Aposel 1:9 - Yesus Aqa Anjam Bole

⁹ Yesus a na aqa aŋgro naŋgi anjam degsi minjrsiqa a mandam uratosiq laŋ goge oqeqnaq naŋgi a koqyesoqneb. Onaqa laŋbi na a kabutonaqa naŋgi a olo unosai.

Aposel 1:9 Iomraidhean Croise

Mak 16:19

Tamo Koba Yesus a na aqa aŋgro naŋgi anjam degsi minjrnaqa Qotei na laŋ qureq osi oqnaqa aqa baŋ woq di awoej.

Luk 21:27

Bati deqa e Tamo Aŋgro siŋgila ti riaŋ koba ti laŋbiq na mandamq aioqnit tamo uŋgasari naŋgi tarosib e nubqab.

Jon 6:62

Qure e Tamo Aŋgro nami soqnem qaji deq olo oqitqa niŋgi e nubsibqa kiersib are qalqab?

Aposel 1:2

Neŋgreŋyosim gilsimqa Qotei na Yesus osiq laŋ qureq oqej di patem. Yesus a laŋ qureq oqosaisosiqa aqa segi aŋgro giltnjrej qaji naŋgi koroinjrsiqa Qotei aqa Mondor na medabu siŋgilatetonaqa minjrej, “Niŋgi walweloqnsib ijo anjam mare mare laqniye.” Degsi minjrsiqa naŋgi uratnjrsiq laŋ qureq oqej.

1 Tesalonaika 4:17

Tigelabqa bati deqa iga tamo uŋgasari mandamq endia ŋambile unum qaji iga ti naŋgi ti turosim koba na laŋbiq na oqsim Tamo Koba Yesus itqom. Osim a ti gaigai sqom.

1 Timoti 3:16

Iga bole qalieonum, Qotei aqa kumbra nami ulitesoqnej qaji di tulaŋ kobaquja. Kumbra di Qotei na iga osorgonaq unem. Aqa kumbra di agiende. A segi tamo bulyonaqa tamo uŋgasari naŋgi a unoqneb. Mondor Bole a na aqa kumbra bole babtosiq osorgej. Osiq mergej, “Aqa kumbra di tulaŋ tiŋtiŋo.” Laŋ aŋgro naŋgi dego a unoqneb. Tamo naŋgi sawa bei beiq giloqnsibqa aqa anjam mare mare laqneb. Deqa tamo uŋgasari mandamq endi unub qaji naŋgi a qa naŋgo areqalo siŋgilatoqneb. Ariya Qotei na a olo osiq laŋ qureq osi oqnaqa a dia ñam kobaquja osiq unu.

Uli Anjam 1:7

Niŋgi uniye. Yesus a laŋbi ambleq na boqnimqa tamo kalil naŋgi a unqab. Tamo kalil nami a qaja na qameb qaji naŋgi dego a unqab. Tamo uŋgasari kalil mandamq endi unub qaji naŋgi a qa are ugeinjrimqa tulaŋ akamugetqab. Od, kumbra di brantqas. Bole.

Uli Anjam 11:12

Onaqa laŋ goge dena laŋ aŋgro bei a tulaŋ koba leleŋosiqa naŋgi aiyel metnjrej, “Niŋgi goge endeq boiye.” Onaqa naŋgi aiyel aqa kakoro qusibqa laŋbi miligiq na laŋ qureq oqeqnabqa naŋgo jeu tamo naŋgi na naŋgi koqnjresoqneb.

Uli Anjam 14:4

Tamo 144,000 naŋgi di nami uŋa ti sambalaosaioqneb. Deqa naŋgo jejamu yala jigatosai. Naŋgi une saiqoji. Kaja Du a walwelosiq sawa sawaq gileqnaqa naŋgi a dauryosib laqnub. Tamo uŋgasari kalil mandamq di unub qaji naŋgo ambleq dena Qotei na tamo 144,000 naŋgi di awaiyeleŋej. Tamo naŋgi di Qotei na eleŋej deqa naŋgi iŋgi meli bunuj bulosib Qotei wo Kaja Du wo naŋgo segi tamo unub.