Aposel 12:11 - Yesus Aqa Anjam Bole

¹¹ Onaqa Pita a poiyonaqa marej, “Bole. Endego e qalieonum, Juda tamo kokba naŋgi na e lubqa laqnabqa Tamo Koba Qotei na aqa laŋ aŋgro qariŋyqoqa bosiq e aqaryaibosiqa Herot aqa baŋq dena e oqo.”

Aposel 12:11 Iomraidhean Croise

Luk 15:17

“Osiqa are qalej, ‘Bole. E kumbra grotonum. Deqa bini e mam na moiqa laqnum. Ijo abu aqa wau tamo naŋgi iŋgi koba uyeqnub. Ariya e segi qujai agi mam na moiqa laqnum.

Aposel 12:7

Onaqa qolo qujai di Tamo Koba Qotei aqa laŋ aŋgro bei a warum miligiq di brantoqujatej. Aqa riaŋ na warum di tulaŋ suwantej. Onaqa laŋ aŋgro dena Pita jar baŋgaq di kontosiqa dudumyej. Dudumyosiq minjej, “Ni tigeloqujat.” Degsi minjnaqa sil kokba aiyel Pita aqa baŋ qoseb qaji di pambloŋosib uloŋeb.

Aposel 24:27

Wausau aiyel koboonaqa Feliks a Judia sawa taqato wau di uratonaqa tamo bei aqa ñam Porsius Festus a kamba Feliks aqa wau di osiqa Judia sawa taqatesoqnej. Onaqa Feliks a na Juda tamo kokba naŋgo are boletetnjrqajqa deqa a Pol tonto talq di uratonaq soqnej.

Aposel 25:9

Pol a degsi marnaqa Festus a na Juda tamo kokba naŋgo are boletetnjrqajqa deqa Pol endegsi nenemyej, “Ni Jerusalem aisim dia ijo ulatamuq di tigelosim ino anjam olo marqa kere e?”

Aposel 5:19

Sonabqa qoloej. Onaqa Tamo Koba Qotei aqa laŋ aŋgro bei aisiqa tonto tal siraŋme waqtosiq naŋgi joqsiq oqedeb. Oqedonabqa laŋ aŋgro na minjrej,

Hibru 1:14

Laŋ aŋgro naŋgi mondor. Naŋgi Qotei aqa wau ojeqnub. Agi Qotei na naŋgi qariŋnjreqnaqa naŋgi giloqnsib tamo uŋgasari a na oqas qaji naŋgi aqaryainjreqnub.

2 Pita 2:9

Ariya was qu, Tamo Koba Qotei a nami degsiqa tamo uge uge naŋgo une qa maroqnsiq naŋgi padaltnjroqnej. Deqa iga qalieonum, tamo naŋgi Qotei dauryeqnub qaji naŋgi gulube iteqnabqa a na olo naŋgi eleŋeqnu. Naŋgi eleŋqajqa gam di Qotei a bole qalie. Tamo uge uge naŋgo kumbra di dego Qotei a qalie. Deqa mondoŋ a na naŋgi osim naŋgo une qa peginjrsim awai uge enjrqas.