Aposel 15:1 - Yesus Aqa Anjam Bole

¹ Bati bei Yesus aqa tamo uŋgasari Jerusalem qureq di soqneb qaji naŋgo ambleq na Juda tamo qudei naŋgi tigelosib Judia sawa uratosib walwelosib Antiok qureq gileb. Gilsib dia Kristen tamo uŋgasari naŋgi endegsib minjreb, “Niŋgi Moses aqa dal anjam dauryosib muluŋ unqab di Qotei a niŋgi oqas. Niŋgi muluŋ unqasai di Qotei a niŋgi oqasai.”

Aposel 15:1 Iomraidhean Croise

Jon 7:22

Ariya niŋgi are qaliye. Moses a na niŋgi muluŋ eŋgej. Onaqa niŋgi yori bati qa nuŋgo aŋgro naŋgi muluŋ breinjreqnub. Bole, Moses a muluŋ qa utru sai. Nuŋgo moma naŋgi muluŋ qa utru.

Aposel 1:15

Bati bei tamo uŋgasari 120 Yesus qa naŋgo areqalo siŋgilateb qaji naŋgi koroosib sonabqa Pita a naŋgo ambleq di tigelosiqa minjrej,

Aposel 15:22

Jems a na naŋgi kalil anjam degsi minjrnaqa Yesus aqa aŋgro 12-pela naŋgi ti Kristen gate kokba ti Yesus aqa tamo uŋgasari kalil naŋgi ti anjam di qusib kereonaq koba na gereiyeb. Gereiyosib naŋgo ambleq dena tamo aiyel giltnjreb. Tamo aiyel di qariŋnjrib Pol wo Barnabas wo daurnjrsib Antiok qureq aisib anjam gereiyeb qaji di Yesus aqa tamo uŋgasari Antiok qureq di soqneb qaji naŋgi deqa sainjrqajqa giltnjreb. Tamo aiyel giltnjreb qaji naŋgo ñam Judas aqa ñam bei Barsabas wo Sailas wo. Naŋgi aiyel Kristen gate kokba soqneb.

Aposel 15:23

Yesus aqa tamo uŋgasari Jerusalem qureq di soqneb qaji naŋgi na anjam di neŋgreŋyosib naŋgi aiyel enjrnabqa Antiok qureq osi aieb. Naŋgi na anjam endegsib neŋgreŋyeb, “O Yesus aqa tamo uŋgasari kalil Antiok qureq di unub qaji, kaiye. Iga na anjam endi neŋgreŋyosim niŋgi qa qariŋyonum. Iga nuŋgo Kristen was. Iga Yesus aqa aŋgro 12-pela iga ti Kristen gate kokba iga ti anjam endi neŋgreŋyosim niŋgi qa qariŋyonum. Sawa bei bei qaji tamo Antiok qure ti Siria sawa ti Silisia sawa ti dia unub qaji niŋgi qa anjam endi qariŋyonum.

Aposel 15:24

Iga nami anjam endegsi quem. Tamo qudei naŋgi gago ambleq na tigelosib nuŋgoq gilsib naŋgo segi areqalo na anjam bei merŋgsib dena nuŋgo areqalo niñaqyetŋgeb. Tamo naŋgi di iga na qariŋnjrosai.

Aposel 15:3

Naŋgi degsib anjam keretosib naŋgi qariŋnjrnab aieb. Naŋgi aioqnsibqa Fonisia sawa ti Samaria sawa ti dia Kristen tamo uŋgasari naŋgi itnjroqnsibqa endegsib minjroqneb, “Qotei na sawa bei bei qaji tamo uŋgasari naŋgi dego are bulyetnjreqnu.” Degsib minjreqnab naŋgi quoqnsib tulaŋ areboleboleinjroqnej.

Aposel 15:32

Judas wo Sailas wo naŋgi Qotei aqa medabu o qaji tamo. Deqa naŋgi aiyel anjam olekoba Yesus aqa tamo uŋgasari naŋgi minjrnab qunabqa anjam dena naŋgo are siŋgilatetnjrej.

Aposel 15:5

Naŋgi kalil qusibqa tamo qudei nami Farisi naŋgo ambleq di soqneb qaji naŋgi tigelosib mareb, “Sawa bei bei qaji tamo naŋgi Yesus qa naŋgo areqalo siŋgilatqa osib muluŋ dego unsib Moses aqa dal anjam dauryoqnqab di kere. Naŋgi Yesus qa naŋgo areqalo laŋa siŋgilatqab di keresai.”

Aposel 21:20

Onaqa naŋgi Pol aqa anjam di qusibqa naŋgi tulaŋ areboleboleinjrnaqa Qotei aqa ñam soqteb. Osib Pol minjeb, “O gago was Pol, ni qalie, Juda tamo uŋgasari tulaŋ gargekoba naŋgi are bulyoqnsibqa Yesus qa naŋgo areqalo siŋgilateqnub. Naŋgi Moses aqa dal anjam dauryqajqa dego tulaŋ siŋgilaeqnub.

Aposel 6:14

Bati bei a endegsi marnaq iga quem, ‘Yesus Nasaret qaji a na atra tal endi niñaqyosim Moses aqa dal anjam iga nami egej qaji di dego kobotosim dal anjam bunuj egwas.’”

Galesia 2:1

Ariya wausau 14 koboonaqa e olo Jerusalem aiem. E Barnabas ombla aioqnsim Taitus dego osi aiem.

Galesia 5:6

Tamo a Kristus Yesus beteryesqas di a marqas, iga muluŋ aiqom di laŋa. Iga muluŋ aiqasai di dego laŋa. Ariya iga Kristus qa gago areqalo siŋgilatosim dena iga qalaqalaiyo kumbra dauryoqnqom di kumbra bole utru ti.

Galesia 6:12

Niŋgi quiye. Tamo naŋgi niŋgi muluŋ breiŋgwa siŋgilaeqnub qaji naŋgi ñam koba ti sqajqa deqa yeqnub. Naŋgi tamo naŋgi qa ulaoqnsib deqa endegsib are qaleqnub, “Iga Kristus aqa ŋamburbas qa anjam gago areqaloq di siŋgilatimqa tamo naŋgi di unsib iga ugeugeigaib deqa iga na tamo naŋgi muluŋ breinjrqom.” Naŋgi degsib are qaleqnub.

Kolosi 2:16

Deqa tamo bei na nuŋgo jejamuq di anjam qametŋgaiq. Osim iŋgi uyo qa ti ya uyo qa ti yori bati getento qa ti bai qala bunuj qa ti niŋgi merŋgaiq.

Kolosi 2:8

O was qu, niŋgi geregere ŋam atsib soqniye. Tamo qudei naŋgi bosib naŋgo segi powo na ti gisaŋ anjam na ti nuŋgo areqalo bulyetŋgosib niŋgi naŋgo anjam dauryqajqa walawala-iŋgoqnqab. Deqa niŋgi naŋgo anjam di dauryaib. Tamo naŋgi di naŋgo moma naŋgi ti mondor uge uge laŋ ti mandam ti taqatejunub qaji naŋgi ti naŋgo anjam dauryeqnub. Naŋgi Kristus aqa areqalo dauryosaieqnub.