Biblia Todo Logo
Bìoball air-loidhne

- Sanasan -




Aposel 10:34 - Yesus Aqa Anjam Bole

34 Onaqa Pita a tigelosiqa naŋgi endegsi minjrej, “E Juda tamo. Niŋgi Juda tamo sai. Niŋgi sawa bei bei qaji tamo. Di uŋgum. Qotei a iga Juda tamo iga bole qa maroqnsiq olo sawa bei bei qaji tamo naŋgi uge qa marosaieqnu. Aqa ŋamdamuq di tamo kalil kere kere unub. Endego e degsi qalieonum.

Faic an caibideil Dèan lethbhreac




Aposel 10:34
23 Iomraidhean Croise  

Qairosib anjam kereonaq naŋgo aŋgro qudei Herot aqa wau tamo qudei ti qariŋnjrnab Yesus aqa areq bosib gisaŋyosib minjeb, “O Qalie Tamo Koba, iga qalie, ni anjam bole maro qaji tamo. Ni anjam bole segi tamo uŋgasari naŋgi minjroqnsim Qotei aqa kumbra osornjreqnum. Ni tamo bei ulaiyosaieqnum. Ni tamo ñam ti naŋgi anjam bei minjroqnsim olo tamo ñam saiqoji naŋgi anjam bei minjrosaieqnum. Ni anjam qujai tamo kalil naŋgi minjreqnum.


Onaqa Yesus a na naŋgi Qotei aqa anjam palontosiq endegsi minjrej,


Naŋgi na tamo qudei degsib minjrsib naŋgi qariŋnjrnab Yesus aqa areq gilsib gisaŋyosib minjeb, “O Qalie Tamo Koba, iga qalie, ni anjam bole maro qaji tamo. Ni anjam bole segi tamo uŋgasari naŋgi minjroqnsim Qotei aqa kumbra osornjreqnum. Ni tamo bei ulaiyosaieqnum. Ni tamo ñam ti naŋgi anjam bei minjroqnsim olo tamo ñam saiqoji naŋgi anjam bei minjrosaieqnum. Ni anjam qujai tamo kalil naŋgi minjreqnum.


Laŋ aŋgro na e degsi merbonaqa e urur tigelosim tamo qudei naŋgi qariŋnjrnam Jopa qureq aisib inoq di branteb. Brantonabqa ni na naŋgi daurnjrsim agi ijo talq bonum. Deqa e ni qa tulaŋ areboleboleibqo. Endego iga kalil endia koroosimqa Qotei aqa ŋamgalaq di awejunum. Deqa anjam kalil Tamo Koba Qotei na ni mermej qaji di mergimqa iga quqwom.” Kornilius na Pita degsi minjej.


Qotei a gam bei na iga Juda tamo uŋgasari eleŋosim olo gam bei na sawa bei bei qaji tamo naŋgi eleŋqasai. Naŋgi ti iga ti koba na Yesus qa gago areqalo siŋgilatqom gam dena qujai Qotei na iga are bulyetgosim gago une kobotetgwas.


Onaqa Filip na minjej, “A Yesus qa neŋgreŋyej.” Osiqa anjam dena utru atsiq Qotei aqa anjam qudei ti turtosiq Yesus qa saiyoqnej.


Qotei a kumbra qujai dena tamo uŋgasari kalil naŋgi peginjreqnu. Naŋgi Juda tamo kio sawa bei bei qaji tamo kio a deqa are qalosaieqnu.


Deqa iga kiersi marqom? Qotei a Juda naŋgo segi Qotei e? A sawa bei bei qaji tamo naŋgo Qotei sai e? Sai. A sawa bei bei qaji tamo naŋgo Qotei dego.


Tamo qudei naŋgi Kristen gate kokba. Naŋgi ñam ti. Ariya ijo areqalo agiende. Naŋgi gate kokba kio sai kio di laŋa. Qotei a tamo naŋgo ñam qa are qalosaieqnu. Ariya e na tamo ñam ti naŋgi di ijo wau ubtsim minjrnamqa naŋgi mareb, “Di kere.” Naŋgi olo anjam bei e merbosai.


Ariya wau qa gate, niŋgi dego nuŋgo kaŋgal tamo naŋgi kumbra bole enjroqniye. Niŋgi naŋgi ula enjroqnaib. Tamo Koba Qotei a laŋ goge di unu. A nuŋgo Tamo Koba unu. A kaŋgal tamo naŋgo Tamo Koba dego unu. Deqa a kumbra qujai na tamo uŋgasari kalil naŋgi peginjreqnu. Niŋgi deqa are qalsib nuŋgo kaŋgal tamo naŋgi kumbra bole enjroqniye.


Iga so bunujq di unum deqa iga kalil kerekere unum. Deqa iga gago was naŋgi endegsi minjroqnqasai, “Ni Grik qaji” o “Ni Juda qaji” o “Ni muluŋ aio qaji” o “Ni muluŋ aiosai qaji” o “Ni yauŋ tamo” o “Ni yambaŋ tamo” o “Ni kaŋgal tamo” o “Ni tamo laŋaj”. Iga gago was naŋgi degsi minjroqnqasai. Di kiyaqa? Kristus a segi qujai unu. A gago kalil qa Tamo Koba.


Tamo bei a une bei atimqa Qotei na kamba a awai uge yqas. Di kiyaqa? Qotei a kumbra qujai na tamo uŋgasari kalil naŋgo une qa peginjreqnu.


O ijo was qu, e qalieonum, niŋgi gago Tamo Koba Yesus Kristus agi laŋ qa iŋgi iŋgi kalil taqatejunu qaji a qa nuŋgo areqalo siŋgilateqnub. Nuŋgo areqalo dego deqa e na niŋgi endegsi merŋgwai. Niŋgi tamo ñam ti naŋgi kumbra bole bole enjroqnsib olo tamo laŋaj naŋgi qoreinjroqnaib.


O was qu, niŋgi kumbra degyeqnub deqa niŋgi nuŋgo segi areqalo na tamo naŋgi laŋa peginjreqnub. Agi niŋgi tamo ñam ti naŋgi kumbra bole enjroqnsib olo tamo ñam saiqoji naŋgi kumbra uge enjreqnub. Nuŋgo areqalo uge dena niŋgi tamo naŋgi laŋa peginjreqnub. Niŋgi tamo kalil naŋgi turtnjroqnsib kumbra qujai enjroqnqab di kere.


Ariya niŋgi na tamo qudei naŋgi kumbra bole enjroqnsib olo tamo qudei naŋgi qoreinjreqnub di niŋgi une ateqnub. Deqa dal anjam dena niŋgi endegsi merŋgwas, “Niŋgi dal anjam gotraŋyonub.”


Niŋgi Qotei metoqnsib minjeqnub, “O gago Abu.” Abu di a gago ñam qa are qalsiq iga pegigosaieqnu. A gago segi segi kumbra unoqnsiq dena iga pegigeqnu. Deqa bati niŋgi mandamq endi sosibqa niŋgi endegsib maroqniye, “Mandam endi gago qure utru sai.” Degsib maroqnsib Qotei qa ulaoqnsib aqa sorgomq di geregere soqniye.


Lean sinn:

Sanasan


Sanasan