Aposel 1:16 - Yesus Aqa Anjam Bole

¹⁶ “O ijo was niŋgi quiye. Qotei aqa anjam bei nami neŋgreŋyeb qaji di aqa damu bini brantqo. Anjam di aqa damu Qotei a nami brantqa marej deqa bini brantqo. Anjam di Qotei aqa Mondor na Devit minjnaqa qusiqa neŋgreŋyonaq soqnej. A Judas qa neŋgreŋyej. Judas agi a na jeu tamo naŋgi gam osornjrnaqa Yesus ojeb.

Aposel 1:16 Iomraidhean Croise

Matyu 26:14

Onaqa Judas Iskariot a tigelosiqa atra tamo kokba naŋgoq gilej. Judas a Yesus aqa aŋgro 12-pela naŋgi deqaji bei.

Matyu 26:47

Onaqa Yesus aqa aŋgro 12-pela naŋgi deqaji bei agi Judas a na qaja tamo gargekoba naŋgi sebru ti torom ti eleŋonab joqsiqa Yesus aqa areq di branteb. Atra tamo kokba ti Juda gate kokba ti naŋgi na naŋgi qariŋnjrnab Yesus ojqa beb.

Matyu 26:54

Ariya e degsi ijo Abu minjqasai. Deqa aqa anjam bei nami neŋgreŋyeb qaji di aqa damu brantqas. Agi nami endegsib neŋgreŋyeb, ‘Kristus a moiqas.’”

Matyu 26:56

Niŋgi kumbra di yeb deqa Qotei aqa medabu o tamo naŋgo anjam nami neŋgreŋyeleŋeb qaji di aqa damu agi brantqo.” Yesus a naŋgi degsi minjrnaqa aqa aŋgro kalil naŋgi a uratosib jaraieb.

Mak 12:36

Ariya Devit a segi nami marej, ‘Kristus a ijo Tamo Koba dego.’ Agi Qotei aqa Mondor na Devit aqa medabu siŋgilatetonaqa endegsi marej, ‘Tamo Koba Qotei a na ijo Tamo Koba minjej, “Ni ijo baŋ woq endi awo. Awesoqnimqa e na ino jeu tamo kalil naŋgi eleŋosiy ino sorgomq di atitqa ni na naŋgi taqatnjroqnqam.” ’

Mak 14:43

Onaqa Yesus aqa aŋgro 12-pela naŋgi deqaji bei agi Judas a na qaja tamo gargekoba naŋgi sebru ti torom ti eleŋonab joqsiqa Yesus aqa areq di branteb. Atra tamo kokba ti dal anjam qalie tamo naŋgi ti Juda gate kokba ti naŋgi na naŋgi qariŋnjrnab Yesus ojqa beb.

Luk 22:47

Ariya Yesus aqa aŋgro 12-pela naŋgi deqaji bei agi Judas a na qaja tamo gargekoba naŋgi joqsiqa Yesus aqa areq di branteb. Brantonabqa Judas a Yesus aqa areq bosiq kundoqyej.

Jon 10:35

Agi nami Qotei a tamo naŋgi endegsi minjrej, ‘Niŋgi qotei.’ Qotei aqa anjam kalil neŋgreŋq di unu qaji di iga olo bulyqa keresai.

Jon 13:18

“Ijo anjam endi e niŋgi kalil qa marosai. E segi na niŋgi giltŋgem deqa e niŋgi qa qalieonum. Ariya anjam bei Qotei aqa neŋgreŋq di unu qaji di aqa damu brantqas. Anjam agiende, ‘Tamo e ombla bem uyqas qaji a na e jeutbqas.’

Jon 17:12

E naŋgi ti sosimqa ino ñam kobaquja ni na ebem qaji ñam dena naŋgi taqatnjroqnem. Deqa ijo aŋgro bei padalosai. Ijo aŋgro qujai agi ni na nami padalqajqa giltem qaji a segi padalqas. A padalamqa ino anjam bei nami neŋgreŋyeb qaji di aqa damu brantqas.

Jon 19:36

Qaja tamo naŋgi kumbra di yeb deqa Qotei aqa anjam bei nami neŋgreŋyeb qaji di aqa damu brantej. Agi endegsib neŋgreŋyeb, “Naŋgi aqa tanu bei gentqasai.”

Aposel 1:20

Ariya Yesus aqa tamo uŋgasari 120 naŋgi koroesonabqa Pita na olo minjrej, “Devit a nami Qotei louqa buk miligiq di Judas qa endegsi neŋgreŋyej, ‘Aqa tal laŋa sqas. Aqa tal tamo bei na olo oqasai.’ Osiqa olo Judas qa endegsi neŋgreŋyej, ‘A Kristus aqa wau ojoqnej. Ariya tamo bei na olo wau di ojqas.’ Devit a nami Judas qa degsi neŋgreŋyej.

