Aposel 13:51 - Yesus Aqa Anjam Bole

⁵¹ Deqa naŋgi aiyel naŋgo siŋga tumbrum butuyosib Antiok qure uratosib Aikoniam qureq aieb. Naŋgo aiyel kumbra di Antiok tamo uŋgasari naŋgi unsib naŋgo segi une qalieqajqa deqa naŋgi aiyel kumbra di yeb.

Aposel 13:51 Iomraidhean Croise

Matyu 10:14

Tamo bei na niŋgi gereiŋgwa uratimqa kio nuŋgo anjam quqwa asgiyimqa kio niŋgi qure di uratqa oqnsib nuŋgo siŋga tumbrum butuyoqniye. Yimqa naŋgi nuŋgo kumbra di unsib poinjrqas, ‘Bole, iga kumbra ugetonum.’

Mak 6:11

Tamo bei na niŋgi gereiŋgwa uratimqa kio nuŋgo anjam quqwa asgiyimqa kio niŋgi qure di uratqa oqnsib nuŋgo siŋga tatal tumbrum butuyoqniye. Yimqa naŋgi nuŋgo kumbra di unsib poinjrqas, ‘Bole, iga kumbra ugetonum.’”

Luk 10:11

‘Qotei a nuŋgo Mandor Koba sosim niŋgi taqatŋgwajqa bati jojomqo degsi merŋgonumqa niŋgi segi na saidosib Qotei qoreiyonub. Deqa nuŋgo qure qa tumbrum gago siŋga qandratqo qaji agi butuyetŋgonum.’ Naŋgi degsib minjroqniye.

Luk 9:5

Tamo naŋgi niŋgi gereiŋgosaiabqa niŋgi qure di uratqa oqnsib nuŋgo siŋga tumbrum butuyoqniye. Yimqa naŋgi nuŋgo kumbra di unsib poinjrqas, ‘Bole, iga kumbra ugetonum.’”

Aposel 14:1

Ariya Pol wo Barnabas wo naŋgi Aikoniam qureq di brantosib Juda naŋgo Qotei tal miligiq gileb. Gilnabqa tamo uŋgasari naŋgi koroesonabqa tigelosib Qotei aqa anjam palontosib minjroqneb. Minjreqnabqa tamo uŋgasari tulaŋ gargekoba Juda ti Grik ti naŋgo aiyel anjam dena are qametnjrnaqa naŋgi are bulyosib Yesus qa naŋgo areqalo siŋgilateb.

Aposel 14:19

Onaqa Juda tamo qudei naŋgi Antiok dena ti Aikoniam dena ti walwelosib Listra qureq beb. Bosib dia tamo uŋgasari naŋgo are ugetetnjrnabqa naŋgi tigelosib Pol meniŋ na qaleb. Osib a giriŋyosib gilsib qure qalaq di ateb. Naŋgi are qaleb, “A moiqo.”

Aposel 14:21

Naŋgi aiyel Derbe qureq di sosib Yesus aqa anjam bole plalteqnabqa tamo uŋgasari tulaŋ gargekoba naŋgi qusib are bulyoqnsib Yesus qa naŋgo areqalo siŋgilatoqneb. Bunuqna naŋgi aiyel olo puluosib qure kalil naŋgi nami laqneb qaji deq olo giloqneb. Listra qure ti Aikoniam qure ti Antiok qure ti deq giloqneb.

Aposel 16:2

Listra qure ti Aikoniam qure ti dia Yesus aqa tamo uŋgasari naŋgi maroqneb, “Timoti a tamo bolequja.”

Aposel 18:6

Degsi minjreqnaqa Juda naŋgi Pol aqa anjam di qusib gotraŋyoqnsib Pol misiliŋyoqneb. Deqa Pol a na aqa segi gara jugo tumbrum butuyosiqa minjrej, “Niŋgi padalqab di nuŋgo segi une na niŋgi padalqab. Ijo une na sai. Deqa bini e niŋgi uratŋgsiy sawa bei bei qaji tamo naŋgoq giloqnsiyqa Yesus aqa anjam naŋgi segi minjroqnqai.”

2 Timoti 3:11

Ni qalie, Antiok qure ti Aikoniam qure ti Listra qure ti dia jeu tamo naŋgi na e kumbra uge uge ebeqnabqa e jaqatiŋ koba oqnem. Qure dia kumbra uge kalil e qa brantoqnej qaji di ni qalie. Ariya bati deqa Tamo Koba Qotei na e aqaryaiboqnsiqa gulube kalilq dena e oqnsiq taqal atoqnej. Deqa bini e bole unum.