Aposel 19:18 - Yesus Aqa Anjam Bole

¹⁸ Bati deqa tamo uŋgasari tulaŋ gargekoba naŋgi are bulyoqnsibqa Yesus qa naŋgo areqalo siŋgilatoqneb. Deqa naŋgi boqnsib naŋgo kumbra uge uge nami yoqneb qaji di tamo kalil naŋgo ŋamdamuq dia ubtosib maroqneb.

Aposel 19:18 Iomraidhean Croise

Matyu 3:6

Boqnsibqa naŋgo une kalil palontekriteqnab Jon na Jordan yaq di yansnjroqnej.

Aposel 19:17

Onaqa tamo uŋgasari kalil Juda ti Grik ti Efesus qureq di soqneb qaji naŋgi deqa qusibqa tulaŋ ulaugeteb. Osib naŋgi Tamo Koba Yesus aqa ñam tulaŋ koba soqteb.

Aposel 19:19

Tamo uŋgasari gargekoba nami quñam qaloqneb qaji naŋgi bosib naŋgo quñam qalo qaji buk kalil koroiyoqnsibqa tamo uŋgasari naŋgo ulatamuq dia koiteleŋoqneb. Buk di nami tamo qudei naŋgoq dena silali na awaiyo qaji. Silali kalil sisiyeb 50,000 kina.

Rom 10:10

Gago are miligiq na iga Yesus qa gago areqalo siŋgilateqnum deqa Qotei na iga tamo bole une saiqoji qa mergeqnu. Ariya gago medabu na iga Yesus aqa ñam soqtoqnsim boleq na mareqnum deqa Qotei na iga oqas.

Jems 5:16

Deqa was qu, niŋgi nuŋgo segi segi une palontosib Kristen was qu naŋgi minjroqniye. Osib niŋgi segi segi qa pailyoqniye. Yim Qotei a na niŋgi boletŋgwas. Tamo naŋgi kumbra tiŋtiŋ yeqnub qaji naŋgo pail siŋgila koba. Deqa naŋgi pailyeqnab Qotei a quoqnsiqa naŋgi aqaryainjreqnu.

1 Jon 1:9

Ariya iga gago segi une babtosim marqom, “Od, e une ti.” Degsi marqom di Qotei a aqa segi anjam nami marej qaji di dauryosim kumbra tiŋtiŋ na gago une kobotetgwas. Osim gago kumbra uge kalil taqal waiyimqa iga aqa ŋamgalaq di tamo bole sqom.