Aposel 12:6 - Yesus Aqa Anjam Bole

⁶ Ariya Herot a marej, “Nebeamqa e na Pita osiy Juda naŋgo ulatamuq di tigeltqai.” Herot a degsi marej. Deqa qolo di qaja tamo aiyel na Pita osib tonto tal miligiq dia warum beiq di waiysib ambletosib sil kokba aiyel na tontonab ŋeiesoqnej. Qaja tamo qudei naŋgi tonto tal siraŋme jojomq di tigelesosib taqatoqneb.

Aposel 12:6 Iomraidhean Croise

Matyu 28:4

Onaqa qaja tamo naŋgi sub me taqatesoqneb qaji naŋgi na laŋ aŋgro di unsibqa naŋgi tulaŋ ulaugetosib gindagindaŋosib mandamq di ululoŋosib tamo moreŋo bul tindaŋesoqneb.

Aposel 12:5

Pita a tonto talq di sonaqa Yesus aqa tamo uŋgasari naŋgi siŋgila na Pita qa pailyoqneb.

Aposel 21:33

Onaqa qaja tamo naŋgo gate koba a bosiqa Pol ojsiqa aqa qaja tamo naŋgi minjrej, “Sil siŋgila kokba aiyel osi bosib a tontiye.” Onaqa naŋgi bosib Pol tontonabqa qaja tamo naŋgo gate koba a na tamo uŋgasari kalil naŋgi endegsi nenemnjrej, “Tamo endi yai? A une kie yqo deqa niŋgi a qaloqnab?”

Aposel 28:20

Utru deqa e niŋgi metŋgonum. E niŋgi niŋgsiy ijo anjam merŋgwajqa deqa metŋgonum. Mondoŋ Qotei na iga Israel tamo uŋgasari iga subq na tigeltgwas. Iga anjam deqa qujai gago areqalo siŋgilatosim tariŋeqnum. Utru deqa e sil kokba endena tontbonub.” Pol a na degsiqa Juda tamo kokba naŋgi minjrej.

Aposel 5:23

“Iga ainum tonto tal siraŋme qandimesonaq unonum. Tal taqato tamo naŋgi aŋ ti siraŋmeq di tigelenab. Ariya iga siraŋ waqtosim miligiq gilonum iga tamo bei unosai.”

Efesus 6:20

O was qu, Qotei a segi na e qariŋbej deqa e aqa anjam bole di marsim laqnem. Utru deqa e tonto talq endi unum. E anjam bole di marqajqa wau ti. Deqa niŋgi Qotei pailyoqnibqa a na e siŋgilatboqnim e ulaqasai. E aqa anjam di siŋgila na tamo uŋgasari naŋgi minjroqnqai.

2 Timoti 1:16

E endegsi Qotei pailyeqnum, “O Tamo Koba, ni Onesiforus aqa tal qujai naŋgi qa ti dulame.” O Timoti, Onesiforus a bati gargekoba ijo are boletetboqnej. E tonto talq di soqnem bati deqa a e qa jemaiyosai.

Hibru 13:6

Deqa iga segi segi gago are siŋgilatosim endegsi maroqnqom, “Tamo Koba Qotei a na e aqaryaibeqnu. Deqa e ulaqasai. Tamo bei na e ugetbqa keresai.”