qureq di brantosiqa tamo qudei Yesus dauryoqneb qaji naŋgi sonab itnjrsiqa endegsi nenemnjrej, “Nami niŋgi Yesus qa nuŋgo areqalo siŋgilatosib bati deqa Qotei aqa Mondor eb e?” Onaqa naŋgi na saideb, “Eo. Iga Qotei aqa Mondor osai. Qotei aqa Mondor unu kio sai kio di iga nami quosaioqnem.”

Aposel 19:10

Pol a wausau aiyel Efesus qureq di sosiqa Tamo Koba Yesus aqa anjam plaltosiq maroqnej. Deqa aqa anjam tulaŋ kobaonaqa tamo uŋgasari kalil Esia sawaq di soqneb qaji Juda ti Grik ti naŋgi quoqneb.

Aposel 19:25

Ariya bati bei Demitrius a na aqa wau qujai naŋgi koroinjrsiqa naŋgo areqalo tigeltetnjrim naŋgi Pol qa ŋiriŋqajqa deqa endegsi minjrej, “Niŋgi quiye. Gago wau endena iga silali koba eqnum.

1 Korin 12:2

Niŋgi qalie, nami niŋgi Qotei qalieosaisonabqa sulum naŋgi na niŋgi titŋgeqnabqa niŋgi naŋgi daurnjroqneb. Sulum naŋgi di anjam marqa keresai.

1 Korin 8:4

Deqa e na sulum atrainjro qaji iŋgi iŋgi uyqajqa kumbra qa niŋgi endegsi merŋgwai. Mandamq endia sulum naŋgi unub di naŋgi qotei bolesai. Naŋgi laŋa gisaŋ qotei naŋgi sigitejunub. Qotei bole agi a segi qujai unu. Qotei bei sosai. Di iga qalieonum.

Galesia 4:8

Nami niŋgi Qotei qalieosaisosib bati deqa niŋgi gisaŋ qotei naŋgo kaŋgal tamo bul soqneb.

1 Tesalonaika 1:9

Iga nami nuŋgo ambleq di sonamqa bati deqa niŋgi gago anjam dauryoqneb. Nuŋgo kumbra di tamo uŋgasari sawa sawa kalilq di unub qaji naŋgi qalieosib deqa mare mare laqnub. Niŋgi are bulyosib gisaŋ qotei naŋgi torei uratnjrsib olo Qotei bole agi ŋambile gaigai unu qaji a areiyosib aqa anjam dauryeqnub. Osib deqa niŋgi Qotei aqa wau tamo bole unub. Nuŋgo kumbra deqa ti naŋgi mare mare laqnub.

Uli Anjam 9:20

Naŋgi ugeugeinjreqnabqa tamo uŋgasari qudei gulube qalub dena ñumosai qaji naŋgi di unsibqa naŋgi deqa are bulyosai. Naŋgo baŋ na sulum gereiyeleŋeb qaji di dego naŋgi uratosai. Naŋgi na mondor uge uge ti qotei gisa gisaŋ naŋgi ti sulum kalil naŋgo baŋ na gereiyeleŋeb qaji naŋgi ti di biŋinjroqneb. Naŋgo kumbra uge di naŋgi uratosaioqneb. Sulum di gol na silva na bras na meniŋ na ŋamtaŋ na ti gereiyeleŋeb. Sulum di qunuŋ saiqoji. Deqa naŋgi ŋam atqa keresai. Naŋgi anjam quqwa keresai. Naŋgi walwelqa keresai.