Aposel 18:10 - Yesus Aqa Anjam Bole

¹⁰ Ni ijo anjam mare mare laqnimqa tamo bei na ni ugeugeimqasai. Di kiyaqa? E ni ombla sqai deqa. Qure endia ijo segi tamo uŋgasari gargekoba unub. Deqa ni boleq na ijo anjam mare mare laqne. Ni ulaaim.”

Aposel 18:10 Iomraidhean Croise

Matyu 1:23

“Niŋgi quiye. Bunuqna duŋgeŋge bei a tamo ombla ŋereŋosaisosimqa a gumaŋosim aŋgro mel oqas. Amqa naŋgi aqa ñam Emanuel waiyqab.” Ñam di aqa damu, “Qotei a iga koba na unum.”

Matyu 10:30

Dego kere Qotei a nuŋgo gate baŋga segi segi sisiyeqnu. A niŋgi segi segi qa qalie bole.

Matyu 28:20

O ijo aŋgro, anjam kalil e nami niŋgi merŋgoqnem qaji di niŋgi walwelosib tamo uŋgasari naŋgi minjroqnsib laqniye. Laqnibqa naŋgi quoqnsib dauryoqnqab. Niŋgi segi sosib wauoqnqab edegaib. E bati gaigai niŋgi koba na wauoqnsiy sqai. Degsim soqnim soqnim diŋo bati brantqas.”

Luk 21:18

Ariya Qotei na niŋgi geregere taqatŋgoqnqas. Deqa ijo aŋgro bei padalqasai. Niŋgi kalil bole sqab. Nuŋgo gate baŋga bei ugeqasai dego.

Jon 10:16

Ijo kaja qudei dego jeŋ oqeq di unub. Naŋgi jeŋ miligiq endi sosai. Deqa e naŋgi dego joqsiy bosiy ijo kaja jeŋ miligiq endi unub qaji naŋgi ti turtnjrsiy jeŋ qujaiq di breinjrqai. Yim naŋgi mandor qujaiq di sosib ijo medabu dauryoqnqab.

Jon 11:52

Bole, Yesus a Juda naŋgi segi qa moiqasai. Qotei aqa aŋgro kalil sawa bei beiq di unub qaji naŋgi qa ti moiqas. Moisim naŋgi kalil koroinjrimqa naŋgi aqa segi tamo uŋgasari sqab. Kaiafas a anjam di ubtsiq marej.

Aposel 15:14

Saimon a mergwo, ‘Qotei a nami sawa bei bei qaji tamo naŋgo ambleq dena aqa segi tamo uŋgasari naŋgi oqa marsiq giltnjrej.’ Saimon a iga degsi mergwo.

Aposel 15:18

Tamo Koba Qotei aqa anjam di a nami babtej agi bini olo babtosiq mareqnu.’ Qotei aqa medabu o qaji tamo bei a nami anjam degsi neŋgreŋyej.

Aposel 18:11

Yesus a na Pol anjam degsi minjnaqa a anjam di dauryosiqa Korin qureq dia wausau qujai bai 6-pela sosiqa tamo uŋgasari naŋgi Qotei aqa anjam plaltoqnsiq minjroqnej.

Aposel 18:9

Bati bei qolo Qotei na Pol aqa areqalo waqtetonaqa a ŋeiobilqeiobulosiqa Tamo Koba Yesus unej. Unnaqa minjej, “O Pol, ni ulaaim. Ni qure endia sosimqa ino medabu waqtoqnsimqa boleq na ijo anjam mare mare laqne. Mequmaim.

Rom 8:31

Deqa iga Qotei aqa kumbra deqa kiersi marqom? Qotei na iga aqaryaigej deqa tamo yai na iga olo jeutgwas? Tamo dego bei sosai.

2 Korin 12:9

Onaqa Qotei a saidosiq endegsi merbej, “E ni qa are boleiboqnimqa ni siŋgilatmoqnqai dena ni keretmqas. Di kiyaqa? Ni siŋgila saiqoji unum deqa ijo siŋgila ni qa brantoqnsim ni siŋgilatmoqnqas.” Qotei na e degsi merbej. Deqa e siŋgila saiqoji unum deqa areboleboleiboqnqas. Yim Kristus aqa siŋgila ijoq di sqas.

2 Timoti 4:17

Ariya Tamo Koba Yesus a segi na e taqbosiqa siŋgila ebej. Deqa e anjam pegiyo tamo aqa ulatamuq dia tigelosimqa Yesus aqa anjam bole mareqnamqa sawa bei bei qaji tamo naŋgi quoqneb. Qotei na e aqaryaibosiqa bauŋ juwaŋ naŋgo medabuq dena e osiq taqal waibej.

2 Timoti 4:22

Tamo Koba Yesus a na ino qunuŋ geregere taqateme. Osim niŋgi kalil qa are boleiyeme.