Aposel 16:15 - Yesus Aqa Anjam Bole

¹⁵ Deqa tamo uŋgasari Lidia aqa talq di soqneb qaji naŋgi ti Lidia a ti yanso eb. Onaqa Lidia na iga mergej, “E are bulyosim Tamo Koba Yesus qa ijo areqalo siŋgilatonum niŋgi bole edegosib bosib ijo talq endia iga koba na sqom.” Lidia a tulaŋ siŋgilaej deqa iga aqa talq dia a ombla na soqnem.

Aposel 16:15 Iomraidhean Croise

Matyu 10:41

Tamo bei a endegsi are qalqas, ‘Tamo di a Qotei aqa medabu o qaji tamo bei. Deqa e na a aqaryaiyqai.’ A degsi are qalsimqa tamo di osim aqa talq di gereiyqas di Qotei na kamba awai bole a yqas. Di kiyaqa? A Qotei aqa medabu o qaji tamo gereiyqo deqa. Tamo bei a endegsi are qalqas, ‘Tamo di a Qotei aqa anjam dauryeqnu qaji tamo bole. Deqa e na a aqaryaiyqai.’ A degsi are qalsimqa tamo di osim aqa talq di gereiyqas di Qotei na kamba awai bole yqas. Di kiyaqa? A na Qotei aqa anjam dauryeqnu qaji tamo bole gereiyqo deqa.

Matyu 3:6

Boqnsibqa naŋgo une kalil palontekriteqnab Jon na Jordan yaq di yansnjroqnej.

Luk 14:23

“Onaqa goio lanja na olo aqa kaŋgal tamo qariŋyosiqa minjej, ‘Ni aisim gam kalilq dena ti nañuq dena ti tamo naŋgi joqsim au. Naŋgi kalil babqa ijo tal magwas.

Aposel 16:31

Onaqa naŋgi aiyel na minjeb, “Ni Tamo Koba Yesus qa ino areqalo siŋgilatime. Yimqa Qotei na ni ti tamo uŋgasari kalil ni ombla tal qujaiq di unub qaji naŋgi ti oqas.”

Aposel 16:33

Onaqa qolo qujai deqa tonto tal taqato tamo a na naŋgi aiyel joqsiqa naŋgo jejamuq di yu yansetnjrej. Osiqa tamo uŋgasari kalil a ombla tal qujaiq di soqneb qaji naŋgi koba na are bulyosib Yesus qa naŋgo areqalo siŋgilateb. Osib naŋgi yanso eb.

Aposel 16:34

Onaqa tonto tal taqato tamo a na naŋgi aiyel joqsiqa aqa talq dia warum bei miligiq gilsib iŋgi anainjrej. A ti tamo uŋgasari kalil a ombla tal qujaiq di soqneb qaji naŋgi ti tulaŋ areboleboleinjrej. Di kiyaqa? Naŋgi are bulyosib Qotei qa naŋgo areqalo siŋgilateb deqa.

Aposel 18:8

Bati deqa Qotei tal taqato tamo aqa ñam Krispus a ti tamo uŋgasari kalil a ombla tal qujaiq di soqneb qaji naŋgi ti Pol aqa anjam qusib are bulyosib Tamo Koba Yesus qa naŋgo areqalo siŋgilateb. Korin tamo uŋgasari tulaŋ gargekoba naŋgi dego Pol aqa anjam qusib Yesus qa naŋgo areqalo siŋgilatosib yanso eb.

Aposel 8:12

Ariya Qotei a tamo uŋgasari naŋgo Mandor Koba sosiq naŋgi taqatnjreqnu anjam bole di Filip a palontoqnsiqa Yesus Kristus aqa ñam mare mare laqnaqa tamo uŋgasari gargekoba naŋgi quoqnsib are bulyoqnsib Yesus qa naŋgo areqalo siŋgilatoqneb. Degyeqnabqa Filip a na naŋgi yansnjroqnej.

Aposel 8:38

Degsi minjsiqa aqa karis tigeltosiq naŋgi aiyel mandamq aisib Filip na a osiq yaq aisiq yansej.

Rom 16:23

Gaius a na dego niŋgi kaiyeiŋgwo. A na e osiqa aqa segi talq dia e geregereibeqnu. Osiqa Kristen tamo uŋgasari kalil endia unub qaji naŋgi dego geregereinjreqnu. Erastus wo gago was Kwartus wo naŋgi aiyel dego niŋgi kaiyeiŋgonub. Erastus a na Korin qure naŋgo silali taqateqnu.

