Aposel 13:32 - Yesus Aqa Anjam Bole

³² “Nami Qotei na gago moma naŋgi endegsi minjrej, ‘E na Kristus qariŋyitqa a nuŋgoq bosim niŋgi oqas.’ Qotei aqa anjam bole di aqo Barnabas wo na niŋgi merŋgeqnum.

Aposel 13:32 Iomraidhean Croise

Luk 1:19

Onaqa laŋ aŋgro na Sekaraia minjej, “Ijo ñam Gebriel. E Qotei aqa ulatamuq di tigelejunum qaji. Qotei a segi na e qariŋbqoqa bosim anjam bole endi ni mermonum.

Luk 2:10

Onaqa laŋ aŋgro dena naŋgi minjrej, “Niŋgi ulaaib. E niŋgi anjam bole merŋgwajqa bonum. Merŋgitqa niŋgi qusib tulaŋ areboleboleiŋgwas. Tamo uŋgasari sawa sawa kalilq di unub qaji naŋgi dego ijo anjam endi qusib tulaŋ areboleboleinjrqas.

Aposel 10:36

Bole, nami Qotei na aqa anjam bole qariŋyonaqa Israel naŋgo segiq aiej. Anjam di aqa damu endegsi unu. Tamo uŋgasari naŋgi Qotei ti jeu sonabqa Yesus Kristus na jeu kobotej. Yesus a tamo kalil naŋgo Tamo Koba.

Aposel 13:23

Osiqa Qotei aqa anjam nami marej qaji di a dauryosiqa Devit aqa leŋq dena tamo bei giltosiqa qariŋyonaq Israel gagoq bej. Tamo di aqa ñam Yesus. A na iga oqajqa deqa qariŋyonaq bej.

Aposel 13:38

O ijo was, niŋgi geregere poiŋgem. Yesus qujai di aqa ñam na Qotei a nuŋgo une kobotetŋgwas. Iga Yesus qujai deqa anjam plaltoqnsim niŋgi merŋgeqnum.

Aposel 14:15

“O tamo uŋgasari, niŋgi kiyaqa kumbra endi yeqnub? Aqo aiyel mandam tamo, niŋgi ti kere. Aqo aiyel na Yesus Kristus aqa anjam bole niŋgi merŋgeqnum. Niŋgi are bulyosib qotei gisa gisaŋ endi torei uratosib Qotei ŋambile gaigai unu qaji a qa nuŋgo areqalo siŋgilatqajqa deqa aqo aiyel na Yesus Kristus aqa anjam bole niŋgi merŋgeqnum. Qotei agi a na laŋ ti mandam ti yuwal ti iŋgi iŋgi kalil ti gereiyej.

Aposel 26:6

Bini e ino ulatamuq endia tigelejunum. Di kiyaqa? E ijo areqalo Qotei qa siŋgilatosim anjam a nami gago moma naŋgi minjrej qaji di aqa damu brantqajqa deqa e tariŋoqnsim unum. Utru deqa naŋgi na e tigeltbonub.

Aposel 3:19

“Deqa niŋgi quiye. Niŋgi na nuŋgo une kalil torei uratosib are bulyosib Qotei aqaq babqa a na nuŋgo une kalil kobotetŋgimqa niŋgi aqa aŋgro bole sqab.

Aposel 5:42

Naŋgi Yesus aqa anjam mare mare laqajqa uratosaioqneb. Naŋgi bati gaigai Yesus aqa anjam plaltoqnsib maroqneb. Atra tal miligiq dia, tamo uŋgasari naŋgo segi segi talq dia naŋgi anjam endegsib minjroqneb, “Yesus a bole Kristus Qotei na qariŋyej qaji.”

Rom 1:2

Tulaŋ nami Qotei na aqa medabu o qaji tamo naŋgi minjrnaqa naŋgi aqa anjam bole di osib neŋgreŋyeb unu. Neŋgreŋ di Qotei aqa segi neŋgreŋ.

Rom 10:15

Qotei na anjam palonto tamo naŋgi qariŋnjrqasai di naŋgi kiersib aqa anjam palontqab? Agi Qotei aqa anjam bei nami endegsib neŋgreŋyeb unu, “Tamo naŋgi Qotei aqa anjam bole mare mare laqnub deqa tamo uŋgasari naŋgi unjroqnsib tulaŋ areboleboleinjreqnu.”

Rom 4:13

Nami Qotei na Abraham aqa moma naŋgi ti endegsi minjrej, “E niŋgi mandam kalil eŋgwai.” Ariya Abraham a dal anjam dauryej deqa Qotei na anjam di minjosai. A Qotei qa aqa areqalo siŋgilatej gam dena Qotei na a tamo bole une saiqoji qa minjej. Utru deqa Qotei na Abraham aqa moma naŋgi ti minjrej, “E niŋgi mandam kalil eŋgwai.”

Rom 9:4

Jekop aqa leŋ naŋgi Israel tamo. Deqa Qotei na naŋgi aqa segi aŋgro qa minjrej. Naŋgi Qotei aqa riaŋ ti aqa siŋgila ti uneb. A na aqa anjam bunuj ti aqa dal anjam ti louqajqa kumbra ti naŋgi enjrej. Osiqa iŋgi bole kalil a na nami naŋgi enjrqa marej qaji di enjrej.