Aposel 15:3 - Yesus Aqa Anjam Bole

³ Naŋgi degsib anjam keretosib naŋgi qariŋnjrnab aieb. Naŋgi aioqnsibqa Fonisia sawa ti Samaria sawa ti dia Kristen tamo uŋgasari naŋgi itnjroqnsibqa endegsib minjroqneb, “Qotei na sawa bei bei qaji tamo uŋgasari naŋgi dego are bulyetnjreqnu.” Degsib minjreqnab naŋgi quoqnsib tulaŋ areboleboleinjroqnej.

Aposel 15:3 Iomraidhean Croise

Luk 15:32

Ariya bini iga maruro atsimqa areboleboleigeqnu. Di kiyaqa? Ino was a moiobulosiq agi olo ŋambile sosiq bqo deqa. A loumej agi gagoq di olo brantqo.’”

Aposel 1:15

Bati bei tamo uŋgasari 120 Yesus qa naŋgo areqalo siŋgilateb qaji naŋgi koroosib sonabqa Pita a naŋgo ambleq di tigelosiqa minjrej,

Aposel 13:48

Onaqa sawa bei bei qaji tamo naŋgi Pol aqa anjam di qusibqa naŋgi tulaŋ areboleboleinjrnaqa Tamo Koba Yesus aqa anjam biŋiyeb. Deqa qure dia tamo uŋgasari kalil Qotei na nami ŋambile gaigai sqajqa giltnjrej qaji naŋgi are bulyosib Yesus qa naŋgo areqalo siŋgilateb.

Aposel 13:52

Bati deqa Antiok qureq dia Qotei aqa Mondor a tamo uŋgasari Yesus qa naŋgo areqalo siŋgilateb qaji naŋgo are miligiq aioqnsiqa naŋgi siŋgilatnjreqnaqa naŋgi tulaŋ areboleboleinjroqnej.

Aposel 14:27

Aisib Yesus aqa tamo uŋgasari naŋgi koroinjrsibqa naŋgi aiyel qure qureq dia laqnsibqa Qotei na naŋgi aqaryainjreqnaqa naŋgi kumbra kalil yoqneb qaji deqa naŋgi sainjroqneb. Sainjroqnsib endegsib minjroqneb, “Qotei na sawa bei bei qaji tamo naŋgi dego gam waqtetnjreqnaqa naŋgi are bulyoqnsib Yesus qa naŋgo areqalo siŋgilateqnub.”

Aposel 15:1

Bati bei Yesus aqa tamo uŋgasari Jerusalem qureq di soqneb qaji naŋgo ambleq na Juda tamo qudei naŋgi tigelosib Judia sawa uratosib walwelosib Antiok qureq gileb. Gilsib dia Kristen tamo uŋgasari naŋgi endegsib minjreb, “Niŋgi Moses aqa dal anjam dauryosib muluŋ unqab di Qotei a niŋgi oqas. Niŋgi muluŋ unqasai di Qotei a niŋgi oqasai.”

Aposel 15:12

Pita a na naŋgi anjam degsi minjrnaqa naŋgi kalil aqa anjam di qusibqa naŋgi mequmesoqneb. Onaqa Barnabas wo Pol wo naŋgi kamba tigelosib Qotei na nami naŋgi aiyel siŋgilatnjreqnaqa naŋgi sawa bei bei qaji tamo naŋgo ambleq dia maŋwa gargekoba yoqneb deqa naŋgi sainjrnab queb.

Aposel 15:22

Jems a na naŋgi kalil anjam degsi minjrnaqa Yesus aqa aŋgro 12-pela naŋgi ti Kristen gate kokba ti Yesus aqa tamo uŋgasari kalil naŋgi ti anjam di qusib kereonaq koba na gereiyeb. Gereiyosib naŋgo ambleq dena tamo aiyel giltnjreb. Tamo aiyel di qariŋnjrib Pol wo Barnabas wo daurnjrsib Antiok qureq aisib anjam gereiyeb qaji di Yesus aqa tamo uŋgasari Antiok qureq di soqneb qaji naŋgi deqa sainjrqajqa giltnjreb. Tamo aiyel giltnjreb qaji naŋgo ñam Judas aqa ñam bei Barsabas wo Sailas wo. Naŋgi aiyel Kristen gate kokba soqneb.

