Aposel 1:17 - Yesus Aqa Anjam Bole

¹⁷ A nami iga koba na sosimqa Yesus aqa wau ojoqnem.” Pita a na naŋgi anjam degsi minjrej.

Aposel 1:17 Iomraidhean Croise

Matyu 10:4

Bei Saimon agi Rom naŋgi winjrqajqa maroqnej qaji. Ariya bei Judas Iskariot agi Yesus osiqa jeu tamo naŋgo baŋq di atej qaji a di. Yesus aqa aŋgro 12-pela naŋgo ñam agide.

Mak 3:19

Ariya bei Judas Iskariot agi Yesus osiqa jeu tamo naŋgo baŋq di atej qaji. Yesus aqa aŋgro 12-pela naŋgo ñam agide. Naŋgi aqa anjam mare mare laqajqa deqa giltnjrej.

Luk 22:47

Ariya Yesus aqa aŋgro 12-pela naŋgi deqaji bei agi Judas a na qaja tamo gargekoba naŋgi joqsiqa Yesus aqa areq di branteb. Brantonabqa Judas a Yesus aqa areq bosiq kundoqyej.

Luk 6:16

Ariya bei Jems aqa ŋiri Judas. Bei Judas Iskariot agi Yesus osiqa jeu tamo naŋgo baŋq di atej qaji. Yesus aqa aŋgro 12-pela naŋgo ñam agide. Naŋgi Yesus aqa anjam mare mare laqajqa deqa giltnjrej.

Jon 17:12

E naŋgi ti sosimqa ino ñam kobaquja ni na ebem qaji ñam dena naŋgi taqatnjroqnem. Deqa ijo aŋgro bei padalosai. Ijo aŋgro qujai agi ni na nami padalqajqa giltem qaji a segi padalqas. A padalamqa ino anjam bei nami neŋgreŋyeb qaji di aqa damu brantqas.

Aposel 1:25

Judas a wau di uratosiqa moisiq sawa uge ni nami a aiqajqa giltem qaji deq aiej.”

Aposel 12:25

Onaqa Barnabas wo Sol wo naŋgi Jerusalem dia naŋgo wau kobotosib olo puluqa laqnsib Jon aqa ñam bei Mak a osib koba na Antiok qureq gileb.

Aposel 20:24

“Di uŋgum. E ijo segi jejamu qa are qalosaieqnum. Wau kalil Tamo Koba Yesus na ebej qaji di yosiy kobotqajqa are qaleqnum. Wau di endegsi unu. E siŋgila na Yesus aqa anjam bole tamo uŋgasari naŋgi minjre minjre laqnqai. Anjam bole di aqa damu agiende. Qotei a tamo uŋgasari naŋgi qa are boleiyoqnsiqa naŋgi eleŋeqnu.

2 Korin 4:1

Qotei a iga qa tulaŋ dulosiq deqa wau di iga egej. Deqa iga wau di ojqajqa asgigosaieqnu.

2 Korin 5:18

Kumbra kalil di Qotei a iga qa are qalsiq babtej. Nami iga Qotei ti jeu soqnem. Ariya Qotei a olo Kristus aqa ñam na jeu kobotej deqa bini iga a ombla are qujaitosim unum. Jeu kobotqajqa wau di Qotei na iga egej deqa iga waueqnum.