2 Korin 12:11

Anjam e mareqnum endi nanari anjam. Di nuŋgo une. Agi niŋgi na ijo areqalo tigeltetbeqnub deqa e nanari anjam endi mareqnum. Niŋgi ijo kumbra bole qa marqa kere. Ariya niŋgi marqa urateqnub. Deqa e segi ijo kumbra bole qa mareqnum. Bole, e tamo bolesai. Ariya niŋgi na olo tamo qudei naŋgo ñam soqtoqnsib mareqnub, “Tamo naŋgi di Qotei aqa wau tamo bolequja.” Ariya tamo naŋgi dena e buŋbosai.

2 Korin 5:14

Kristus a na iga tulaŋ qalaqalaigej. Aqa kumbra dena a gago areqalo tigeltetgej deqa iga waueqnum. Di kiyaqa? Iga qalieonum, tamo qujai Yesus a gago kalil qa sawa osiq moiej deqa iga kalil dego moreŋem.

Galesia 6:10

Deqa bati soqnimqa iga na tamo kalil naŋgi kumbra bole bole enjroqnqom. Ariya iga na olo Kristus aqa tamo uŋgasari naŋgi kumbra tulaŋ boledamu enjrqajqa siŋgilaoqnqom.

Efesus 1:1

E Pol. Kristus Yesus na e qariŋbej deqa e aqa anjam marsim laqnum. Qotei aqa segi areqalo na e merbej, “Ni ijo Aŋgro Yesus aqa anjam marsim laqne.” Onaqa e Qotei aqa areqalo di dauryosim agi e Yesus aqa anjam marsim laqnum. E na anjam endi neŋgreŋyosim niŋgi tamo uŋgasari Efesus qureq di unub qaji niŋgi qa qariŋyonum. Niŋgi Qotei aqa segi tamo uŋgasari tiŋtiŋ unub. Niŋgi Kristus Yesus geregere dauryeqnub.

Filipai 1:7

Niŋgi ijo are miligiq di unub deqa e kere niŋgi qa degsim are qaleqnum. E tonto talq endi sqai kio e Kristus aqa anjam bole siŋgilatoqnsiy laqnqai kio di uŋgum. Qotei a e qa are tulaŋ boleiyosiq wau ebej deqa niŋgi kalil e beterbosib e ti koba na Qotei aqa wau ojeqnum.

Filemon 1:17

Deqa e ni ombla Kristus aqa wau ojeqnum ni degsi unsimqa ariya ni na Onesimus a olo osim geregereiyoqne. Agi ni na e oqnsim geregereibeqnum dego kere.

Hibru 13:2

Qure bei qaji tamo naŋgi nuŋgo meq boqnib niŋgi na oqnsib geregereinjroqniye. Kumbra di niŋgi urataib. Niŋgi qalie, nami qure bei qaji tamo naŋgi nuŋgo moma qudei naŋgo meq beqnab tamo bole ede-goqnsib geregereinjroqneb. Ariya naŋgi tamo sai. Naŋgi Qotei aqa laŋ aŋgro. Nuŋgo moma naŋgi are qaleb, naŋgi tamo naŋgi gereinjreb. Di sai. Naŋgi laŋ aŋgro naŋgi gereinjreb.

1 Pita 5:12

Anjam truquyala endi Sailas na e aqaryaibosiqa neŋgreŋyosiq niŋgi qa qariŋyqo. E qalieonum, Sailas a gago Kristen was bole. O was qu, Qotei a niŋgi qa are tulaŋ boleiyeqnu. E segi qalieo-num, Qotei a bati gaigai aqa kumbra di niŋgi osorŋgeqnu. E aqa kumbra deqa osim anjam endi neŋgreŋyonum. Deqa ijo anjam endena e na nuŋgo are tigeltetŋgitqa niŋgi siŋgila na tigelesoqniye.

2 Jon 1:10

Tamo bei a niŋgi qa bosim ariya a Kristus aqa anjam ti bqasai di niŋgi a baŋ ojaib. Niŋgi a osib nuŋgo talq osi gilaib.

3 Jon 1:5

O ijo was bole, ni anjam bole dauryoqnsim Kristen was naŋgi geregereinjreqnum. Osim tamo qudei naŋgo ulatamu ni qaliesai qaji naŋgi dego ni na geregereinjreqnum. Di ni kere yeqnum.

3 Jon 1:8

Deqa iga na tamo deqaji naŋgi aqaryainjroqnqom. Iga degyqom di iga naŋgi koba na wau qujai sosim Qotei aqa anjam bole siŋgilatoqnqom.