Aposel 14:21 - Yesus Aqa Anjam Bole

²¹ Naŋgi aiyel Derbe qureq di sosib Yesus aqa anjam bole plalteqnabqa tamo uŋgasari tulaŋ gargekoba naŋgi qusib are bulyoqnsib Yesus qa naŋgo areqalo siŋgilatoqneb. Bunuqna naŋgi aiyel olo puluosib qure kalil naŋgi nami laqneb qaji deq olo giloqneb. Listra qure ti Aikoniam qure ti Antiok qure ti deq giloqneb.

Aposel 14:21 Iomraidhean Croise

Matyu 28:19

Deqa niŋgi walwelosib sawa sawa kalil keretoqnsibqa tamo uŋgasari kalil naŋgi ijo anjam minjroqnsib laqniye. Minjroqnibqa naŋgi ijo anjam quoqnsib dauryoqnsibqa ijo segi aŋgro bole sqab. Deqa niŋgi na ijo Abu aqa ñam na ti e Qotei aqa Ŋiri ijo segi ñam na ti Qotei aqa Mondor Bole aqa ñam na ti naŋgi yansnjroqniye.

Aposel 13:14

Onaqa Pol wo Barnabas wo naŋgi Perga qure uratosib siŋga na walwelosib Pisidia sawaq gilsib Antiok qureq di branteb. Brantosib di sonabqa yori batiej. Deqa naŋgi Juda naŋgo Qotei tal miligiq gilsib awoonabqa Juda gate kokba naŋgi tigelosib Moses aqa dal anjam ti Qotei aqa medabu o qaji tamo naŋgo anjam ti sisiyoqneb. Sisiyosib koboonaqa naŋgi na Pol wo Barnabas wo minjreb, “O gago was aiyel, niŋgi gagoq bonub deqa tamo uŋgasari naŋgo are siŋgilatetnjrqajqa anjam bei soqnimqa tigelosib mariye.”

Aposel 13:51

Deqa naŋgi aiyel naŋgo siŋga tumbrum butuyosib Antiok qure uratosib Aikoniam qureq aieb. Naŋgo aiyel kumbra di Antiok tamo uŋgasari naŋgi unsib naŋgo segi une qalieqajqa deqa naŋgi aiyel kumbra di yeb.

Aposel 14:1

Ariya Pol wo Barnabas wo naŋgi Aikoniam qureq di brantosib Juda naŋgo Qotei tal miligiq gileb. Gilnabqa tamo uŋgasari naŋgi koroesonabqa tigelosib Qotei aqa anjam palontosib minjroqneb. Minjreqnabqa tamo uŋgasari tulaŋ gargekoba Juda ti Grik ti naŋgo aiyel anjam dena are qametnjrnaqa naŋgi are bulyosib Yesus qa naŋgo areqalo siŋgilateb.

Aposel 14:15

“O tamo uŋgasari, niŋgi kiyaqa kumbra endi yeqnub? Aqo aiyel mandam tamo, niŋgi ti kere. Aqo aiyel na Yesus Kristus aqa anjam bole niŋgi merŋgeqnum. Niŋgi are bulyosib qotei gisa gisaŋ endi torei uratosib Qotei ŋambile gaigai unu qaji a qa nuŋgo areqalo siŋgilatqajqa deqa aqo aiyel na Yesus Kristus aqa anjam bole niŋgi merŋgeqnum. Qotei agi a na laŋ ti mandam ti yuwal ti iŋgi iŋgi kalil ti gereiyej.

Aposel 14:19

Onaqa Juda tamo qudei naŋgi Antiok dena ti Aikoniam dena ti walwelosib Listra qureq beb. Bosib dia tamo uŋgasari naŋgo are ugetetnjrnabqa naŋgi tigelosib Pol meniŋ na qaleb. Osib a giriŋyosib gilsib qure qalaq di ateb. Naŋgi are qaleb, “A moiqo.”

Aposel 14:26

Aisib dena qobuŋ gogetosib aisib Antiok qure agi nami naŋgi aiyel dena tigelosib walweleb qaji di olo branteb. Dia nami Yesus aqa tamo uŋgasari naŋgi koroosib Qotei na naŋgi aiyel aqaryainjrim siŋgila na wauoqnqajqa deqa Qotei pailyosib naŋgi aiyel qariŋnjrnab gileb. Ariya naŋgi aiyel wau di kobotosib puluosib qure deq olo aieb.

Aposel 14:6

Degsib mareqnabqa naŋgi aiyel qusibqa jaraiosib Likonia sawaq gileb. Gilsib sawa dia Listra qure ti Derbe qure ti qure qudei dego naŋgoq di brantoqneb.

Aposel 14:7

Brantoqnsib dia Yesus aqa anjam bole naŋgi minjre minjre laqneb.

Aposel 14:8

Ariya Listra qureq dia tamo bei ai miligiq na siŋga qandamo ŋambabej qaji soqnej. A nami walwelosaioqnej. Aqa siŋga siŋgila saiqoji. Awogaigaisoqnej.

Aposel 15:36

Onaqa bati bei Pol na Barnabas minjej, “Aqo aiyel nami qure qureq walweloqnsimqa Tamo Koba Qotei aqa anjam plaltosim minjroqnem. Deqa iga qure kalil deq olo gilsimqa Yesus aqa tamo uŋgasari naŋgi olo unjrqom. Naŋgi kiersi unub kio di unjrqom.”

Aposel 16:2

Listra qure ti Aikoniam qure ti dia Yesus aqa tamo uŋgasari naŋgi maroqneb, “Timoti a tamo bolequja.”

2 Timoti 3:11

Ni qalie, Antiok qure ti Aikoniam qure ti Listra qure ti dia jeu tamo naŋgi na e kumbra uge uge ebeqnabqa e jaqatiŋ koba oqnem. Qure dia kumbra uge kalil e qa brantoqnej qaji di ni qalie. Ariya bati deqa Tamo Koba Qotei na e aqaryaiboqnsiqa gulube kalilq dena e oqnsiq taqal atoqnej. Deqa bini e bole unum.