Aposel 16:16 - Yesus Aqa Anjam Bole

¹⁶ Ariya bati bei iga olo pailyo sawaq aieqnamqa kaŋgal uŋa bei bosiqa gamq di iga itgej. Uŋa di a mondor uge ti soqnej. Mondor uge dena kumbra bunuqna branteleŋqas qaji di ubtsiq minjeqnaqa a quoqnsiqa tamo qudei naŋgi kamba minjreqnaqa naŋgi quoqnsib a silali koba yeqnab osi giloqnsiqa aqa tamo kokba naŋgo baŋq di atoqnej.

Aposel 16:16 Iomraidhean Croise

Aposel 16:13

Onaqa Juda naŋgo yori bationaqa iga qure polomq aisim ya qalaq di brantem. Iga are qalem, “Ya qalaq di Juda naŋgo pailyo sawa unu kio?” Degosim aiem. Aisim uŋgasari qudei dia koroesonab naŋgi itnjrsimqa naŋgi koba na awoosim Qotei aqa anjam minjroqnem.

Aposel 16:18

Bati gargekoba uŋa dena anjam degsi maroqnsiq iga daurgoqnej. Onaqa bati bei Pol a uŋa deqa minjiŋ oqnaqa bulosiqa mondor uge di minjej, “E Yesus Kristus aqa ñam na ni mermonum, ni uŋa di uratosim ulaŋ.” Degsi minjnaqa mondor uge dena uŋa di uratosiq ulaŋej.

Aposel 16:19

Onaqa uŋa di aqa tamo kokba naŋgi silali oqajqa gam saiinjrnaqa di unsibqa Pol wo Sailas wo naŋgi qa minjiŋ oqetnjrnaqa ojsib koro sawaq joqsib gilsib Rom gate kokba naŋgo ulatamuq dia tigeltnjreb. Tigeltnjrsibqa naŋgo aiyel jejamu laŋa gisaŋnjrsib Rom gate kokba naŋgi endegsib minjreb, “Tamo aiyel naŋgi endena iga tamo uŋgasari qure endia unum qaji gulube koba egeqnub. Naŋgi aiyel Juda tamo.

Aposel 19:24

Naŋgo ŋiriŋ aqa utru agiende. Tamo bei aqa ñam Demitrius a Efesus qureq di soqnej. A silva na iŋgi iŋgi gereiyo qaji tamo. A na gisaŋ qotei bei aqa ñam Artemis aqa atra tal sigitoqnsiqa atra tal sulum kiñilala silva na gereiyeqnaqa tamo naŋgi silali na awaiyeqnabqa a ti aqa wau qujai naŋgi ti dena silali koba oqneb.

Galesia 5:20

gisaŋ qotei qa louoqa, gumaniŋoqa, was bei jeutoqa, ŋiriŋoqa, was bei aqa iŋgi iŋgi qa maulyoqa, minjiŋ oqoqa, are ugeoqa, ino segi jejamu qa are qalsim anjam na qotoqa, was naŋgi potoaiyeltnjroqa,

1 Timoti 6:10

Tamo deqaji naŋgi silali koba oqajqa tulaŋ arearetnjreqnu. Naŋgo kumbra di agi kumbra uge uge kalil naŋgo utru. Kumbra dena tamo qudei naŋgi titnjreqnaqa naŋgi Yesus qa naŋgo areqalo siŋgilatqa uratoqnsib gulube gargekoba iteqnub.

2 Timoti 3:8

Nami Janes wo Jambres wo naŋgi aiyel Moses jeutoqneb. Dego kere bini gisaŋ tamo naŋgi di dego Qotei aqa anjam bole jeuteqnub. Naŋgo areqalo tulaŋ niñaqejunu. Naŋgi Qotei qa naŋgo areqalo siŋgilaboletosai.

2 Pita 2:3

Tamo naŋgi di mamaul ani. Deqa naŋgi na bosib gisaŋ anjam gargekoba niŋgi merŋgoqnsib dena nuŋgo silali iŋgi iŋgi yaiŋgoqnqab. Ariya tulaŋ nami Qotei na tamo naŋgi di peginjrqa bati atsiqa naŋgi qa endegsi marej, “E na tamo naŋgi di padaltnjrougetqai.” Od, tamo naŋgi di bole padalqab. Qotei a naŋgo padalqa bati qa tariŋeqnu.