Aposel 14:16 - Yesus Aqa Anjam Bole

¹⁶ Bole, nami Qotei na sawa bei bei qaji tamo naŋgi uratnjreqnaqa naŋgi naŋgo segi areqalo dauryosib laqneb.

Aposel 14:16 Iomraidhean Croise

Aposel 17:30

“Nami tamo naŋgi nanari soqneb. Naŋgi Qotei qaliesai. Deqa naŋgi qotei gisa gisaŋ naŋgo sulum gereinjroqnsib biŋinjroqneb. Bati di Qotei a naŋgo kumbra di unsiqa unosaibulosiqa naŋgi kambatnjrosaioqnej. Ariya bini Qotei na tamo uŋgasari kalil sawa sawa kalilq di unub qaji naŋgi endegsi minjreqnu, ‘Niŋgi are bulyosib kumbra uge uge di uratiye.’

Rom 1:28

Naŋgi Qotei aqa sorgomq di sqajqa are qalosaieqnub deqa Qotei a na naŋgi uratnjreqnaqa naŋgi naŋgo segi areqalo uge uge dauryoqnsib kumbra uge uge yeqnub.

Rom 3:25

Agi Qotei a endegsi are qalej. A na Yesus qariŋyim a bosim moiim aqa leŋ aisim tamo uŋgasari kalil a qa naŋgo areqalo siŋgilateqnub qaji naŋgo une taqal waiysim aqa minjiŋ kobotqas. Kumbra dena a na iga tamo bole une saiqoji qa mergej. Aqa kumbra di a na iga osorgej. Nami Qotei a tamo naŋgi are bulyqajqa deqa marsiq naŋgi qa tariŋoqnsiqa naŋgo une qa urur kambatnjrosaioqnej.

Efesus 2:12

bati deqa niŋgi Kristus aqaq di sosai. Niŋgi isaq di soqneb. Niŋgi Israel tamo uŋgasari naŋgi ti sosai dego. Qotei na Israel naŋgi iŋgi bole bole enjrqa minjrsiqa aqa anjam di siŋgilatosiq soqnej. Ariya anjam di a na niŋgi merŋgosai. Deqa iŋgi bole bole mondoŋ brantqas qaji deqa niŋgi tariŋosaioqneb. Niŋgi mandamq endia laŋa Qotei qaliesai soqneb.

1 Pita 4:3

Niŋgi nami nuŋgo areqalo namij na walweloqnsib kumbra uge uge sawa bei bei qaji tamo naŋgi yqajqa tulaŋ arearetnjreqnu qaji di yoqneb. Sawa bei bei qaji tamo naŋgo kumbra uge agiende. Naŋgi sambala kumbra yeqnub. Osib kumbra uge uge yqajqa are prugnjreqnu. Qolo jigeeqnaqa naŋgi ya uge uyoqnsib alaŋkobai-yoqnsibqa nanarioqnsib laqnub. Osib Qotei aqa dal anjam gotraŋyoqnsib gisaŋ qotei naŋgi biŋinjreqnub.