Aposel 13:38

O ijo was, niŋgi geregere poiŋgem. Yesus qujai di aqa ñam na Qotei a nuŋgo une kobotetŋgwas. Iga Yesus qujai deqa anjam plaltoqnsim niŋgi merŋgeqnum.

Aposel 15:13

Sainjrsib koboonaqa Jems a kamba tigelosiqa naŋgi kalil endegsi minjrej, “O ijo was kalil, e na anjam bei niŋgi merŋgit quiye.

Aposel 2:23

Qotei na tamo di osiq nuŋgo baŋq di atej. A nami kumbra degyqa are qalsiq deqa anjam keretej. Onaqa niŋgi na Yesus osib tamo uge naŋgo baŋq di atnabqa naŋgi na osib ŋamburbasq di qalnab moiej. Nuŋgo kumbra dena niŋgi segi na Yesus qalsib moioteb.

Aposel 2:37

Onaqa naŋgi Pita aqa anjam di qunabqa anjam dena naŋgo are qametnjrej. Deqa naŋgi na Yesus aqa aŋgro naŋgi Pita ombla minjreb, “O gago was niŋgi na mergiye. Iga kieronamqa Qotei na iga eleŋamqa iga padalqasai?”

Aposel 22:1

“O ijo was niŋgi ijo abu ti e kamba anjam bei merŋgit quiye.”

Aposel 23:1

Onaqa Pol a Juda tamo kokba naŋgi koqnjrsiqa endegsi minjrej, “O ijo was niŋgi quiye. E nami Qotei aqa ŋamgalaq dia kumbra bole bole yoqnem agi bini yoqnsim unum. Deqa e are gulube saiqoji.”

Aposel 23:6

Ariya Juda tamo kokba awoeleŋesoqneb qaji naŋgo ambleq dia Sadyusi tamo ti Farisi tamo ti soqneb. Onaqa Pol a degsi qalieosiqa leleŋosiq minjrej, “O ijo was niŋgi quiye. E Farisi tamo. Ijo abu a dego Farisi tamo. Deqa e endegsi are qalonum. Tamo kalil moreŋo qaji naŋgi mondoŋ olo subq na tigelqab. Anjam deqa e ijo areqalo tulaŋ siŋgilatejunum. Anjam deqa qujai naŋgi na e ojsib agi nuŋgo ŋamdamuq di tigeltbonub.”

Aposel 28:17

Pol a di sosiqa bati qalub koboonaqa a na Juda tamo kokba Rom dia soqneb qaji naŋgi metnjrnaqa bosib aqa areq di koroonab minjrej, “O ijo was niŋgi quiye. Jerusalem dia Juda tamo kokba naŋgi e laŋa ojsib tonto talq waibeb. Naŋgi ijo une bei unosai. E Juda gago kumbra bei ugeugeiyosaioqnem. Gago moma naŋgo dal anjam dego gotraŋyosaioqnem. Juda tamo kokba naŋgi e laŋa ojsib Rom naŋgo baŋq di ateb.

Aposel 28:25

Naŋgi degsib areqalo aiyeltosib tigelosib jaraiqa laqnabqa Pol na anjam qujai endegsi minjrej, “Mondor Bole a nami Qotei aqa medabu o qaji tamo Aisaia aqa medabuq na gago moma naŋgi anjam minjrej. A anjam bole endegsi minjrej,

Aposel 7:2

Onaqa Stiven a kamba marej, “O ijo was ti ijo abu ti niŋgi ijo anjam endi quiye. Nami gago moma utru Abraham a Mesopotemia sawaq di sosiqa Haran qureq gilosaisonaqa bati deqa gago Qotei laŋ qureq di unu qaji a Abraham aqa ulatamuq di brantosiqa minjej, ‘O Abraham, ni na ino mandam ti ino was naŋgi ti uratnjrsimqa mandam bei e na osormitqa deq gilime.’

1 Pita 1:11

Kristus aqa Mondor a naŋgo are miligiq di sosiqa naŋgo medabuq na anjam endegsi babtosiq maroqnej, “Bunuqna Kristus a jaqatiŋ osim moiqas. Moisim olo subq na tigelosim laŋ qureq oqsim dia a ñam koba ti sqas.” O was qu, Qotei aqa medabu o qaji tamo naŋgi endegsib nenemoqneb, “Kristus a bati gembu bqas? Kumbra kie namoqna brantim Kristus a bunuqna bqas?”

2 Pita 1:21

Di kiyaqa? Naŋgo anjam maroqneb qaji di mandam tamo naŋgo areqalo na marosaioqneb. Mondor Bole a na naŋgo areqalo tigeltetnjreqnaqa naŋgi Qotei aqa medabu oqnsib anjam maroqneb.

2 Pita 2:21

Naŋgi nami kumbra bole qa gam di qaliesai qamu di kere. Ariya naŋgi gam di qalieosib Qotei aqa dal anjam osib olo bunuqna naŋgi qoreiyeb.