Aposel 19:16 - Yesus Aqa Anjam Bole

¹⁶ Mondor uge na naŋgi degsi minjrnaqa tamo mondor uge ti so qaji a siŋgila na prugosiq naŋgo qawarq di awoosiq naŋgi ñumougetnjrsiq jejamu niñaqyetnjrej. Osiqa naŋgo gara bumbraŋyetnjrnaqa naŋgi tal uratosib yosi jaraieb.

Aposel 19:16 Iomraidhean Croise

Mak 5:15

Aqa areq bosib ŋam ateb tamo nami mondor uge ti soqnej qaji aqa areqalo boleosiq gara tigsiq awesonaq uneb. Unsib tulaŋ ulaugeteb. Di kiyaqa? Mondor uge tulaŋ gargekoba nami tamo di aqa jejamuq di soqneb deqa.

Luk 8:29

Mondor uge dena Yesus degsi minjej. Di kiyaqa? Yesus na siŋgila na minjoqnej, “Ni tamo di uratosim ulaŋ.” Mondor uge dena bati gargekoba tamo di aqa jejamu ugeugeiyeteqnaqa tamo qudei naŋgi na ojoqnsibqa sil kokba na aqa siŋga ti baŋ ti tontoqnsib geregere taqatoqneb. Yeqnaqa mondor uge dena sil kokba kukoqyeleŋoqnsiqa tamo di oqnsiqa wadau sawaq osi giloqnej.

Luk 8:35

Onaqa naŋgi qusibqa naŋgi Yesus unqajqa beb. Bosib ŋam ateb tamo nami mondor uge ti sosiq yosi laqnej qaji aqa areqalo boleosiq gara tigsiq Yesus aqa siŋgaq di awesonaq uneb. Unsib ulaugeteb.

Aposel 19:15

Onaqa mondor uge na naŋgi kamba minjrej, “E Yesus qalie. E Pol dego qalie. Ariya niŋgi tal qabe?”

Aposel 19:17

Onaqa tamo uŋgasari kalil Juda ti Grik ti Efesus qureq di soqneb qaji naŋgi deqa qusibqa tulaŋ ulaugeteb. Osib naŋgi Tamo Koba Yesus aqa ñam tulaŋ koba soqteb.

2 Pita 2:19

Tamo uge naŋgi dena tamo uŋgasari naŋgi walawala anjam endegsib minjreqnub, “Niŋgi iga daurgwab di une bei na niŋgi ojqa keresai. Deqa niŋgi nuŋgo segi areqalo na kumbra bei yqa marsib yoqniye.” Di gisaŋ. Naŋgo segi kumbra uge na naŋgi siŋgila na ojsiq naŋgi taqatnjreqnu. Niŋgi qalie, tamo bei aqa kumbra uge na a taqatesqas di a kumbra di aqa wau tamo sqas.