Aposel 10:15 - Yesus Aqa Anjam Bole

¹⁵ Onaqa Qotei na olo Pita minjej, “Iŋgi iŋgi kalil e na bole qa maronum qaji di ni na olo uge qa maraim.”

Aposel 10:15 Iomraidhean Croise

Matyu 15:11

Tamo bei a iŋgi uyimqa aqa miligiq aiqas dena tamo jiga yqasai. Anjam kalil tamo aqa miligiq na oqsiq medabuq na branteqnu qaji dena tamo jiga yeqnu.”

Aposel 10:16

Gara di degsi aioqalubtosiqa olo torei oqej.

Aposel 10:28

Unjrsiqa minjrej, “Niŋgi qalie, e Juda tamo. Niŋgi Juda tamo sai. Niŋgi sawa bei bei qaji tamo. Deqa gago Juda kumbra agiende. Iga nuŋgo tal gogetqajqa getento koba. Iga niŋgi koba na laqajqa dego getento koba. Moses aqa dal anjam nami degsi neŋgreŋyej unu. Di uŋgum. Qotei na e endegsi merbej, ‘Sawa bei bei qaji tamo naŋgi ijo ŋamdamuq di tamo bolesai edegaim.’ Qotei na e degsi merbej.

Aposel 11:9

Onaqa Qotei a laŋ goge dena olo merbej, ‘Iŋgi iŋgi kalil e na bole qa maronum qaji di ni na olo uge qa maraim.’

Aposel 15:20

Iga anjam qujai endegsim neŋgreŋyosim naŋgoq qariŋyqom, ‘O was qu, niŋgi na qotei gisaŋ atrainjro qaji iŋgi bei uyaib. Niŋgi sambala kumbra yaib. Wagme sil na kakoro tontnjrnab moreŋeb qaji di niŋgi uyaib. Wagme leŋ ti dego uyaib.’ Iga anjam qujai di neŋgreŋyosim sawa bei bei qaji tamo naŋgoq qariŋyqom.

Aposel 15:29

Niŋgi na qotei gisaŋ atrainjro qaji iŋgi bei uyaib. Wagme leŋ ti uyaib. Wagme sil na kakoro tontnjrnab moreŋeb qaji di uyaib. Sambala kumbra dego yaib. Niŋgi kumbra di segi dauryqab di niŋgi geregere sqab. Koboqo.” Yesus aqa tamo uŋgasari Jerusalem qureq di soqneb qaji naŋgi na anjam degsib neŋgreŋyeb.

Aposel 15:9

Qotei a gam bei na iga Juda tamo uŋgasari eleŋosim olo gam bei na sawa bei bei qaji tamo naŋgi eleŋqasai. Naŋgi ti iga ti koba na Yesus qa gago areqalo siŋgilatqom gam dena qujai Qotei na iga are bulyetgosim gago une kobotetgwas.

Rom 14:14

Tamo Koba Yesus a na e powo ebej deqa e qalieonum, iŋgi iŋgi kalil Qotei na ateleŋej qaji di aqa ŋamgalaq di jiga bei saiqoji. Ariya Kristen was bei a iŋgi bei qa endegsi are qalqas, “Iŋgi di jigat.” A degsi are qalqas deqa a iŋgi di getentqas.

Rom 14:20

Niŋgi iŋgi uyo qa are qalsib dena Qotei aqa wau ugetaib. Bole, niŋgi iŋgi iŋgi kalil uyqa kere. Ariya niŋgi iŋgi bei uysib dena nuŋgo was bei uneq waiyqab di niŋgi kumbra uge yonub.

1 Korin 10:25

Niŋgi maket dena damu awaiyoqnsib uyoqniye. Damu di nami sulum naŋgi atrainjroqneb kio sai kio niŋgi deqa are koba qalsib nenemoqnaib. Niŋgi osib uyoqniye.

Taitus 1:15

Tamo uŋgasari Qotei aqa ŋamgalaq di une saiqoji unub qaji naŋgi mareqnub, “Iŋgi iŋgi kalil Qotei na atej qaji di jiga saiqoji.” Osib uyeqnub. Ariya tamo uŋgasari kumbra jigat dauryoqnsib Kristus qa naŋgo areqalo siŋgilatosaieqnub qaji naŋgi mareqnub, “Iŋgi iŋgi kalil Qotei na atej qaji di jigat.” Osib uyqa urateqnub. Di kiyaqa? Naŋgo areqalo ti naŋgo are miligi ti di tulaŋ jigat deqa.

Uli Anjam 14:20

Kulum di qure koba aqa polomq di ateb unu. Kulumq dia naŋgi na wain sil aqa gei paraparainjrnabqa kulumq dena leŋ koba aisiqa mandamq di tulaŋ koba maqosiq oqsiq hos naŋgo medabu tiŋq di diŋej. Osiqa sawa tulaŋ kobaquja kabutej. 300 kilomita dego.