Aposel 10:3 - Yesus Aqa Anjam Bole

³ Ariya bati bei seŋ keliŋtonaqa Qotei na Kornilius aqa areqalo waqtetonaqa ŋeiobilqeiobulosiqa Qotei aqa laŋ aŋgro bei aqaq bonaq unej. Onaqa laŋ aŋgro dena minjej, “O Kornilius.”

Aposel 10:3 Iomraidhean Croise

Matyu 27:46

Onaqa Yesus a tulaŋ koba leleŋosiq marej, “Eloi, Eloi, lema sabaktani?” Di Hibru anjam. Anjam di aqa damu, “O ijo Qotei, O ijo Qotei. Ni kiyaqa e qoreibonum?”

Luk 1:11

Onaqa Tamo Koba Qotei aqa laŋ aŋgro bei aisiq Sekaraia aqa ulatamuq di brantosiqa atra bijal ŋam qaq koitoqnej qaji baŋ woq di tigelonaq unsiqa tulaŋ ulaugetej.

Luk 2:13

Degsi minjreqnaqa laŋ aŋgro tulaŋ gargekoba naŋgi laŋ goge dena bosib laŋ aŋgro nami bej qaji a ombla tigelosibqa Qotei aqa ñam soqtoqnsib maroqneb,

Aposel 10:17

Ŋeiobilqei di aqa utru Pita a poiyosai. Deqa a are koba qalsiq soqnej. Onaqa tamo qalub Kornilius na qariŋnjrej qaji naŋgi Jopa qureq di brantosib tamo qudei naŋgi endegsib nenemnjreb, “Saimon aqa tal qabi unu?” Degsi nenemnjrnaqa naŋgi na minjreb, “Saimon aqa tal agide.” Onaqa naŋgi walwelosib Saimon aqa tal meq di tigeleb.

Aposel 10:19

Pita a ŋeiobilqei deqa are koba qaleqnaqa Qotei aqa Mondor na minjej, “Ni que. Tamo qalub bosib ni qa maronub.

Aposel 10:30

Onaqa Kornilius na Pita minjej, “Ya ya endi bati qolqe gilqo seŋ bati kere endego seŋ keliŋtonaqa e pailyeqnamqa tamo bei gara tulaŋ qat jigsiqa bosiq ijo ulatamuq di tigelosiqa merbej, ‘O Kornilius, Qotei a gaigai ino pail queqnu. Juda tamo uŋgasari naŋgi iŋgi iŋgi saiinjreqnaqa ni na naŋgi aqaryainjreqnum. Ino kumbra di Qotei a unoqnsiq deqa a ni qa tulaŋ areboleboleiyeqnu.

Aposel 10:9

Naŋgi walwelosi aisib gamq di qoloinjrnaqa ŋereŋeb. Olo nebeonaqa tigelosib aisib Jopa qure jojomyeqnabqa bati deqa Pita a Qotei pailyqa osiqa warum bei gogeqsi deq oqej. Di qanam jige.

Aposel 11:13

Gogetonamqa Kornilius na iga saigosiq endegsi mergej, ‘Laŋ aŋgro bei a bosiqa ijo talq endia tigelesonaq unem. Unnamqa merbej, “Ni na tamo qudei naŋgi qariŋnjrimqa Jopa qureq aisib dia tamo bei aqa ñam Saimon ñam bei Pita a osib beb. Osib babqa a na ni anjam bei mermqas. Mermimqa anjam dena Qotei na ni ti tamo uŋgasari kalil ni ombla tal qujaiq di unub qaji naŋgi ti oqas.” ’

Aposel 27:23

Ya qolo ijo Qotei agi e bati gaigai a qa loueqnum qaji aqa laŋ aŋgro bei bosiqa ijo areq di tigelosiq merbej, ‘O Pol, ni ulaaim. Ni Mandor Koba Sisar aqa ulatamuq di tigelqam. Deqa Qotei na ni taqatmim ni padalqasai. Tamo kalil ni ombla qobuŋ na gileqnub qaji naŋgi dego taqatnjrim naŋgi padalqasai.’ Laŋ aŋgro na e degsi merbej.

Aposel 3:1

Bati gaigai bilaq seŋ keliŋteqnaqa Juda tamo uŋgasari naŋgi atra tal miligiq giloqnsib dia Qotei pailyoqneb. Ariya pailyo bati bei Pita wo Jon wo naŋgi aiyel pailyqa marsib atra tal miligiq gileqnabqa tamo bei ai miligiq na siŋga qandamo ŋambabej qaji a atra tal siraŋme jojomq di awesoqnej. Bati gaigai aqa was naŋgi a qoboiyosib boqnsib atra tal aqa siraŋme jojomq dia ateqnabqa awooqnsiqa tamo uŋgasari atra tal miligiq gileqnabqa silali qa ŋilnjroqnej. Siraŋme di aqa ñam Siraŋme Boledamu.

Aposel 5:19

Sonabqa qoloej. Onaqa Tamo Koba Qotei aqa laŋ aŋgro bei aisiqa tonto tal siraŋme waqtosiq naŋgi joqsiq oqedeb. Oqedonabqa laŋ aŋgro na minjrej,

Aposel 9:10

Damaskus qureq dia tamo bei aqa ñam Ananaias soqnej. A Yesus dauryoqnej qaji. Bati deqa Tamo Koba Yesus na aqa areqalo waqtetosiqa ŋeiobilqei na minjej, “O Ananaias.” Onaqa minjej, “Tamo Koba, e agiende.”

Hibru 1:14

Laŋ aŋgro naŋgi mondor. Naŋgi Qotei aqa wau ojeqnub. Agi Qotei na naŋgi qariŋnjreqnaqa naŋgi giloqnsib tamo uŋgasari a na oqas qaji naŋgi aqaryainjreqnub.

Hibru 1:4

Qotei na aqa Ŋiri Yesus ñam kobaquja waiyej. Ñam di tulaŋ kobaquja. Ñam dena laŋ aŋgro naŋgo ñam tulaŋ buŋyejunu. Deqa Yesus a laŋ aŋgro naŋgo gate. Naŋgi aqa sorgomq di unub.