Aposel 13:9 - Yesus Aqa Anjam Bole

^9-10 A degsi are qalsiqa naŋgo aiyel anjam gegentoqnej. Onaqa Qotei aqa Mondor a Sol aqa ñam bei Pol aqa miligiq aisiq siŋgila yonaqa a na quñam tamo di koqyosiq minjej, “Ni Satan aqa aŋgro. Ni na kumbra bole kalil jeutsi laqnum. Ni gisa gisaŋ anjam marqajqa ino areqaloq di koba unu. Ni gisa gisaŋ kumbra yqajqa tulaŋ siŋgilaeqnum. Ni na Tamo Koba Qotei aqa anjam bole beltoqnsimqa gisa gisaŋ anjam segi mareqnum. Ino kumbra uge di ni na uratqa keresai.

Aposel 13:9 Iomraidhean Croise

Matyu 10:20

Di kiyaqa? Niŋgi segi na anjam minjrqasai. Nuŋgo Abu aqa Mondor na nuŋgo medabu siŋgilatetŋgim niŋgi anjam marqab.

Mak 3:5

Onaqa Yesus a naŋgi koqnjrej. Naŋgi Yesus aqa anjam quqwajqa are sosai deqa a naŋgi qa are minjiŋ oqej. Osiqa tamo baŋ qandamyej qaji di minjej, “Ni ino baŋ waiy.” Degsi minjnaqa aqa baŋ waiyonaq boleej.

Mak 8:25

Onaqa Yesus na tamo di aqa ŋamdamuq di aqa baŋ olo atnaqa a ŋam atej ŋamdamu bole suwaŋej. A sawa kalil geregere unej.

Luk 20:17

Onaqa Yesus a na tamo uŋgasari naŋgi koqnjrsiqa minjrej, “Qotei aqa anjam bei unu. Naŋgi kiyaqa anjam endi neŋgreŋyeb? Agi anjam endegsib neŋgreŋyeb unu, ‘Tal gereiyo qaji tamo naŋgi na tal aqa ai arqsibqa uge qa marsib taqal waiyeb. Onaqa tal aqa ai di Qotei na olo osiq tumaq di tigeltej unu. Tal aqa ai di tal siŋgilatqajqa deqa tigeltej unu.’

Aposel 2:4

Osiqa naŋgo segi segi are miligiq aisiq meŋ bulyetnjrnaqa naŋgi kalil qure segi segi naŋgo anjam mareleŋoqneb.

Aposel 4:31

Naŋgi degsib Qotei pailyosib koboonaqa tal naŋgi koroesoqneb qaji di reŋgiŋyej. Onaqa Qotei aqa Mondor aisiqa naŋgi siŋgila enjrnaqa naŋgi walwelosib siŋgila na Qotei aqa anjam mare mare laqneb. Naŋgi ulaosai.

Aposel 4:8

Onaqa Qotei aqa Mondor a Pita aqa miligiq aisiq medabu siŋgilatetonaqa a na naŋgi endegsi minjrej, “O Israel gate ti tamo bole bole ti niŋgi ijo anjam endi quiye. Aqo aiyel na tamo siŋga qandamo boletem deqa niŋgi na iga osib nuŋgo ŋamgalaq di tigeltgonub. Tamo di a kiersi boleej deqa niŋgi qalieqa osib nenemgonub.

Aposel 7:55

Bati qujai deqa Qotei aqa Mondor na Stiven siŋgila yonaqa a laŋ goge tarosiqa Qotei aqa riaŋ koba unej. Yesus a Qotei aqa baŋ woq di tigelesonaq unej.