Aposel 13:1 - Yesus Aqa Anjam Bole

¹ Antiok qureq dia Yesus aqa tamo uŋgasari naŋgo ambleq di Qotei aqa medabu o qaji tamo naŋgi ti Qotei aqa anjam plalto qaji tamo naŋgi ti soqneb. Naŋgo ñam agiende. Bei Barnabas. Bei Simeon aqa ñam bei Niger. Ñam di aqa damu, “Jejamu tulu.” Bei Lusius. A Sairini qaji. Bei Manain. A nami Tamo Koba Herot ombla aŋgro sosibqa tal qujaiq di boleeb. Ariya bei Sol.

Aposel 13:1 Iomraidhean Croise

Matyu 27:32

A osi giloqnsibqa gamq dia tamo bei walwelosiq aieqnaqa a turosib ojsib Yesus aqa qawarq dena ŋamburbas yaiyosib tamo di yonabqa a kamba qoboiyosiqa Yesus gam na dauryosiq giloqnej. Tamo di aqa ñam Saimon. A Sairini qure qaji.

Luk 3:1

Sisar Taiberius a wausau 15 Rom naŋgo mandor koba sonaqa Pontius Pailat a Judia sawa naŋgo gate koba soqnej. Bati deqa Herot a Galili sawa naŋgo gate koba soqnej. Herot aqa aube Filip a na Ituria sawa ti Trakonitis sawa ti taqatoqnej. Lisanias a na Abilene sawa taqatoqnej.

Aposel 11:30

Silali di naŋgi na Barnabas wo Sol wo enjrnabqa naŋgi na osi aisib Kristen gate Judia sawaq di soqneb qaji naŋgo baŋq di ateb.

Aposel 12:25

Onaqa Barnabas wo Sol wo naŋgi Jerusalem dia naŋgo wau kobotosib olo puluqa laqnsib Jon aqa ñam bei Mak a osib koba na Antiok qureq gileb.

Aposel 13:9

A degsi are qalsiqa naŋgo aiyel anjam gegentoqnej. Onaqa Qotei aqa Mondor a Sol aqa ñam bei Pol aqa miligiq aisiq siŋgila yonaqa a na quñam tamo di koqyosiq minjej, “Ni Satan aqa aŋgro. Ni na kumbra bole kalil jeutsi laqnum. Ni gisa gisaŋ anjam marqajqa ino areqaloq di koba unu. Ni gisa gisaŋ kumbra yqajqa tulaŋ siŋgilaeqnum. Ni na Tamo Koba Qotei aqa anjam bole beltoqnsimqa gisa gisaŋ anjam segi mareqnum. Ino kumbra uge di ni na uratqa keresai.

Aposel 15:32

Judas wo Sailas wo naŋgi Qotei aqa medabu o qaji tamo. Deqa naŋgi aiyel anjam olekoba Yesus aqa tamo uŋgasari naŋgi minjrnab qunabqa anjam dena naŋgo are siŋgilatetnjrej.

Aposel 15:35

Onaqa Pol wo Barnabas wo naŋgi Antiok qureq di sosibqa Yesus aqa tamo qudei ti koba na wauoqnsibqa Tamo Koba Qotei aqa anjam plaltoqnsib tamo uŋgasari naŋgi minjroqneb.

Aposel 19:6

Yanso onabqa Pol a naŋgo gateq di aqa baŋ atnaqa Qotei aqa Mondor naŋgoq aisiqa meŋ bulyetnjrnaqa naŋgi qure bei bei naŋgo anjam poinjrnaqa mareleŋoqneb. Osib naŋgi Qotei aqa medabu osib anjam maroqneb.

Aposel 21:9

Filip aqa asi qolqe naŋgi a ombla soqneb. Naŋgi Qotei aqa medabu o qaji uŋa.

Aposel 4:36

Naŋgo ambleq di tamo bei soqnej aqa ñam Josep. Aqa ñam bei Barnabas. Yesus aqa aŋgro 12-pela naŋgi na ñam di waiyeb. Aqa ñam di aqa damu, “Tamo are siŋgilatetnjro qaji.” Barnabas a Juda naŋgo moma utru Jekop aqa aŋgro Livai aqa leŋ. A Saiprus nui qaji.

Aposel 9:1

Sol a na tamo uŋgasari Tamo Koba Yesus dauryoqneb qaji naŋgi ugeugeinjrsim moiotnjrqajqa siŋgila na maroqnej. Deqa bati bei a atra tamo gate aqaq gilsiqa minjej,

Rom 16:21

Ijo wau qujai Timoti a na niŋgi kaiyeiŋgwo. Lusius na Jeson na Sosipater na naŋgi qalub dego niŋgi kaiyeiŋgonub. Naŋgi qalub ijo leŋ naŋgi.

