Aposel 16:6 - Yesus Aqa Anjam Bole

⁶ Bati bei Pol na Sailas na Timoti na naŋgi qalub walwelosib Frigia sawa ti Galesia sawa ti dia Qotei aqa anjam mare mare giloqneb. Naŋgi nami Esia sawaq dia Yesus aqa anjam marqa laqnabqa Qotei aqa Mondor na naŋgi saidnjrej.

Aposel 16:6 Iomraidhean Croise

Aposel 10:19

Pita a ŋeiobilqei deqa are koba qaleqnaqa Qotei aqa Mondor na minjej, “Ni que. Tamo qalub bosib ni qa maronub.

Aposel 11:12

Onaqa Qotei aqa Mondor na e merbej, ‘Ni tigelosim naŋgi qalub daurnjrsim gile. Ni are gulubeimaiq.’ Degsi merbonaqa e tigelosim naŋgi qalub daurnjrsim Yesus aqa tamo 6-pela agi endia tigelejunub qaji naŋgi koba na gilem. Gilsim Sisaria qureq di brantosim Kornilius aqa tal gogetem.

Aposel 16:7

Deqa naŋgi Frigia sawa ti Galesia sawa ti dia laqnsibqa dena walwelosib Misia sawaq di branteb. Dena Bitinia sawaq gilqa laqnabqa Yesus aqa Mondor na naŋgi saidnjrnaqa naŋgi Misia sawa amble potosib aisib torei Troas qureq di branteb.

Aposel 18:23

Gilsiq Antiok dia bati gargekoba yala sosiqa dena walwelosiq Galesia sawa ti Frigia sawa ti dia laqnej. Laqnsiqa naŋgo qure kalilq dia brantoqnsiqa tamo uŋgasari Yesus qa naŋgo areqalo siŋgilateb qaji naŋgi koroinjroqnsiqa Qotei aqa anjam na are siŋgilatetnjroqnej.

Aposel 19:10

Pol a wausau aiyel Efesus qureq di sosiqa Tamo Koba Yesus aqa anjam plaltosiq maroqnej. Deqa aqa anjam tulaŋ kobaonaqa tamo uŋgasari kalil Esia sawaq di soqneb qaji Juda ti Grik ti naŋgi quoqneb.

Aposel 20:16

Pol na iga endegsi mergej, “Iga Efesus qure buŋyosim urur Jerusalem aiqom. Aisim di soqnimqa Juda naŋgo iŋgi meli bunuj otoro bati ñam Pentikos di brantim unqom. E Esia sawaq endia bati olekoba sqasai.” Pol a na iga degsi mergej.

Aposel 20:28

O ijo was niŋgi nuŋgo segi segi jejamu geregere taqatosib Qotei aqa tamo uŋgasari naŋgi dego geregere taqatnjroqniye. Qotei aqa tamo uŋgasari naŋgi kaja bul. Qotei na aqa segi Ŋiri Yesus Kristus aqa leŋ na naŋgi awainjrej. Deqa niŋgi na naŋgi geregere taqatnjroqnsibqa naŋgo mandor bole soqniye. Wau di Qotei aqa Mondor na niŋgi eŋgej.

Aposel 20:4

A degsi are qalsiqa tigelosiq aiqa osiqa tamo qudei naŋgi joqsiqa koba na aieb. Tamo di naŋgo ñam agi marqai. Bei Sopater. A Pirus aqa ŋiri. A Beria qure qaji. Tesalonaika tamo aiyel Aristarkus wo Sekundus wo naŋgi dego Pol koba na aieb. Bei Gaius. A Derbe qure qaji. Bei Timoti. Esia qaji tamo aiyel Tikikus wo Trofimas wo naŋgi dego Pol koba na aieb. Tamo naŋgi di Pol na joqsiqa koba na Masedonia sawaq aieb. Aisib dia iga Pol qu uratgosib namo aisib Troas qureq di branteb. Brantosib dia iga qa tariŋoqneb.

Aposel 21:27

Ariya bati 7-pela di koboqa laqnaqa Juda tamo qudei Esia sawaq dena beleŋeb qaji naŋgi Pol a atra tal miligiq di sonaq unsibqa bosib a ojeb. Ojsib murqumyoqnsib Juda tamo uŋgasari kalil naŋgo areqalo ugetetnjrqa marsibqa Pol aqa jejamu laŋa gisaŋyosib minjreb, “O Israel tamo uŋgasari, niŋgi kalil bosib iga aqaryaigosib Pol qalib moiqas. Pol a sawa sawa kalilq dia iga Juda qa ti Moses aqa dal anjam qa ti atra tal qa ti misiliŋ anjam mareqnaqa tamo uŋgasari kalil queqnub. Di segi sai. A dego Grik tamo qudei naŋgi joqsiqa koba na atra tal miligiq gileb. Aqa kumbra dena a na Qotei aqa atra tal di ugetej.”

Aposel 6:9

Onaqa bati bei Juda tamo qudei naŋgi tigelosib Stiven ombla anjam na qotoqneb. Tamo naŋgi di Juda naŋgo Qotei tal beiq dia gaigai louoqneb. Naŋgi nami kaŋgal tamo sonabqa uratnjrnab laŋa soqneb deqa naŋgi Qotei tal dia louoqneb. Deqa Qotei tal di aqa ñam endegsib waiyeb, “Tamo Laŋaj Naŋgo Qotei Tal.” Tamo naŋgi di Stiven ombla anjam na qotoqneb. Naŋgi nami Sairini qure ti Aleksandria qure ti Silisia sawa ti Esia sawa dena ti beleŋeb.

