Aposel 17:3 - Yesus Aqa Anjam Bole

³ Pol a na anjam aqa utru geregere plaltosiq endegsi minjroqnej, “Kristus a jaqatiŋ koba osim moiqas. Moisim olo subq na tigelqas. Qotei aqa anjam nami degsib neŋgreŋyeb unu.” Osiqa minjroqnej, “Yesus agi e niŋgi a qa merŋgeqnum qaji a bole Kristus Qotei na qariŋyej qaji.”

Aposel 17:3 Iomraidhean Croise

Luk 24:32

Ulaŋonaq naŋgi mareb, “Bole, aqo aiyel gamq di walwelosi gileqnamqa Yesus a Qotei aqa anjam nami neŋgreŋyeb qaji di aqa utru geregere plaltosiq mergeqnaqa iga qusim tulaŋ arearetgoqnaj.”

Luk 24:44

Uysiqa minjrej, “Nami e niŋgi koba na sosimqa bati deqa e niŋgi endegsim merŋgem, ‘Dal anjam kalil Moses na nami e qa neŋgreŋyej qaji di aqa damu brantqas. Anjam kalil Qotei aqa medabu o tamo naŋgi nami e qa neŋgreŋyeleŋeb qaji di aqa damu dego brantqas. Anjam kalil louqa buk miligiq di nami e qa neŋgreŋyeb qaji di dego aqa damu brantqas.’ E nami niŋgi degsi merŋgem.”

Luk 24:46

Onaqa Yesus na olo minjrej, “Qotei aqa anjam bei nami endegsib neŋgreŋyeb unu, ‘Kristus a jaqatiŋ koba osim moiqas. Moisim bati qalub koboamqa a olo subq na tigelqas.’ Nami e qa anjam degsib neŋgreŋyeb unu.

Jon 20:9

Qotei aqa anjam bei nami endegsib neŋgreŋyeb unu, “Kristus a subq na tigelqas.” Bati deqa Yesus aqa aŋgro naŋgi anjam di poinjrosaisoqnej.

Aposel 1:4

Onaqa bati bei Yesus na aqa aŋgro naŋgi olo koroinjrsiqa minjrej, “Niŋgi Jerusalem urataib. Ijo Abu aqa Mondor niŋgi nami eŋgwa marej qaji deqa niŋgi tariŋoqnsib soqniye. E nami niŋgi deqa merŋgoqnem.

Aposel 18:28

Osiqa Juda tamo naŋgi koba na anjam na qotoqnsib Qotei aqa anjam nami neŋgreŋyeb qaji di plaltoqnsiqa Yesus a bole Kristus Qotei na qariŋyej qaji anjam di siŋgila na minjroqnej. A boleq na anjam minjroqnej.

Aposel 18:5

Onaqa bati bei Sailas wo Timoti wo naŋgi Masedonia sawa uratosib bosib Korin qureq dia Pol itosib naŋgi koba na soqneb. Deqa Pol a na aqa silali wau di uratosiqa Qotei aqa anjam segi wauoqnej. Osiqa Juda naŋgo Qotei tal miligiq giloqnsiqa naŋgi siŋgila na endegsi minjroqnej, “Yesus a bole Kristus Qotei na qariŋyej qaji.”

Aposel 3:18

Nami Qotei na aqa medabu o qaji tamo kalil naŋgo medabu siŋgilatetnjreqnaqa naŋgi endegsib maroqneb, ‘Kristus agi Qotei na giltqo qaji a jaqatiŋ koba osim moiqas.’ Ariya bunuqna niŋgi na Yesus qalnab moiej. Niŋgi kumbra di yonabqa Qotei aqa medabu o qaji tamo naŋgo anjam nami maroqneb qaji di aqa damu agi brantej.

Aposel 9:22

Sol a siŋgila na Qotei aqa wau yoqnej. Yeqnaqa aqa siŋgila ti aqa powo ti tulaŋ kobaoqnej. Deqa a siŋgila na Qotei aqa anjam maroqnej. A anjam geregere plaltoqnsiqa endegsi maroqnej, “Yesus a bole Kristus Qotei na qariŋyej qaji.” Degsi mareqnaqa Juda tamo kokba Damaskus qureq di soqneb qaji naŋgi aqa anjam di quoqnsib naŋgi na kamba olo aqa anjam di qalotqa keresai.

Galesia 3:1

O Galesia tamo, niŋgi tulaŋ nanari. Iga nami niŋgi Yesus Kristus osorŋgem. Kumbra dena niŋgi a ŋamburbasq di gaiŋesonaq unobuleb. Ariya tamo yai na nuŋgo areqalo olo niñaqyetŋgej deqa niŋgi Kristus aqa anjam olo urateqnub?