Aposel 13:12 - Yesus Aqa Anjam Bole

¹² Onaqa Sergius Paulus a Tamo Koba Qotei aqa siŋgila di unsiqa Qotei aqa anjam Barnabas wo Sol wo na minjoqneb qaji di poiyonaqa tulaŋ prugugetosiq Yesus qa aqa areqalo siŋgilatej.

Aposel 13:12 Iomraidhean Croise

Matyu 27:54

Ariya qaja tamo naŋgi ŋamburbasq dia Yesus taqatesoqneb qaji naŋgo gate koba ombla na mimiŋ dosiq mandam reŋgiŋyonaq meniŋ kokba paraparaeleŋonab unsibqa naŋgi tulaŋ ulaugetosib mareb, “Bole. Tamo endi a Qotei aqa Ŋiri.”

Luk 4:22

Degsi minjrnaqa naŋgi kalil aqa anjam di qusibqa naŋgi areboleboleinjrnaqa mareb, “Yesus aqa anjam di bolequja.” Naŋgi degsi marsibqa olo areqalo kobaiyoqnsib maroqneb, “Yesus a Josep aqa ŋiri. Deqa a powo qabe na osiqa anjam bole endeqaji palontosiq mergeqnu?”

Luk 7:16

Onaqa tamo uŋgasari kalil qure dia soqneb qaji naŋgi Yesus aqa siŋgila di unsibqa naŋgi tulaŋ prugeleŋosib Qotei aqa ñam soqtosib maroqneb, “Bole, bini Qotei aqa medabu o qaji tamo kobaquja gago ambleq endi brantqo. Qotei na aqa segi tamo uŋgasari naŋgi aqaryainjrqajqa deqa tamo di qariŋyqoqa gagoq bqo.”

Jon 7:46

Onaqa qaja tamo naŋgi na kamba minjreb, “Iga Yesus aqa anjam quonum di anjam bolequja maroqnaj. Tamo bei nami anjam deqaji marosaioqnej. Deqa iga a ojosai.”

Aposel 13:48

Onaqa sawa bei bei qaji tamo naŋgi Pol aqa anjam di qusibqa naŋgi tulaŋ areboleboleinjrnaqa Tamo Koba Yesus aqa anjam biŋiyeb. Deqa qure dia tamo uŋgasari kalil Qotei na nami ŋambile gaigai sqajqa giltnjrej qaji naŋgi are bulyosib Yesus qa naŋgo areqalo siŋgilateb.

Aposel 13:49

Bati deqa Tamo Koba Qotei aqa anjam tulaŋ kobaosiqa sawa di keretej.

Aposel 13:7

Rom naŋgo gate koba bei aqa ñam Sergius Paulus a qure dia soqnej. Barjisas a gaigai Sergius Paulus dauryosiq laqnej. Sergius Paulus a qalie tamo kobaquja. Barnabas wo Sol wo Pafos qureq di brantonabqa Sergius Paulus a Qotei aqa anjam quqwa marsiqa naŋgi aiyel metnjrnaqa aqa areq bosib Qotei aqa anjam minjoqneb. Minjeqnabqa quñam tamo Barjisas (Grik anjam na aqa ñam Elimas) a qusiqa are qalej, “E na Barnabas wo Sol wo naŋgo anjam gegentoqnqai. Sergius Paulus a Qotei aqa anjam di qusimqa aqa areqalo Yesus qa siŋgilato uge.”

Aposel 15:35

Onaqa Pol wo Barnabas wo naŋgi Antiok qureq di sosibqa Yesus aqa tamo qudei ti koba na wauoqnsibqa Tamo Koba Qotei aqa anjam plaltoqnsib tamo uŋgasari naŋgi minjroqneb.

Aposel 15:36

Onaqa bati bei Pol na Barnabas minjej, “Aqo aiyel nami qure qureq walweloqnsimqa Tamo Koba Qotei aqa anjam plaltosim minjroqnem. Deqa iga qure kalil deq olo gilsimqa Yesus aqa tamo uŋgasari naŋgi olo unjrqom. Naŋgi kiersi unub kio di unjrqom.”

Aposel 18:12

Ariya Pol a Korin qureq di sonaqa Rom naŋgo gate koba bei aqa ñam Galio a Akaia sawa taqatoqnej. Bati deqa Juda naŋgi Pol qa minjiŋ oqetnjrnaqa a ojsib koro sawaq osi gilsib Galio aqa awo jaram namoq di tigelteb.

Aposel 19:10

Pol a wausau aiyel Efesus qureq di sosiqa Tamo Koba Yesus aqa anjam plaltosiq maroqnej. Deqa aqa anjam tulaŋ kobaonaqa tamo uŋgasari kalil Esia sawaq di soqneb qaji Juda ti Grik ti naŋgi quoqneb.

Aposel 19:20

Naŋgo kumbra dena Tamo Koba Yesus aqa anjam tulaŋ kobaoqnsiqa sawa sawaq gileqnaqa tamo uŋgasari tulaŋ gargekoba naŋgi quoqneb.

Aposel 19:38

Deqa Demitrius a ti aqa wau qujai naŋgi ti naŋgi aiyel qa anjam bei soqnimqa joqsib Rom gate kokba naŋgo ulatamuq dia tigeltnjrsib anjam marqab.

Aposel 19:7

Bati deqa tamo 12-pela naŋgi Qotei aqa Mondor eb.

Aposel 28:7

Ariya tamo bei aqa ñam Publius a nui dia soqnej. A tamo kobaquja. A na nui di taqatoqnej. Aqa tal jojomq di soqnej deqa a na iga joqsiqa aqa talq gilsiqa dia bati qalub iga geregereigoqnej.

Aposel 6:10

Naŋgi Stiven ombla anjam na qoteqnab Qotei aqa Mondor na Stiven powo koba yoqnej deqa naŋgi aqa anjam qalotqa keresai.

Aposel 8:25

Ariya Pita wo Jon wo naŋgi Tamo Koba Yesus aqa anjam bole palontoqnsib Samaria tamo uŋgasari naŋgi minjroqnsib laqnsib bati bei olo puluosib Jerusalem aieb. Naŋgi Jerusalem aioqnsib Samaria naŋgo qure qure kalilq dia brantoqnsib Yesus aqa anjam bole minjre minjre aieqnab quoqneb.