Aposel 8:29

Onaqa Qotei aqa Mondor na Filip minjej, “Ni gilsim karis di jojomye.”

Rom 16:5

Niŋgi na ijo kaiye anjam endi osib Kristen tamo uŋgasari kalil Prisila wo Akwila wo naŋgo talq dia koroosib loueqnub qaji naŋgi dego minjriye. Osib Epainetus dego ijo kaiye anjam endi minjiye. A ijo kadoi bole. A Esia sawa qaji. Nami tamo kalil Esia sawaq di unub qaji naŋgi are bulyosaisonabqa Epainetus a namoqna are bulyosiq Kristus qa aqa areqalo siŋgilatej.

1 Korin 12:11

Ariya Mondor qujai dena wau kalil di tamo naŋgi enjreqnu. A aqa segi areqalo na tamo segi segi naŋgi kumbra enjreqnaqa naŋgi wau di ojeqnub.

1 Korin 16:1

Ariya was qu, niŋgi silali koroiyosib Qotei aqa tamo uŋgasari Jerusalem di unub qaji naŋgi aqaryainjrqajqa deqa niŋgi merŋgwai. Silali koroiyqajqa gam di e nami Qotei aqa tamo uŋgasari Galesia sawaq di unub qaji naŋgi osornjrnam naŋgi dauryeb. Ariya e na niŋgi dego gam di osorŋgit dauryiye.

1 Korin 16:19

Ariya was qu, tamo uŋgasari Esia sawaq dia Qotei qa loueqnub qaji naŋgi na niŋgi kaiyeiŋgonub. Akwila wo Prisila wo naŋgi aiyel niŋgi qa tulaŋ areboleboleinjrqo deqa naŋgi Tamo Koba Yesus aqa ñam na kaiye anjam niŋgi qa qariŋyonub. Tamo uŋgasari kalil naŋgo talq dia Qotei qa loueqnub qaji naŋgi dego niŋgi kaiyeiŋgonub.

2 Korin 1:8

O was qu, iga Esia sawaq di sosimqa gulube kobaquja item. Gulube dena iga ugeugeigosiqa gago siŋgila tulaŋ buŋyej. Deqa iga endegsi are qalem, gulube dena iga moiotgwas. O was qu, niŋgi di qalieqajqa deqa e anjam endi neŋgreŋyonum.

Galesia 1:2

Kristen was kalil sawa endia unub qaji naŋgi e ti ombla na anjam endi neŋgreŋyosim niŋgi Galesia sawaq dia Yesus aqa ñam qa korooqnsib loueqnub qaji niŋgi qa qariŋyonum.

Galesia 3:1

O Galesia tamo, niŋgi tulaŋ nanari. Iga nami niŋgi Yesus Kristus osorŋgem. Kumbra dena niŋgi a ŋamburbasq di gaiŋesonaq unobuleb. Ariya tamo yai na nuŋgo areqalo olo niñaqyetŋgej deqa niŋgi Kristus aqa anjam olo urateqnub?

2 Timoti 1:15

Ni qalie, tamo kalil Esia sawaq di unub qaji naŋgi e uratbosib jaraieb. Figelus wo Hermogenes wo naŋgi aiyel dego e uratbosib jaraieb.

2 Timoti 4:10

Ni que. Demas a mandam endeqa kumbra qa tulaŋ areareteqnu. Deqa a na e uratbosiqa Tesalonaika qureq gilej. Ariya Kresens a Galesia sawaq gilej. Taitus a Dalmesia sawaq gilej.

Hibru 11:8

Abraham a dego Qotei qa aqa areqalo siŋgilatej deqa Qotei na metonaqa a Qotei aqa anjam dauryosiqa mandam bei Qotei na a yqajqa minjej qaji deq gilej. A sawa qabitqas kio di a qalieosaisosiqa gilej.

1 Pita 1:1

E Pita. Yesus Kristus na e qariŋbej deqa e aqa anjam marsim laqnum. E na anjam endi neŋgreŋyosim niŋgi Qotei aqa segi tamo uŋgasari niŋgi qa qariŋyonum. Niŋgi nuŋgo qure utru segi segi uratosib jaraiosib sawa sawa kalil keretosib unub. Niŋgi Pontus sawa ti Galesia sawa ti Kapadosia sawa ti Esia sawa ti Bitinia sawa ti dia unub.

Uli Anjam 1:11

Leleŋosiq merbej, “Kumbra kalil ni unqam qaji di neŋgreŋyosim qariŋyimqa tamo uŋgasari qure 7-pelaq dia Yesus aqa ñam qa koroosib loueqnub qaji naŋgoq gilqas. Tamo uŋgasari agi Efesus qureq dia, Smerna qureq dia, Pergamum qureq dia, Taiataira qureq dia, Sardis qureq dia, Filadelfia qureq dia, Laodisia qureq dia Yesus aqa ñam qa koroosib loueqnub qaji naŋgoq qariŋyim gilem.”

Uli Anjam 1:4

E Jon. E na anjam endi neŋgreŋyosim niŋgi tamo uŋgasari qure 7-pelaq dia Yesus aqa ñam qa koroosib loueqnub qaji niŋgi qa qariŋyonum. Niŋgi agi Esia sawaq di unub. Qotei bini unu, nami soqnej, bunuqna bqas qaji a niŋgi qa are tulaŋ boleiyimqa niŋgi are lawo na soqniye. Mondor 7-pela Qotei aqa awo jaram koba namoq di unub qaji naŋgi dego niŋgi qa are tulaŋ boleinjrimqa niŋgi are lawo na soqniye.