1 Korin 11:4

Deqa tamo bei a gate tatal atsim pailyqas kio anjam palontqas kio di a na aqa segi gate jemai yqo. Aqa gate agi Kristus.

1 Korin 13:2

E Qotei aqa medabu osiy anjam palontoqnqai kio e Qotei aqa uli anjam kalil qalieosiy utru babteleŋqai kio e qalie koba ti sqai kio e Qotei qa ijo areqalo tulaŋ siŋgilatosiy deqa mana kobaquja minjitqa a ijo anjam dauryosim tigelosim sawa beiq gilqas kio ariya e qalaqalaiyo kumbra dauryqasai di ijo kumbra kalil di Qotei aqa ŋamgalaq di kumbra bolesai.

1 Korin 13:8

Qalaqalaiyo kumbra di koboqa keresai. Qotei na tamo qudei naŋgi wau enjreqnu deqa naŋgi aqa medabu oqnsib aqa anjam geregere palonteqnub. Ariya wau di koboqas. Qotei na tamo qudei naŋgo meŋ bulyetnjreqnu deqa naŋgi qure utru segi segi naŋgo anjam mareleŋeqnub. Kumbra di dego koboqas. Qotei na tamo qudei naŋgi qalie koba enjreqnaqa naŋgi anjam bole mareqnub. Qalie di dego koboqas.

1 Korin 14:29

Tamo aiyel kio tamo qalub kio naŋgi segi Qotei aqa medabu oqnsib anjam palontoqnebe. Tamo gargekoba naŋgi anjam palontoqnaib. Ariya naŋgi anjam palontosib merŋgoqnibqa naŋgo anjam bole kio sai kio deqa osib pegiyoqniye.

1 Korin 14:32

Niŋgi na Qotei aqa medabu o qaji tamo naŋgi minjribqa naŋgi na naŋgo segi medabu geregere taqatoqnsib anjam maroqnebe. Deqa naŋgi tigelqa batioqnim naŋgi tigelosib Qotei aqa anjam geregere palontoqnqab.

1 Korin 9:6

Aqo Barnabas wo segi gago baŋ na wauoqnsim dena silali oqnqom e? Yesus aqa wau tamo qudei naŋgi degyqasai e?”

Galesia 2:13

Onaqa Juda Kristen qudei naŋgi dego Pita koba na ulaosib gisaŋ kumbra di yeb. Yonabqa bunuqna Barnabas a naŋgo kumbra di unsiqa a dego naŋgi daurnjrsiqa gisaŋ kumbra di yej.

Galesia 2:9

Tamo uŋgasari naŋgi mareqnub, Jems na Pita na Jon na naŋgi qalub Kristen naŋgo gate kokba. Ariya naŋgi qalub qalieeb, Qotei a e qa are boleiyosiq wau ebej. Deqa naŋgi aqo Barnabas wo gago baŋ ojsib mergeb, “Niŋgi gago Kristen was bole.” Osib naŋgi iga ti areqalo qujaitosim anjam endegsi keretem, aqo Barnabas wo sawa bei beiq dia Qotei aqa wau yoqnqom. Ariya naŋgi Juda naŋgo ambleq di wauoqnqab.

Efesus 4:11

Deqa a segi qujai na iga wau segi segi egeqnu. Wau agiende. Tamo qudei naŋgi a na qariŋnjreqnaqa naŋgi aqa anjam maroqnsib laqnub. Tamo qudei naŋgi a na wau enjreqnaqa naŋgi aqa medabu oqnsib aqa anjam babteqnub. Tamo qudei naŋgi a na wau enjreqnaqa naŋgi Kristus aqa anjam bole palontosib laqnub. Tamo qudei naŋgi a na wau enjreqnaqa naŋgi na Kristen tamo uŋgasari naŋgi taqatnjroqnsib Qotei aqa anjam plaltosib minjreqnub.

Filipai 4:22

Qotei aqa tamo uŋgasari kalil qure endia unub qaji naŋgi na niŋgi kaiyeiŋgonub. Kristen tamo uŋgasari Sisar aqa talq di waueqnub qaji naŋgi dego niŋgi kaiyeiŋgonub.

1 Tesalonaika 5:20

Qotei aqa medabu o qaji tamo naŋgi na anjam merŋgoqnibqa niŋgi naŋgi qa olo are ugeiŋgaiq.