Aposel 15:32

Judas wo Sailas wo naŋgi Qotei aqa medabu o qaji tamo. Deqa naŋgi aiyel anjam olekoba Yesus aqa tamo uŋgasari naŋgi minjrnab qunabqa anjam dena naŋgo are siŋgilatetnjrej.

Aposel 15:4

Ariya naŋgi aisib Jerusalem qureq di brantonabqa Yesus aqa tamo uŋgasari kalil naŋgi ti Yesus aqa aŋgro 12-pela naŋgi ti Kristen gate kokba ti naŋgi na minjreb, “Niŋgi kere bonub. Bonub degamqa niŋgi sawa bei beiq dia Qotei aqa anjam qa wauoqneb deqa iga saigib iga quqwom.” Onaqa Pol wo Barnabas wo Qotei na siŋgilatnjreqnaqa sawa bei beiq dia wau kalil yoqneb qaji deqa naŋgi sainjrnab queb.

Aposel 17:15

Tamo naŋgi Pol suweiyeb qaji naŋgi a osib koba na torei Atens qureq aieb. Aisib Atens qureq dia naŋgi Pol uratosib olo puluqa laqnabqa Pol na minjrej, “Niŋgi puluosib gilsib Sailas wo Timoti wo naŋgi aiyel minjrib ijoq boqujateb.”

Aposel 20:38

Pol na minjrej, “Niŋgi ijo ulatamu olo unqasai.” Aqa anjam deqa naŋgi are tulaŋ ugeinjrej. Ariya naŋgi na iga suweigonab iga alile aisim naŋgi uratnjrsim qobuŋ gogetosim aiem.

Aposel 21:5

Ariya bati 7-pela koboonaqa iga Pol ombla na qure di uratosim qobuŋ gogetqa marsim alile aiem. Kristen tamo uŋgasari naŋgo aŋgro ti naŋgi na iga suweigosib alile aisim dia iga koba na siŋga pulutosim Qotei pailyem.

Aposel 28:15

Rom dia Kristen tamo qudei naŋgi iga aieqnam di qusibqa gamq dia iga itgwajqa marsib walwelosi beb. Naŋgi beqnabqa iga aioqnsim gam qalaq di koro sawa bei aqa ñam Apius dia naŋgi qudei turem. Olo aisimqa sawa bei aqa ñam Ŋereŋo Tal Qalub dia naŋgi qudei turem. Turosim unjrsimqa Pol a tulaŋ areboleboleiyonaqa Qotei biŋiyosiqa aqa are siŋgilakobaiyej.

Aposel 8:14

Bati deqa Samaria tamo uŋgasari gargekoba naŋgi Qotei aqa anjam osib Yesus qa naŋgo areqalo siŋgilateb. Deqa Yesus aqa aŋgro 12-pela Jerusalem qureq di soqneb qaji naŋgi degsi qusibqa Pita wo Jon wo qariŋnjrnab Samaria naŋgoq gileb. Gilsib Samaria naŋgoq di brantosib naŋgi qa endegsib Qotei pailyeb, “O Abu, ni na Samaria naŋgi ino Mondor enjrime.” Degsib Qotei pailyeb.

Rom 15:24

Deqa e Spen sawaq aiqa osiyqa e mati niŋgi qa bosiy nuŋgsiy niŋgi ti koba na sokiñalayitqa niŋgi iŋgi iŋgi qa aqaryaibibqa e Spen sawaq aiqai.

1 Korin 16:11

Deqa nuŋgo ambleq di tamo bei na Timoti aqa ñam ugetetosim a qoreiyaiq. Ariya a olo niŋgi uratŋgosim walwelqa laqnimqa niŋgi na silali qa aqaryaiyosib lawo na suweiyib a olo e qa bqas. A Kristen was qudei naŋgi koba na e qa bqab deqa e naŋgi qa tariŋoqnqai.

1 Korin 16:6

E niŋgi qa bosiy niŋgi koba na sqai kio. E qaliesai, e bati olekoba niŋgi koba na soqnit ulili bati koboqas kio. Ariya e niŋgi koba na sosiy olo uratŋgsiy sawa beiq gilqa laqnit niŋgi na e silali qa aqaryaibib e gilqai.

Taitus 3:13

Apolos wo dal anjam qalie tamo Senas wo naŋgi aiyel walwelqa laqnibqa ni na iŋgi iŋgi kalil qa aqaryainjrimqa naŋgi gamq dia iŋgi bei qa truquqasai.