Aposel 16:3 - Yesus Aqa Anjam Bole

³ Onaqa Pol a Timoti osim ombla na walwelqajqa marsiqa a osiq muluŋ waiyej. Di kiyaqa? Juda tamo uŋgasari sawa dia soqneb qaji naŋgi endegsib qalieeb, “Timoti aqa siqali a Grik qaji tamo.” Naŋgi degsib qalieeb deqa Pol na Timoti osiq muluŋ waiyej.

Aposel 16:3 Iomraidhean Croise

Aposel 15:20

Iga anjam qujai endegsim neŋgreŋyosim naŋgoq qariŋyqom, ‘O was qu, niŋgi na qotei gisaŋ atrainjro qaji iŋgi bei uyaib. Niŋgi sambala kumbra yaib. Wagme sil na kakoro tontnjrnab moreŋeb qaji di niŋgi uyaib. Wagme leŋ ti dego uyaib.’ Iga anjam qujai di neŋgreŋyosim sawa bei bei qaji tamo naŋgoq qariŋyqom.

Aposel 15:37

Onaqa Barnabas na Pol minjej, “Di kere. Iga Jon olo osim iga koba na gilqom.” Jon aqa ñam bei Mak.

Aposel 15:40

Ariya Pol a Sailas osiqa ombla na wauqa gileb. Tamo Koba Qotei na naŋgi aiyel aqaryainjrim siŋgila na wauqajqa deqa Yesus aqa tamo uŋgasari naŋgi na naŋgi aiyel qa Qotei pailyosib naŋgi aiyel qariŋnjrnab gileb.

1 Korin 7:19

Niŋgi muluŋ aieb kio niŋgi muluŋ aiosai kio di laŋa. Ariya niŋgi Qotei aqa dal anjam dauryqab di kumbra bole utru ti.

1 Korin 9:20

Deqa e Juda naŋgo sorgomq di sosimqa e naŋgo kumbra dauryoqnsim dena e na naŋgi are bulyetnjreqnam naŋgi Kristus aqaq beqnub. Tamo naŋgi Moses aqa dal anjam aqa sorgomq di unub qaji naŋgi dego e na oqajqa deqa e naŋgo kumbra dauryoqnsim dal anjam aqa sorgomq di sobulejunum. Bole, e segi dal anjam aqa sorgomq di sosai. Ariya e naŋgo kumbra di dauryoqnsiy dena e na naŋgi are bulyetnjroqnit naŋgi Kristus aqaq bqajqa deqa are qalsim dal anjam aqa sorgomq di sobulejunum.

Galesia 2:3

Bati deqa Taitus a e ombla soqnej. Taitus a Grik qaji tamo. Ariya Kristen gate naŋgi e na Taitus osiy muluŋ waiyqa merbosai.

Galesia 2:8

Od, Qotei na Pita siŋgila yej deqa a Juda tamo muluŋ uneqnub qaji naŋgo ambleq di wauoqnsiqa Kristus aqa anjam bole minjre minjre laqnu. Dego kere Qotei na e dego siŋgila ebej deqa e sawa bei bei qaji tamo naŋgo ambleq di wauoqnsimqa Kristus aqa anjam bole minjre minjre laqnum.

Galesia 5:6

Tamo a Kristus Yesus beteryesqas di a marqas, iga muluŋ aiqom di laŋa. Iga muluŋ aiqasai di dego laŋa. Ariya iga Kristus qa gago areqalo siŋgilatosim dena iga qalaqalaiyo kumbra dauryoqnqom di kumbra bole utru ti.

Filipai 2:22

Timoti aqa kumbra tulaŋ boledamu di niŋgi qalie. Niŋgi qalie, a na e aqaryaiboqnsiqa Yesus aqa anjam bole mare mare laqnu. Aŋgro naŋgi na naŋgo abu naŋgi aqaryainjreqnub dego kere Timoti a na e aqaryaibeqnu.