Aposel 1:20 - Yesus Aqa Anjam Bole

²⁰ Ariya Yesus aqa tamo uŋgasari 120 naŋgi koroesonabqa Pita na olo minjrej, “Devit a nami Qotei louqa buk miligiq di Judas qa endegsi neŋgreŋyej, ‘Aqa tal laŋa sqas. Aqa tal tamo bei na olo oqasai.’ Osiqa olo Judas qa endegsi neŋgreŋyej, ‘A Kristus aqa wau ojoqnej. Ariya tamo bei na olo wau di ojqas.’ Devit a nami Judas qa degsi neŋgreŋyej.

Aposel 1:20 Iomraidhean Croise

Luk 20:42

Ariya Devit a segi nami marej, ‘Kristus a ijo Tamo Koba dego.’ Agi louqa buk miligiq dia Devit a anjam endegsi neŋgreŋyej, ‘Tamo Koba Qotei na ijo Tamo Koba minjej, “Ni ijo baŋ woq endi awo. Awesoqnimqa e na ino jeu tamo kalil naŋgi eleŋosiy ino sorgomq di atitqa ni na naŋgi taqatnjroqnqam.” ’

Luk 24:44

Uysiqa minjrej, “Nami e niŋgi koba na sosimqa bati deqa e niŋgi endegsim merŋgem, ‘Dal anjam kalil Moses na nami e qa neŋgreŋyej qaji di aqa damu brantqas. Anjam kalil Qotei aqa medabu o tamo naŋgi nami e qa neŋgreŋyeleŋeb qaji di aqa damu dego brantqas. Anjam kalil louqa buk miligiq di nami e qa neŋgreŋyeb qaji di dego aqa damu brantqas.’ E nami niŋgi degsi merŋgem.”

Aposel 1:16

“O ijo was niŋgi quiye. Qotei aqa anjam bei nami neŋgreŋyeb qaji di aqa damu bini brantqo. Anjam di aqa damu Qotei a nami brantqa marej deqa bini brantqo. Anjam di Qotei aqa Mondor na Devit minjnaqa qusiqa neŋgreŋyonaq soqnej. A Judas qa neŋgreŋyej. Judas agi a na jeu tamo naŋgi gam osornjrnaqa Yesus ojeb.

Aposel 1:25

Judas a wau di uratosiqa moisiq sawa uge ni nami a aiqajqa giltem qaji deq aiej.”

Aposel 13:33

Qotei na aqa anjam di dauryosim Yesus qariŋyim gagoq bqajqa deqa marsiq a na Yesus olo subq na tigeltej. Gago moma naŋgo leŋ agi iga. Deqa a gagoq bej. Anjam deqa nami Devit a louqa buk miligiq di endegsi neŋgreŋyej, ‘Ni ijo aŋgro bole. Bini e ni ŋambabtmonum.’ Devit a nami lou namba 2q di anjam di neŋgreŋyej.