Aposel 10:10 - Yesus Aqa Anjam Bole

^10-11 Oqsiq warum dia sonaqa a mamyonaqa uŋa qudei naŋgi minjrnaqa iŋgi goieteb. Iŋgi goieqnabqa Qotei na Pita aqa areqalo waqtetonaqa a ŋeiobilqeiobulosiqa laŋ waqonaq iŋgi bei gara kobaquja bul plalosiq mutu qolqeq di ojeleŋosib laŋ goge dena ura uratonab aieqnaq unej.

Aposel 10:10 Iomraidhean Croise

Matyu 21:18

Nebeonaqa Yesus a olo tigelosiqa Jerusalem qureq giloqnsiqa gamq dia a mamyej.

Matyu 4:2

Qanam 40 qolo dego 40 Yesus a wadau sawaq di soqnej. Sosiqa iŋgi uratsiqa qurieŋ ti soqnej. Bati 40 di koboonaqa a mamyej.

Aposel 11:5

“E Jopa qureq dia pailyeqnamqa Qotei na ijo areqalo waqtetbonaqa e ŋeiobilqeiobulosimqa iŋgi bei gara kobaquja bul plalosiq mutu qolqeq di ojeleŋosib laŋ goge dena ura uratonab ijo ulatamuq ainaq unem.

Aposel 22:17

“Onaqa bati bei e olo Jerusalem qureq bosimqa atra tal miligiq dia Qotei pailyoqnem. Pailyoqnsimqa bati deqa e ŋeiobilqeiobulosim Yesus unem. Yesus unnamqa merbej, ‘Ni Jerusalem endia ijo anjam maroqnqab di Juda naŋgi na ni quetmoqnqasai. Deqa ni Jerusalem endi saim. Ni urur tigelosim Jerusalem qure uratosim aie.’

Uli Anjam 1:10

E Patmos nui endi sonamqa Tamo Koba aqa batiej. Onaqa Qotei aqa Mondor Bole na e siŋgilatbonaqa ijo qoreq di tamo bei leleŋonaqa e aqa kakoro quem. A tulaŋ koba leleŋej. Gul anjameqnu dego kere.