Aposel 10:27 - Yesus Aqa Anjam Bole

²⁷ Degsi minjsiqa naŋgi ombla anjam qaireb. Osib warum bei miligiq gileb. Warum miligiq dia tamo uŋgasari gargekoba naŋgi koroesonabqa unjrej.

Aposel 10:27 Iomraidhean Croise

Luk 24:14

Naŋgi aiyel giloqnsibqa kumbra kalil jeu tamo naŋgi na Yesus yoqneb qaji deqa saoqnsib giloqneb.

Jon 4:35

“Niŋgi mareqnub, ‘Bai qolqe koboamqa iŋgi meliqas.’ Niŋgi degsib mareqnub. Ariya e na niŋgi endegsi merŋgwai. Niŋgi ŋam atsib iŋgi wau uniye. Iŋgi meliosi unu.

Aposel 10:24

Naŋgi aisib gamq di qoloinjrnaqa ŋereŋeb. Olo nebeonaqa naŋgi tigelosib aisib Sisaria qureq di branteb. Kornilius a naŋgi qa tariŋoqnsiq ŋam atoqnej. A na aqa tamo si naŋgi ti aqa segi leŋ naŋgi ti kalil minjrnaq bosib a ti koroosib tariŋesoqneb.

Aposel 14:27

Aisib Yesus aqa tamo uŋgasari naŋgi koroinjrsibqa naŋgi aiyel qure qureq dia laqnsibqa Qotei na naŋgi aqaryainjreqnaqa naŋgi kumbra kalil yoqneb qaji deqa naŋgi sainjroqneb. Sainjroqnsib endegsib minjroqneb, “Qotei na sawa bei bei qaji tamo naŋgi dego gam waqtetnjreqnaqa naŋgi are bulyoqnsib Yesus qa naŋgo areqalo siŋgilateqnub.”

1 Korin 16:9

Qotei na gam waqtetbej deqa e qure endia waukobaoqnsim tamo uŋgasari gargekoba naŋgi are bulyetnjreqnum. Deqa e niŋgi qa urur bqasai. E mati endi sosiy wauoqnqai. E waueqnum deqa jeu tamo gargekoba naŋgi ijo wau tentetbqajqa laqnub.

2 Korin 2:12

Ariya was qu, e Kristus aqa anjam bole palontqa osimqa walwelosim gilsim Troas qureq di brantem. Brantonam Tamo Koba Qotei na gam waqtetbonaqa e dia aqa wau ojoqnem.

Kolosi 4:3

Niŋgi iga qa dego Qotei pailyoqniye. Niŋgi endegsib pailyoqniye, “O Abu, ni na Pol aqa wau qujai naŋgi ti gam waqtetnjroqnimqa naŋgi medabu waqtoqnsib Kristus aqa anjam nami uliesoqnej qaji di marsib laqnqab.” O was qu, jeu tamo naŋgi Kristus aqa anjam di quqwa asginjreqnu deqa naŋgi e ojsib tonto talq endia waibeb unum.