Aposel 13:34 - Yesus Aqa Anjam Bole

³⁴ Onaqa bunuqna Yesus a moinaqa Qotei na olo subq na tigeltej. Deqa Yesus a olo moiqasai. Aqa jejamu subq di qusaqasai dego. Agi Qotei a nami endegsi marej, ‘E niŋgi eleŋotqa niŋgi ijo segi tamo uŋgasari boledamu sosib ŋambile oqab. Ijo anjam di e bole dauryqai. E uratqasai. Agi anjam deqaji e nami Devit minjoqnem.’ Qotei a nami degsi marej.

Aposel 13:34 Iomraidhean Croise

Aposel 13:30

Onaqa Qotei na Yesus olo subq na tigeltonaqa a tigelosiqa tamo naŋgi nami a ombla na Galili sawa uratosib Jerusalem qureq aieb qaji naŋgo ŋamdamuq dia bati gargekoba branteqnaqa naŋgi unoqneb. Deqa bini naŋgi Yesus qa anjam saosib laqnabqa Juda tamo uŋgasari kalil naŋgi queqnub.

Aposel 13:33

Qotei na aqa anjam di dauryosim Yesus qariŋyim gagoq bqajqa deqa marsiq a na Yesus olo subq na tigeltej. Gago moma naŋgo leŋ agi iga. Deqa a gagoq bej. Anjam deqa nami Devit a louqa buk miligiq di endegsi neŋgreŋyej, ‘Ni ijo aŋgro bole. Bini e ni ŋambabtmonum.’ Devit a nami lou namba 2q di anjam di neŋgreŋyej.

Aposel 13:37

Ariya tamo Qotei na subq na tigeltej qaji aqa jejamu subq di qusaosai. Tamo di agi Yesus.

Aposel 2:24

Onaqa Qotei na Yesus olo subq na tigeltosiqa moio gam kobotej. Di kiyaqa? Moio na Yesus a olo ojqa keresai.

Rom 6:9

Iga qalie, Kristus a subq na olo tigelej deqa a olo bunu moiqa keresai. Moio na a olo ojqa keresai.